വാരിശ്ശേരിയിലെ മാരത്തൺ മോഷണം

കോ​ട്ട​യം: വാ​രി​ശ്ശേ​രി​യി​ല്‍ മൂ​ന്ന്​ ക​ട​ക​ളി​ല്‍ മോ​ഷ​ണം. വാ​രി​ശ്ശേ​രി ക​വ​ല​യി​ല്‍ പ്ര​വ​ര്‍ത്തി​ക്കു​ന്ന കൈ​ലാ​സം ഹോ​ട്ട​ല്‍, എ ​ഫോ​ര്‍ അ​ങ്ങാ​ടി പ​ല​ച​ര​ക്ക് ക​ട, സ​മീ​പ​ത്തു​ള്ള കോ​ഴി​ക്ക​ട എ​ന്നി​വി​ട​ങ്ങ​ളി​ലാ​ണ് ബു​ധ​നാ​ഴ്​​ച രാ​ത്രി മോ​ഷ​ണം ന​ട​ന്ന​ത്. വ്യാ​ഴാ​ഴ്ച പു​ല​ര്‍ച്ച ഹോ​ട്ട​ല്‍ തു​റ​ക്കാ​നെ​ത്തി​യ ജീ​വ​ന​ക്കാ​രാ​ണ്​ മോ​ഷ​ണ വി​വ​ര​മ​റി​യു​ന്ന​ത്.

കൈ​ലാ​സം ഹോ​ട്ട​ലി​ലാ​ണ് മോ​ഷ്ടാ​വ് ആ​ദ്യം​ക​യ​റി​യ​ത്. ഹോ​ട്ട​ലി​ന്‍റെ പി​ന്‍വ​ശ​ത്തെ വാ​തി​ല്‍ ത​ക​ര്‍ത്ത് അ​ക​ത്തു​ക​യ​റി​യ മോ​ഷ്ടാ​വ് മേ​ശ​വ​ലി​പ്പി​ൽ ഉ​ണ്ടാ​യി​രു​ന്ന 7000 രൂ​പ മോ​ഷ്ടി​ച്ചു. ഹോ​ട്ട​ലും പ​ല​ച​ര​ക്ക് ക​ട​യും ഒ​രു കെ​ട്ടി​ട​ത്തി​ലാ​ണ് പ്ര​വ​ര്‍ത്തി​ക്കു​ന്ന​ത്. ര​ണ്ടു ക​ട​ക​ളും ത​മ്മി​ല്‍ വേ​ര്‍തി​രി​ക്കു​ന്ന ഭി​ത്തി​യു​ടെ ഒ​രു​ഭാ​ഗം ചില്ലാ​​ണ്. ഈ ​ചില്ല്​ ത​ക​ര്‍ത്താ​ണ് പ​ല​ച​ര​ക്ക് ക​ട​ക്കു​ള്ളി​ലേ​ക്ക്​ മോ​ഷ്ടാ​വ്​ ക​ട​ന്ന​ത്. ഹോ​ട്ട​ലി​ലെ കു​ക്ക​ര്‍ ഉ​പ​യോ​ഗി​ച്ചാ​ണ് ചില്ല്​ ത​ക​ര്‍ത്ത​ത്. പ​ല​ച​ര​ക്ക്​ ക​ട​യി​ല്‍നി​ന്നും 600 രൂ​പ​യും മോ​ഷ്ടി​ച്ചു. പൊ​ട്ടി​യ ചില്ലി​​ന് ഇ​ട​യി​ലു​ടെ ക​യ​റി​യ ക​ള്ള​ന്​ പ​രി​ക്കേ​ല്‍ക്കു​ക​യും ചെ​യ്തി​ട്ടു​ണ്ട്. ഹോ​ട്ട​ലി​ല്‍ മോ​ഷ്ടാ​വി​ന്‍റെ ര​ക്ത​ത്തു​ള്ളി​ക​ളും വീ​ണു​കി​ട​പ്പു​ണ്ട്.

പ​ല​ച​ര​ക്ക് ക​ട​യി​ലെ മോ​ഷ​ണ​ത്തി​നു ശേ​ഷ​വും പൊ​ട്ടി​യ ചില്ലിന്‍റെ ഇ​ട​യി​ലൂ​ടെ ഹോ​ട്ട​ലി​ലേ​ക്ക് തി​രി​കെ എ​ത്തി​യ ക​ള്ള​ന്‍ പു​റ​കു​വ​ശം​വ​ഴി ക​ട​ന്നു​ക​ള​ഞ്ഞു. ഈ ​ക​ട​ക​ളി​ല്‍നി​ന്നും അ​ൽ​പം മാ​റി​യാ​ണ് കോ​ഴി​ക്ക​ട​യു​ള്ള​ത്. ഇ​വി​ടെ ക​യ​റി​യ മോ​ഷ്ടാ​വി​നു പ​ണ​മൊ​ന്നും ല​ഭി​ച്ചി​ല്ല. ഇ​വി​ട​ത്തെ സാ​ധ​ന​ങ്ങ​ള്‍ വാ​രി​വ​ലി​ച്ചി​ടു​ക​യും സി.​സി ടി.​വി കാ​മ​റ തി​രി​ച്ചു​വെ​ക്കു​ക​യും കൗ​ണ്ട​ര്‍ ന​ശി​പ്പി​ക്കു​ക​യും ചെ​യ്തു. ഗാ​ന്ധി​ന​ഗ​ര്‍ പൊ​ലീ​സ് സി.​സി ടി.​വി ദൃ​ശ്യ​ങ്ങ​ള്‍ ശേ​ഖ​രി​ച്ച്​ അ​ന്വേ​ഷ​ണം ആ​രം​ഭി​ച്ചു.