കായികരംഗത്തിന് പ്രതീക്ഷ; ജില്ലയിൽ ഒരുങ്ങുന്നത്​ ആറ്​ കളിക്കളങ്ങൾ

കോ​ട്ട​യം: ജി​ല്ല​യു​ടെ കാ​യി​ക​രം​ഗ​ത്ത് അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ൽ വ​ൻ മു​ന്നേ​റ്റം. ആ​ധു​നി​ക നി​ല​വാ​ര​ത്തി​ലു​ള്ള സ്റ്റേ​ഡി​യ​ങ്ങ​ൾ, ട​ർ​ഫ്, സ്വി​മ്മി​ങ് പൂ​ൾ തു​ട​ങ്ങി കാ​യി​ക​മേ​ഖ​ല​യു​ടെ സ​മ​ഗ്ര വി​ക​സ​ന​ത്തി​നു​ള്ള പ​ദ്ധ​തി​ക​ളാ​ണ് സം​സ്ഥാ​ന സ​ർ​ക്കാ​ർ ന​ട​പ്പാ​ക്കി​യ​ത്. കാ​യി​ക വ​കു​പ്പി​ന്​ കീ​ഴി​ൽ നി​ര​വ​ധി പ​ദ്ധ​തി​ക​ൾ ജി​ല്ല​യി​ൽ പൂ​ർ​ത്തീ​ക​രി​ക്കു​ക​യാ​ണ്. ‘ഒ​രു പ​ഞ്ചാ​യ​ത്ത് ഒ​രു ക​ളി​ക്ക​ളം’ പ​ദ്ധ​തി​യി​ലൂ​ടെ ആ​റ് ക​ളി​ക്ക​ള​ങ്ങ​ളാ​ണ് ജി​ല്ല​യി​ൽ ഒ​രു​ങ്ങു​ന്ന​ത്.

6.97 കോ​ടി രൂ​പ ചെ​ല​വ​ഴി​ച്ച് ജി​ല്ല​യു​ടെ കാ​യി​ക സ്വ​പ്ന​ങ്ങ​ൾ​ക്ക് കു​തി​പ്പ്​ പ​ക​രു​ന്ന ആ​റ് പ​ദ്ധ​തി​ക​ൾ പൂ​ർ​ത്തീ​ക​രി​ച്ചു. 3.50 കോ​ടി രൂ​പ ചെ​ല​വി​ൽ പാ​ലാ മു​നി​സി​പ്പ​ൽ സ്റ്റേ​ഡി​യം അ​ത്യാ​ധു​നി​ക സം​വി​ധാ​ന​ങ്ങ​ളോ​ടെ ന​വീ​ക​രി​ച്ചു. ഭ​ര​ണ​ങ്ങാ​ന​ത്ത് സ്വി​മ്മി​ങ് പൂ​ൾ നി​ർ​മാ​ണ​വും പൂ​ർ​ത്തി​യാ​യി. പാ​ലാ​യി​ലും കോ​ട്ട​യ​ത്തും സ്പോ​ർ​ട്സ് ഫി​റ്റ്ന​സ് സെ​ന്‍റ​റു​ക​ളി​ൽ വ്യാ​യാ​മ ഉ​പ​ക​ര​ണ​ങ്ങ​ൾ ല​ഭ്യ​മാ​ക്കി. കൂ​ടാ​തെ പാ​ലാ ഫി​റ്റ്ന​സ് സെ​ന്‍റ​റി​ൽ ഇ​ന്‍റീ​രി​യ​ർ വ​ർ​ക്കും ന​ട​ത്തി. മ​ഹാ​ത്മാ​ഗാ​ന്ധി സ​ർ​വ​ക​ലാ​ശാ​ല​യി​ൽ നാ​ച്വ​റ​ൽ ട​ർ​ഫ് നി​ർ​മാ​ണ​വും പൂ​ർ​ത്തി​യാ​ക്കി.

ഒ​രു പ​ഞ്ചാ​യ​ത്ത് ഒ​രു ക​ളി​ക്ക​ളം പ​ദ്ധ​തി​യൂ​ടെ ഭാ​ഗ​മാ​യി വൈ​ക്കം അ​ക്ക​ര​പ്പാ​ടം ഗ​വ. സ്‌​കൂ​ളി​ലും മ​ണി​മ​ല ഗ്രാ​മ​പ​ഞ്ചാ​യ​ത്തി​ലു​മു​ള്ള ക​ളി​ക്ക​ള​ങ്ങ​ൾ പൂ​ർ​ത്തീ​ക​ര​ണ​ ഘ​ട്ട​ത്തി​ലാ​ണ്. പൂ​ഞ്ഞാ​ർ, ച​ങ്ങ​നാ​ശ്ശേ​രി, ഏ​റ്റു​മാ​നൂ​ർ നി​യോ​ജ​ക​മ​ണ്ഡ​ല​ങ്ങ​ളി​ലെ ക​ളി​ക്ക​ളം നി​ർ​മാ​ണം ന​ട​ന്നു​വ​രു​ന്നു. ക​ടു​ത്തു​രു​ത്തി​യി​ലേ​ത് ഉ​ട​ൻ തു​ട​ങ്ങും. വൈ​ക്ക​ത്ത് വെ​ള്ളൂ​രി​ലു​ള്ള പെ​രും​ത​ട്ട് സ്റ്റേ​ഡി​യ​ത്തി​ന്‍റെ നി​ർ​മാ​ണം അ​ന്തി​മ​ഘ​ട്ട​ത്തി​ലാ​ണ്.

കാ​ഞ്ഞി​ര​പ്പ​ള്ളി കെ. ​നാ​രാ​യ​ണ​ക്കു​റു​പ്പ് മെ​മ്മോ​റി​യ​ൽ ഇ​ൻ​ഡോ​ർ സ്റ്റേ​ഡി​യ​ത്തി​ന്‍റെ നി​ർ​മാ​ണം പു​രോ​ഗ​മി​ക്കു​ക​യാ​ണ്. വൈ​ക്കം ഗ​വ. ബോ​യ്സ് സ്‌​കൂ​ൾ, വൈ​ക്കം വെ​സ്റ്റ് വി.​എ​ച്ച്.​എ​സ്.​എ​സ് സ്‌​കൂ​ൾ എ​ന്നി​വി​ട​ങ്ങ​ളി​ലെ ക​ളി​ക്ക​ള നി​ർ​മാ​ണ​ങ്ങ​ൾ ടെ​ൻ​ഡ​ർ ചെ​യ്തു. പൂ​ഞ്ഞാ​ർ നി​യോ​ജ​ക​മ​ണ്ഡ​ല​ത്തി​ലെ മാ​ട​പ്പാ​ട്ട്, കൂ​വ​പ്പ​ള്ളി, ചേ​ന്നാ​ട് സ്റ്റേ​ഡി​യ​ങ്ങ​ളു​ടെ ന​വീ​ക​ര​ണ​ത്തി​നാ​യി തു​ക ല​ഭ്യ​മാ​ക്കി​യി​ട്ടു​ണ്ട്.