അനുമതി നല്‍കാന്‍ അധികാരികളുടെ നെട്ടോട്ടമെന്ന്​ ആക്ഷേപം; ഉരുള്‍പൊട്ടല്‍ മേഖലയില്‍ വീണ്ടും പാറമടക്ക് നീക്കം

മു​ണ്ട​ക്ക​യം: 2021ലെ ​ശ​ക്ത​മാ​യ ഉ​രു​ള്‍പൊ​ട്ട​ലു​ണ്ടാ​യ പൂ​വ​ഞ്ചി വാ​ര്‍ഡി​ല്‍ നി​ല​വി​ലു​ള​ള ര​ണ്ടു പാ​റ​മ​ട​ക​ള്‍ കൂ​ടാ​തെ മ​റ്റൊ​രു പാ​റ​മ​ട​ക്കു​കൂ​ടി അ​നു​മ​തി ന​ല്‍കാ​ൻ നീ​ക്കം. ഇ​ത് സം​ബ​ന്ധി​ച്ച അ​പേ​ക്ഷ​യി​ൽ രേ​ഖ​ക​ള്‍ ത​യാ​റാ​ക്കി അ​നു​മ​തി ന​ല്‍കാ​ന്‍ അ​ധി​കാ​രി​ക​ള്‍ നെ​ട്ടോ​ട്ട​ത്തി​ലാ​ണെ​ന്ന്​ ആ​ക്ഷേ​പ​മു​യ​രു​ന്നു. പ്ര​ള​യ​ത്തി​ല്‍ ഇ​തേ വാ​ര്‍ഡി​ലാ​ണ് ഏ​റ്റ​വും വ​ലി​യ ഉ​രു​ള്‍പൊ​ട്ട​ല്‍ ഉ​ണ്ടാ​യ​തും പി​ഞ്ചു​കു​ട്ടി​യ​ട​ക്കം എ​ട്ടു​പേ​ര്‍ കൊ​ല്ല​പ്പെ​ട്ട​തും. നി​ര​വ​ധി വീ​ടു​ക​ള്‍ ഇ​പ്പോ​ഴും അ​പ​ക​ട ഭീ​ഷ​ണി​യി​ലാ​യി​രി​ക്കെ​യാ​ണ്​ ഇ​വി​ടെ പാ​റ​മ​ട അ​നു​വ​ദി​ക്കാ​ന്‍ നീ​ക്കം ആ​രം​ഭി​ച്ച​ത്.

പൂ​വ​ഞ്ചി​യി​ല്‍ സ്വ​കാ​ര്യ വ്യ​ക്തി​യു​ടെ പു​ര​യി​ട​ത്തി​ലാ​ണ് പാ​റ​മ​ട അ​ന​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ട്ടു ജി​ല്ല അ​ധി​കാ​രി​ക​ളെ സ​മീ​പി​ച്ച​ത്. ഇ​ത് സം​ബ​ന്ധി​ച്ച് ക​ല​ക്ട​ര്‍ റി​പ്പോ​ര്‍ട്ട് ആ​വ​ശ്യ​പ്പെ​ട്ട​താ​യി അ​റി​യു​ന്നു. ഇ​തി​നാ​യി ക​ഴി​ഞ്ഞ ദി​വ​സം പൊ​ലീ​സ് അ​ന്വേ​ഷ​ണം ന​ട​ത്തി പ​രി​സ​ര​വാ​സി​ക​ളി​ല്‍നി​ന്ന്​ അ​ഭി​പ്രാ​യ​ങ്ങ​ള്‍ ആ​രാ​ഞ്ഞി​ട്ടു​ണ്ട്. മേ​ഖ​ല​യി​ല്‍ നി​ല​വി​ല്‍ ര​ണ്ട് പാ​റ​മ​ട​ക​ള്‍ക്ക്​ അ​നു​മ​തി​യു​ണ്ടെ​ങ്കി​ലും നി​യ​പ​ര​മാ​യി നി​ര്‍ത്തി​വെ​ച്ചി​രി​ക്കു​ക​യാ​ണ്. ഇ​തി​ല്‍ ഒ​രു പാ​റ​മ​ട അ​ധി​കാ​രി​ക​ളു​ടെ മൗ​നാ​നു​വാ​ദ​ത്തി​ല്‍ പ്ര​വ​ര്‍ത്ത​നം സ​ജീ​വ​മാ​ണി​പ്പോ​ഴും. ഇ​തു​കൂ​ടാ​തെ അ​നു​മ​തി​യി​ല്ലാ​തെ മ​റ്റൊ​രു സ്വ​കാ​ര്യ വ്യ​ക്തി മേ​ഖ​ല​യി​ല്‍ പാ​റ​പ്പൊ​ട്ടി​ച്ച്​ ക​ല്ലു ക​ച്ച​വ​ടം ന​ട​ത്തു​ന്നു​ണ്ട്.

പ്ര​കൃ​തി​ലോ​ല പ്ര​ദേ​ശ പ​ട്ടി​ക​യി​ലു​ള​ള ഇ​വി​ടെ പാ​റ​മ​ട​ക​ള്‍ പ്ര​വ​ർ​ത്തി​ക്കു​ന്ന​ത്​ നാ​ടി​നെ ദോ​ഷ​ക​ര​മാ​യി ബാ​ധി​ച്ചി​രു​ന്നു. ഇ​തി​നി​ട​യാ​ണ് അ​ന​ധി​കൃ​ത പാ​റ​മ​ട​യു​ടെ പ്ര​വ​ര്‍ത്ത​ന​വും പു​തി​യ പാ​റ​മ​ട​ക​ൾ​ക്ക്​ നീ​ക്ക​വും ആ​രം​ഭി​ച്ചി​രി​ക്കു​ന്ന​ത്. ഇ​തി​നെ​തി​രെ പ്ര​ദേ​ശ​വാ​സി​ക​ൾ ശ​ക്ത​മാ​യ പ്ര​തി​ഷേ​ധ​ത്തി​നൊ​രു​ങ്ങു​ക​യാ​ണ്.