കോഴിക്കോട്ട്​ ഉപ്പിലിട്ട ഭക്ഷ്യവസ്​തുക്കളുടെ വിൽപന നിരോധിച്ചു

കോഴിക്കോട്​: ഉപ്പും വിനാഗിരിയും ചേർത്ത്​ തയാറാക്കുന്ന പഴം, പച്ചക്കറി കൊണ്ടുള്ള ഭക്ഷണ സാധനങ്ങൾ വിൽക്കുന്നത്​ കോഴിക്കോട്​ കോർപറേഷൻ നിരോധിച്ചു. കോർപറേഷൻ പരിധിയിൽ എവിടെയും ഇനി ഒരറിയിപ്പ്​ ഉണ്ടാകുന്നതു വരെ ഇത്തരം ഭക്ഷണസാധനങ്ങൾ വിൽക്കാൻ അനുമതിയില്ല.

കോഴിക്കോട്​ ബീച്ചിൽ ഉപ്പിലിട്ട ഭക്ഷ്യവസ്തുക്കളും രാസലായനിയും കഴിച്ച്​ കഴിഞ്ഞ ദിവസം രണ്ട്​ വിദ്യാർഥികൾക്ക്​ പൊള​ലേറ്റ സംഭവത്തെ തുടർന്നാണ്​ കോർ​പറേഷൻ സെക്രട്ടറിയുടെ ഉത്തരവ്​. ഇത്തരം വസ്​തുക്കൾ കഴിച്ച്​ ആരോഗ്യപ്രശ്നമുണ്ടായതായി പൊതുജനങ്ങളുടെ ഭാഗത്തുനിന്ന്​ വീണ്ടും പരാതി ലഭിച്ചതായി സെക്രട്ടറി അറിയിച്ചു.