വ്യാപാരസ്ഥാപനത്തിൽ തീപിടിത്തം: കൂവപ്പള്ളി സ്വദേശി അറസ്റ്റിൽ

മു​ണ്ട​ക്ക​യം: വ്യാ​പാ​ര സ്ഥാ​പ​ന​ത്തി​ൽ ക​ഴി​ഞ്ഞ​ദി​വ​സ​മു​ണ്ടാ​യ തീ​പി​ടി​ത്ത​വു​മാ​യി ബ​ന്ധ​പ്പെ​ട്ട്​ കൂ​വ​പ്പ​ള്ളി സ്വ​ദേ​ശി​യെ അ​റ​സ്റ്റ്​ ചെ​യ്തു. ടൗ​ണി​ൽ പ​ഞ്ചാ​യ​ത്തു​വ​ക വ്യാ​പാ​ര സ്ഥാ​പ​ന​ത്തി​ൽ ഹ​രി​ത​ക​ർ​മ സേ​ന​യു​ടെ പ്ലാ​സ്റ്റി​ക് ശേ​ഖ​രി​ച്ചി​രു​ന്ന കെ​ട്ടി​ട​ത്തി​ൽ തീ​കൊ​ളു​ത്തി​യ കാ​ഞ്ഞി​ര​പ്പ​ള്ളി കൂ​വ​പ്പ​ള്ളി സ്വ​ദേ​ശി ത​ട്ടാ​ർ​ക്കു​ന്നേ​ൽ സ​ജു ജോ​സ​ഫി​നെ​യാ​ണ് (45) മു​ണ്ട​ക്ക​യം സി.​ഐ എം.​ആ​ർ. രാ​കേ​ഷ് കു​മാ​റും സം​ഘ​വും അ​റ​സ്റ്റ്​ ചെ​യ്ത​ത്.

ഒ​രാ​ഴ്ച​യാ​യി ടൗ​ണി​ലും പ​രി​സ​ര​ത്തും അ​ല​ഞ്ഞു​തി​രി​യു​ന്ന ഇ​യാ​ൾ പ്ലാ​സ്റ്റി​ക് മാ​ലി​ന്യ​ത്തി​ന് തീ​കൊ​ളു​ത്തു​ക​യാ​യി​രു​ന്നു. സ​മീ​പ​ത്തെ സി.​സി ടി.​വി ദൃ​ശ്യ​ത്തി​ൽ​നി​ന്നാ​ണ് ഇ​യാ​ളെ തി​രി​ച്ച​റി​ഞ്ഞ​ത്. തു​ട​ർ​ന്നു ന​ട​ത്തി​യ തി​ര​ച്ചി​ലി​ൽ പ്ര​തി​യെ ക​ണ്ടെ​ത്തു​ക​യും ചോ​ദ്യം​ചെ​യ്യ​ലി​ൽ കു​റ്റം സ​മ്മ​തി​ക്കു​ക​യു​മാ​യി​രു​ന്നു. കാ​ഞ്ഞി​ര​പ്പ​ള്ളി, പെ​രു​വ​ന്താ​നം പൊ​ലീ​സ്​ സ്റ്റേ​ഷ​നു​ക​ളി​ൽ മോ​ഷ​ണം, അ​ടി​പി​ടി​ക്കേ​സു​ക​ളി​ൽ പ്ര​തി​യാ​ണ്​ ഇ​യാ​ളെ​ന്ന് പൊ​ലീ​സ് പ​റ​ഞ്ഞു.

മു​ണ്ട​ക്ക​യം-​എ​രു​മേ​ലി റോ​ഡി​ൽ കോ​സ്​​വേ ജ​ങ്ഷ​നി​ൽ ഞാ​യ​റാ​ഴ്ച വൈ​കീ​ട്ട് 6.30ഓ​ടെ​യാ​ണ് തീ​പി​ടി​ത്ത​മു​ണ്ടാ​യ​ത്. പ​ഞ്ചാ​യ​ത്ത് ഷോ​പ്പി​ങ് കോം​പ്ല​ക്സി​ൽ ഹ​രി​ത​ക​ർ​മ സേ​ന സൂ​ക്ഷി​ക്കു​ന്ന പ്ലാ​സ്റ്റി​ക് മാ​ലി​ന്യ​ത്തി​നാ​ണ് തീ​പി​ടി​ത്തം ഉ​ണ്ടാ​യ​ത്. പൊ​ട്ടി​ത്തെ​റി​ക്കു​ന്ന ശ​ബ്ദ​ത്തോ​ടെ​യാ​യി​രു​ന്നു തീ​പി​ടി​ത്തം.

നി​ര​വ​ധി വ്യാ​പാ​ര സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന വ്യാ​പാ​ര സ​മു​ച്ച​യ​ത്തി​ലാ​യി​രു​ന്നു തീ​പി​ടി​ത്തം. നാ​ട്ടു​കാ​ർ തീ​കെ​ടു​ത്താ​ൻ ശ്ര​മി​ച്ചെ​ങ്കി​ലും തീ​യാ​ളി​പ്പ​ട​രു​ക​യാ​യി​രു​ന്നു. കാ​ഞ്ഞി​ര​പ്പ​ള്ളി​യി​ൽ​നി​ന്ന്​ അ​ഗ്​​നി​ര​ക്ഷാ​സേ​ന​യെ​ത്തി​യാ​ണ് തീ​കെ​ടു​ത്തി​യ​ത്​. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.