‘ര​ക്തബ​ന്ധ​ത്തിൽ’ മാതൃകയായി ശ്രീവിദ്യ

വാ​ഴൂ​ർ: ഒ​രു​ജീ​വ​ൻ ര​ക്ഷി​ക്കാ​ൻ ക​ഴി​യു​ന്ന വേ​ഗ​മേ​റി​യ​തും വേ​ദ​ന​യി​ല്ലാ​ത്ത​തു​മാ​യ കാ​ര്യ​മാ​ണ് ര​ക്ത​ദാ​നം; ഒ​മ്പ​ത്​ വ​ർ​ഷ​ത്തി​നി​ടെ 21 ത​വ​ണ ര​ക്ത​ദാ​നം ചെ​യ്ത്​ പ​ല​ർ​ക്കും ജീ​വ​ൻ ന​ൽ​കി​യി​രി​ക്കു​ക​യാ​ണ്​ 39 കാ​രി​യാ​യ കെ.​എ​സ്. ശ്രീ​വി​ദ്യ. ര​ക്​​തം ന​ൽ​കു​ക​യെ​ന്ന്​ കേ​ട്ടാ​ൽ പൊ​തു​വി​ൽ പി​ന്നാ​ക്കം പോ​കു​ന്ന​വ​ർ​ക്ക്​ മാ​തൃ​ക​യാ​ക്കാ​ൻ ക​ഴി​യു​ന്ന​താ​ണ്​ ഇ​വ​രു​ടെ ജീ​വി​തം. ര​ക്തം അ​മൂ​ല്യ​മാ​ണ്, പ​ക​ര​മാ​യി ഒ​ന്നും വൈ​ദ്യ​ശാ​സ്ത്രം ക​ണ്ടു പി​ടി​ച്ചി​ട്ടു​മി​ല്ല. അ​തി​നാ​ൽ ഒ​രു രോ​ഗി​ക്ക് ര​ക്തം ആ​വ​ശ്യ​മാ​യി വ​ന്നാ​ൽ മ​റ്റൊ​രാ​ളു​ടെ ര​ക്തം മാ​ത്ര​മേ ഉ​പ​യോ​ഗി​ക്കാ​നാ​കൂ. അ​ക്കാ​ര്യം ഉ​ൾ​ക്കൊ​ണ്ടാ​ണ് ര​ക്ത​ദാ​നം ന​ട​ത്തു​ന്ന​തെ​ന്ന് അ​വ​ർ ‘മാ​ധ്യ​മ’ ത്തോ​ട്​ പ​റ​ഞ്ഞു.

ര​ക്​​ത​ദാ​നം എ​ന്ന്​ കേ​ട്ടാ​ൽ വ​നി​ത​ക​ൾ​ക്ക് പൊ​തു​വി​ൽ ഭ​യ​മാ​ണ്. അ​ത് മാ​റ​ണ​മെ​ന്നും സ്വ​മേ​ധ​യാ ര​ക്തം ന​ൽ​കാ​ൻ എ​ല്ലാ​വ​രും ത​യാ​റ​ാക​ണ​മെ​ന്നു​മെ​ന്നും അ​വ​ർ കൂ​ട്ടി​ച്ചേ​ർ​ത്തു. വാ​ഴൂ​ർ പ​തി​നേ​ഴാം​മൈ​ൽ മ​റ്റ​ത്തി​ൽ വീ​ട്ടി​ൽ അ​ഭി​ലാ​ഷി​ന്‍റെ ഭാ​ര്യ​യാ​യ ശ്രീ​വി​ദ്യ ഒ​മ്പ​ത്​ വ​ർ​ഷ​ങ്ങ​ൾ​ക്ക്​ മു​മ്പാ​ണ് ആ​ദ്യ​മാ​യി ര​ക്തം ​കൊ​ടു​ത്ത​ത്.

പൊ​തു​വി​ൽ ല​ഭ്യ​ത കു​റ​ഞ്ഞ എ ​നെ​ഗ​റ്റി​വ്​ രക്തഗ്രൂപ്പാണ്​ ശ്രീ​വി​ദ്യ​യു​ടേ​ത്. ഓ​ട്ടോ​റി​ക്ഷ ഡ്രൈ​വ​റാ​യ ഭ​ർ​ത്താ​വ് അ​ഭി​ലാ​ഷി​ന്‍റേ​ത് ഒ ​നെ​ഗ​റ്റിവുമാണ്​ . ഈ ​ഗ്രൂ​പ്പും കി​ട്ടാ​ൻ ബുദ്ധിമുട്ടാ​ണ്. ഇ​ദ്ദേ​ഹം അ​ഞ്ചുത​വ​ണ പ​ല​ർ​ക്കാ​യി ര​ക്തം ന​ൽ​കി​യി​ട്ടു​ണ്ട്. ആ​ദ്യ ര​ക്ത​ദാ​ന​ത്തി​ന് ശേ​ഷം കാ​ഞ്ഞി​ര​പ്പ​ള്ളി സ്വ​ദേ​ശി ന​ജീ​ബ് കോ​ഓഡി​നേ​റ്റ​റാ​യ ‘പീ​പ്പി​ൾ​സ് ബ്ല​ഡ് ഡൊ​ണേ​ഷ​ൻ ആ​ർ​മി’ എ​ന്ന ര​ക്ത​ദാ​ന സം​ഘ​ട​ന​യി​ൽ അം​ഗ​മാ​യി.

മൂ​ന്ന് വ​ർ​ഷം മു​മ്പ് കോ​ട്ട​യ​ത്തെ ഒ​രു വ​നി​ത പൊ​ലീ​സ് ഉ​ദ്യോ​ഗ​സ്ഥ​യു​ടെ മാ​താ​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​പ്പോ​ൾ അ​വ​ർ​ക്ക്​ ര​ക്തം ന​ൽ​കി​യി​രു​ന്നു. അ​തി​ലു​ള്ള ന​ന്ദി​സൂ​ച​ക​മാ​യി ആ ​ഉ​ദ്യോ​ഗ​സ്ഥ ഇ​പ്പോ​ഴും സ്ഥി​ര​മാ​യി ഫോ​ണി​ൽ വി​ളി​ക്കാ​റു​ണ്ട്. അ​ത് മ​റ​ക്കാ​നാ​കാ​ത്ത വി​ല​മ​തി​ക്കു​ന്ന ‘ര​ക്ത ബ​ന്ധ​ത്തി​ന്‍റെ’ ഏ​റ്റ​വും വ​ലി​യ സ​ന്തോ​ഷം ന​ൽ​കു​ന്ന ഓ​ർ​മ​യാ​ണെ​ന്നും ശ്രീ​വി​ദ്യ പ​റ​ഞ്ഞു. വ​നി​ത​ക​ൾ ഈ ​ജീ​വ​ൻ ര​ക്ഷാ രം​ഗ​ത്തേ​ക്ക് കൂ​ടു​ത​ലാ​യി ക​ട​ന്നു വ​ര​ണ​മെ​ന്നും അ​വ​ർ പ​റ​ഞ്ഞു. ബി ​കോം വി​ദ്യാ​ർ​ഥി​യാ​യ അ​ന​ന്തു അ​ഭി​ലാ​ഷും പ്ല​സ് വ​ൺ പ്ര​വേ​ശ​നം കാ​ത്തി​രി​ക്കു​ന്ന അ​ന​ന്യ അ​ഭി​ലാ​ഷു​മാ​ണ് ഇ​വ​രു​ടെ മ​ക്ക​ൾ.