കാടുകയറി വനിത തൊഴിൽ പരിശീലന കേന്ദ്രം

മ​ണി​മ​ല: കാ​ഞ്ഞി​ര​പ്പ​ള്ളി ബ്ലോ​ക്ക് പ​ഞ്ചാ​യ​ത്ത് ല​ക്ഷ​ങ്ങ​ൾ ചെ​ല​വ​ഴി​ച്ച് മ​ണി​മ​ല​യി​ൽ നി​ർ​മി​ച്ച വ​നി​ത തൊ​ഴി​ൽ പ​രി​ശീ​ല​ന കേ​ന്ദ്രം കാ​ടു​ക​യ​റി ന​ശി​ക്കു​ന്നു. നാ​ളു​ക​ളാ​യി തു​റ​ക്കാ​തെ കി​ട​ക്കു​ന്ന​തു​മൂ​ലം കെ​ട്ടി​ടം ന​ശി​ക്കു​ക​യാ​ണ്.

കാ​ടു​മൂ​ടി കി​ട​ക്കു​ന്ന കെ​ട്ടി​ടം സാ​മൂ​ഹി​ക വി​രു​ദ്ധ​രു​ടെ​യും തെ​രു​വു​നാ​യ്​​ക്ക​ളു​ടെ​യും ഇ​ഴ​ജ​ന്തു​ക്ക​ളു​ടെ​യും താ​വ​ള​മാ​ണ്. മ​ണി​മ​ല ഹോ​ളി​മാ​ഗി ഫൊ​റോ​ന പ​ള്ളി​ക്ക്​ സ​മീ​പം സ്ഥി​തി ചെ​യ്യു​ന്ന കെ​ട്ടി​ടം വ​ർ​ഷ​ങ്ങ​ളാ​യി ഒ​രു പ്ര​വ​ർ​ത്ത​ന​വു​മി​ല്ലാ​തെ കി​ട​ക്കു​ക​യാ​ണ്.

ഒ​രു​പാ​ട് പ്ര​തീ​ക്ഷ​യോ​ടെ പ​ണി​ത സ്ഥാ​പ​നം ഇ​പ്പോ​ൾ കാ​ണാ​ൻ ക​ഴി​യാ​ത്ത നി​ല​യി​ൽ കാ​ടു​പി​ടി​ച്ചി​രി​ക്കു​ക​യാ​ണ്. സ​മീ​പ​ത്തെ വി​ദ്യാ​ല​യ​ത്തി​ലെ കു​ട്ടി​ക​ൾ​ക്ക് ഇ​ത് വ​ലി​യ ഭീ​ഷ​ണി​യാ​ണ് ഉ​യ​ർ​ത്തു​ന്ന​ത്. മ​ഴ​ക്കാ​ല​മാ​യ​തി​നാ​ൽ ഇ​വി​ടെ നി​ന്ന്​ ഇ​ഴ​ജ​ന്തു​ക്ക​ൾ സ്കൂ​ൾ പ​രി​സ​ര​ത്ത് എ​ത്താ​ൻ സാ​ധ്യ​ത ഏ​റെ​യാ​ണ്.

പു​തി​യ കെ​ട്ടി​ടം പ​ണി​തീ​ർ​ന്ന ശേ​ഷം ഏ​താ​നും നാ​ൾ വ​നി​ത​ക​ളു​ടെ ത​യ്യ​ൽ യൂ​നി​റ്റ് പ്ര​വ​ർ​ത്തി​ച്ചി​രു​ന്നു.

ഇ​ത് നി​ർ​ത്തി​യ​തി​നു​ശേ​ഷം പു​തി​യ സം​രം​ഭ​ക​ർ എ​ത്താ​തി​രു​ന്ന​താ​ണ് കെ​ട്ടി​ടം വെ​റു​തെ കി​ട​ന്നു​പോ​കാ​ൻ കാ​ര​ണം. കു​ട്ടി​ക​ളു​ടെ​യും പ​രി​സ​ര​വാ​സി​ക​ളു​ടെ​യും സു​ര​ക്ഷ ഉ​റ​പ്പാ​ക്കു​ന്ന​തി​നും പൊ​തു​മു​ത​ൽ സം​ര​ക്ഷി​ക്കു​ന്ന​തി​നു​മാ​യി കേ​ന്ദ്ര​ത്തി​ന്‍റെ ശു​ചീ​ക​ര​ണം അ​നി​വാ​ര്യ​മാ​ണ്. വ​നി​ത​ക​ൾ​ക്ക് പ്ര​യോ​ജ​ന​ക​ര​മാ​യ തൊ​ഴി​ൽ​പ​രി​ശീ​ല​ന കേ​ന്ദ്രം തു​റ​ന്ന് പ്ര​വ​ർ​ത്തി​പ്പി​ക്കു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.