മ​ണ​ര്‍കാ​ട് കോ​ഴി വ​ള​ര്‍ത്ത​ല്‍ കേ​ന്ദ്രം നാ​ളെ​ തു​റ​ക്കും

​കോ​ട്ട​യം: ഒ​രു വ​ർ​ഷ​മാ​യി അ​ട​ച്ചി​ട്ടി​രു​ന്ന മ​ണ​ര്‍കാ​ട് കോ​ഴി വ​ള​ര്‍ത്ത​ല്‍ കേ​ന്ദ്രം ചൊ​വ്വാ​ഴ്ച​ തു​റ​ക്കും. ക​ഴി​ഞ്ഞ വ​ർ​ഷം മേ​യി​ൽ പ​ക്ഷി​പ്പ​നി ബാ​ധ​യെ​തു​ട​ർ​ന്ന്​ നി​യ​ന്ത്ര​ണ​ങ്ങ​ളു​ടെ ഭാ​ഗ​മാ​യാ​ണ്​​ കേ​ന്ദ്രം അ​ട​ച്ചി​ട്ട​ത്. നി​യ​ന്ത്ര​ണ​ങ്ങ​ൾ ഡി​സം​ബ​റോ​ടെ നീ​ങ്ങി​യെ​ങ്കി​ലും കേ​ന്ദ്ര അ​നു​മ​തി കി​ട്ടാ​ൻ വൈ​കി. കൂ​ടു​ത​ൽ സു​​ര​ക്ഷ​യൊ​രു​ക്കി​യാ​ണ്​ ജി​ല്ല പ​ഞ്ചാ​യ​ത്തി​ന്‍റെ നി​യ​ന്ത്ര​ണ​ത്തി​ലു​ള്ള കേ​ന്ദ്രം തു​റ​ക്കു​ന്ന​ത്. കൂ​ടു​ക​ളും പ​രി​സ​ര​വും അ​ണു​വി​മു​ക്ത​മാ​ക്കി.

പ​ക്ഷി​ക​ള്‍ ക​ട​ക്കാ​തി​രി​ക്കാ​ൻ കൂ​ടു​ക​ള്‍ക്ക് ചു​റ്റും വ​ല​യി​ട്ട്​ സം​ര​ക്ഷ​ണം ഏ​​ർ​പ്പെ​ടു​ത്തി. ജീ​വ​ന​ക്കാ​ര്‍ക്ക് ക​ട​ന്നു​വ​രാ​ന്‍ മ​റ്റൊ​രു ചെ​റി​യ ഗേ​റ്റ് നി​ര്‍മി​ക്കും. കൂ​ടു​ക​ളി​ലേ​ക്ക് ക​ട​ക്കു​ന്ന ജീ​വ​ന​ക്കാ​രു​ടെ കാ​ലു​ക​ള്‍ അ​ണു​വി​മു​ക്ത​മാ​ക്കാ​ന്‍ എ​ല്ലാ കൂ​ടി​ന്റെ​യും പ്ര​വേ​ശ​ന​ഭാ​ഗ​ത്ത് സം​വി​ധാ​ന​മൊ​രു​ക്കി. ഫാ​മി​ലേ​ക്ക് വ​രു​ന്ന വാ​ഹ​ന​ങ്ങ​ളു​ടെ ട​യ​റു​ക​ള്‍ അ​ണു​വി​മു​ക്ത​മാ​ക്കാ​ന്‍ പ്ര​ധാ​ന ഗേ​റ്റി​ല്‍ 12 അ​ടി നീ​ള​ത്തി​ലും 12 അ​ടി വീ​തി​യി​ലും കോ​ണ്‍ക്രീ​റ്റി​ട്ട് വീ​ല്‍ഡി​പ്പ് നി​ര്‍മി​ച്ചി​ട്ടു​ണ്ട്. ട​യ​റു​ക​ള്‍ അ​ണു​വി​മു​ക്ത​മാ​ക്കാ​ന്‍ ഹൈ​പ്പോ​ക്ലോ​റേ​റ്റ് ലാ​യ​നി ഇ​വി​ടെ നി​റ​ക്കും.

സെ​യി​ല്‍സ് കൗ​ണ്ട​ര്‍ ഫാ​മി​ന​ടു​ത്തു​നി​ന്ന്​ മാ​റ്റി പ്ര​വേ​ശ​ന ക​വാ​ട​ത്തി​ന​ടു​ത്ത്​ സ്ഥാ​പി​ക്കും. തൊ​ടു​പു​ഴ കോ​ലാ​നി ഫാ​മി​ല്‍ നി​ന്ന്​ ഒ​രു​ദി​വ​സം പ്രാ​യ​മാ​യ ഗ്രാ​മ​ശ്രീ ഇ​ന​ത്തി​ല്‍പെ​ട്ട 1,372 കോ​ഴി​ക്കു​ഞ്ഞു​ങ്ങ​ളെ​യും മ​ണ്ണു​ത്തി​യി​ലെ പൗ​ള്‍ട്രി​ഫാ​മി​ല്‍നി​ന്ന് ഒ​രു ദി​വ​സം പ്രാ​യ​മാ​യ 1,800 കോ​ഴി​ക്കു​ഞ്ഞു​ങ്ങ​ളെ​യും കൊ​ണ്ടു​വ​രും. 10 കൂ​ടു​ക​ളാ​ണ് ഇ​വി​ടെ​യു​ള്ള​ത്.

പ്ര​തി​വ​ര്‍ഷം ആ​റു​ല​ക്ഷം മു​ട്ട​യും നാ​ലു​ല​ക്ഷം കോ​ഴി​ക്കു​ഞ്ഞു​ങ്ങ​ളെ​യും ഉ​ല്‍പാ​ദി​പ്പി​ക്കു​ന്ന​തി​ലൂ​ടെ 80 ല​ക്ഷം രൂ​പ​യു​ടെ പ്ര​ത്യ​ക്ഷ വ​രു​മാ​ന​മു​ണ്ടാ​ക്കാ​ൻ ക​ഴി​യു​ന്നു​ണ്ട്. . 2024 മേ​യി​ലാ​ണ് ഫാ​മി​ല്‍ എ​ച്ച്5 എ​ന്‍1 പി​ടി​പെ​ട്ട് കോ​ഴി​ക​ള്‍ കൂ​ട്ട​ത്തോ​ടെ ച​ത്ത​ത്. ആ​കെ 9,175 കോ​ഴി​ക​ളെ ദ​യാ​വ​ധ​ത്തി​ന് വി​ധേ​യ​മാ​ക്കി. 25 ല​ക്ഷം രൂ​പ​യു​ടെ ന​ഷ്ട​മു​ണ്ടാ​യെ​ന്നാ​ണ് ക​ണ​ക്ക്.