വിദ്യാർഥികളുടെ തലയെണ്ണൽ രണ്ടു​ തവണയാക്കി; നിരവധി അധ്യാപകർക്ക് ജോലി നഷ്ടപ്പെട്ടു

മു​ക്കം: ഈ ​വ​ർ​ഷം മു​ത​ൽ വി​ദ്യാ​ഭ്യാ​സ വ​കു​പ്പ് ന​ട​പ്പാ​ക്കി​യ പു​തി​യ ന​ട​പ​ടി മൂ​ലം ജോ​ലി ന​ഷ്ട​പ്പെ​ട്ട​ത് നി​ര​വ​ധി അ​ധ്യാ​പ​ക​ർ​ക്ക്. മു​ൻ വ​ർ​ഷ​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി ര​ണ്ട്​ ത​വ​ണ വി​ദ്യാ​ർ​ഥി​ക​ളു​ടെ ക​ണ​ക്കെ​ടു​ത്ത​താ​ണ് പ്ര​തി​സ​ന്ധി​യാ​യ​ത്.

ഇ​തി​ന്റെ മാ​ന​ദ​ണ്ഡ​ങ്ങ​ൾ വി​ചി​ത്ര​മാ​ണ്. ആ​റാം പ്ര​വൃ​ത്തി ദി​വ​സ​ത്തി​നു പു​റ​മെ ജ​നു​വ​രി 31നും ​ന​ട​ന്ന ക​ണ​ക്കെ​ടു​പ്പി​നെ തു​ട​ർ​ന്നു​ണ്ടാ​യ ന​ട​പ​ടി​യി​ലാ​ണ് നി​ര​വ​ധി അ​ധ്യാ​പ​ക​ർ​ക്ക് ജോ​ലി ന​ഷ്ട​പ്പെ​ട്ട​ത്. സ​ർ​ക്കാ​ർ വി​ദ്യാ​ല​യ​ത്തി​ൽ​നി​ന്ന് പു​റ​ത്താ​യ​വ​ർ​ക്കും പ്രൊ​ട്ട​ക്ഷ​നു​ള്ള എ​യ്ഡ​ഡ് സ്കൂ​ൾ അ​ധ്യാ​പ​ക​ർ​ക്കും എ​വി​ടെ​യെ​ങ്കി​ലും പ​ക​രം ജോ​ലി ല​ഭി​ച്ചേ​ക്കാ​മെ​ന്ന് പ്ര​തീ​ക്ഷ​യു​ണ്ടെ​ങ്കി​ലും പ്രൊ​ട്ട​ക്ഷ​നും ക്ലെ​യി​മും അ​വ​കാ​ശ​പ്പെ​ടാ​നി​ല്ലാ​ത്ത​വ​ർ​ക്ക് ഇ​നി തി​രി​ച്ചു​വ​രാ​നാ​കു​മോ എ​ന്ന കാ​ര്യം സം​ശ​യ​മാ​ണ്. പ​ല വി​ദ്യാ​ല​യ​ങ്ങ​ളി​ൽ​നി​ന്നും ആ​റാം ദി​വ​സ​ത്തെ ക​ണ​ക്കെ​ടു​പ്പി​നു​ശേ​ഷം വ​ള​രെ കു​റ​ച്ച് കു​ട്ടി​ക​ൾ ടി.​സി വാ​ങ്ങി​പ്പോ​വു​ക​യും പ​ക​രം അ​തി​ൽ കൂ​ടു​ത​ൽ കു​ട്ടി​ക​ൾ പ്ര​വേ​ശ​നം നേ​ടു​ക​യും ചെ​യ്തി​രു​ന്നു. എ​ന്നാ​ൽ, ടി.​സി വാ​ങ്ങി പോ​യ കു​ട്ടി​ക​ളെ മൊ​ത്തം കു​ട്ടി​ക​ളു​ടെ എ​ണ്ണ​ത്തി​ൽ​നി​ന്ന് കു​റ​ക്കു​ക​യും പു​തു​താ​യി പ്ര​വേ​ശ​നം നേ​ടി​യ കു​ട്ടി​ക​ളെ എ​ണ്ണ​ത്തി​ൽ ഉ​ൾ​പ്പെ​ടു​ത്താ​തി​രു​ന്ന​തു​മാ​ണ് വ​ലി​യ തി​രി​ച്ച​ടി​യാ​യ​ത്.

ല​ക്ഷ​ങ്ങ​ൾ ന​ൽ​കി​യും വ​ർ​ഷ​ങ്ങ​ൾ കാ​ത്തി​രു​ന്നും ജോ​ലി സ​മ്പാ​ദി​ച്ച ഇ​വ​ർ നി​രാ​ശ​രാ​യി സ്കൂ​ൾ പ​ടി​യി​റ​ങ്ങേ​ണ്ടി​വ​ന്ന​ത് സ​ർ​ക്കാ​റി​ന്റെ അ​ന്യാ​യ നി​ല​പാ​ടു കാ​ര​ണ​മാ​ണെ​ന്നാ​ണ് പ്ര​തി​പ​ക്ഷ സം​ഘ​ട​ന​ക​ൾ ഉ​ൾ​പ്പെ​ടെ പ​റ​യു​ന്ന​ത്.

മു​ക്കം ഉ​പ​ജി​ല്ല​യി​ൽ മാ​ത്രം പ​ത്തി​ല​ധി​കം അ​ധ്യാ​പ​ക​ർ​ക്ക് ജോ​ലി ന​ഷ്ട​പ്പെ​ട്ടി​ട്ടു​ണ്ട്. ജി​ല്ല​യി​ൽ ഒ​രു സ്കൂ​ളി​ൽ​നി​ന്ന് നാ​ല് അ​ധ്യാ​പ​ക​രാ​ണ് ഒ​ഴി​ഞ്ഞു​പോ​കേ​ണ്ടി​വ​ന്ന​ത്. സ​ർ​ക്കാ​ർ സ്കൂ​ളു​ക​ളി​ൽ​നി​ന്ന് ത​സ്തി​ക ന​ഷ്ട​പ്പെ​ട്ട് പു​റ​ത്തു​പോ​കേ​ണ്ടി​വ​രു​ന്ന​വ​രെ ജി​ല്ല​യി​ൽ ഒ​ഴി​വു​ള്ളി​ട​ത്ത് നി​യ​മി​ക്കു​മ്പോ​ൾ പി.​എ​സ്.​സി ലി​സ്റ്റി​ൽ നി​യ​മ​നം പ്ര​തീ​ക്ഷി​ച്ച​വ​രും നി​രാ​ശ​യി​ലാ​ണ്. വ​ർ​ഷ​ങ്ങ​ളാ​യി ഇ​വ​ർ കാ​ത്തി​രു​ന്ന അ​വ​സ​ര​മാ​ണ് ഇ​തോ​ടെ ഇ​ല്ലാ​താ​കു​ന്ന​ത്.

അ​ധ്യ​യ​ന വ​ർ​ഷാ​രം​ഭ​ത്തി​ൽ ആ​റാം പ്ര​വൃ​ത്തി ദി​വ​സ​മാ​ണ് സാ​ധാ​ര​ണ കു​ട്ടി​ക​ളു​ടെ ത​ല​യെ​ണ്ണ​ൽ ക​ണ​ക്കെ​ടു​പ്പ് ന​ട​ക്കാ​റു​ള്ള​ത്. ഈ ​ക​ണ​ക്ക​നു​സ​രി​ച്ച് ജൂ​ലൈ 15ന് ​ത​സ്തി​ക നി​ർ​ണ​യ​വും ന​ട​ക്ക​ലാ​ണ് പ​തി​വു​ച​ട്ടം. എ​ന്നാ​ൽ, ജ​നു​വ​രി 31നും ​അ​സാ​ധാ​ര​ണ ക​ണ​ക്കെ​ടു​പ്പ് ന​ട​ത്തു​ക​യാ​യി​രു​ന്നു. 12 കു​ട്ടി​ക​ൾ കു​റ​യു​ക​യും 14 കു​ട്ടി​ക​ൾ വ​ർ​ധി​ക്കു​ക​യും ചെ​യ്തി​ട്ടും ത​സ്തി​ക ന​ഷ്ട​പ്പെ​ട്ട​താ​യി അ​ധ്യാ​പ​ക​ർ ചൂ​ണ്ടി​ക്കാ​ട്ടി.

ജ​നു​വ​രി 31 വ​രെ കു​ട്ടി​ക​ളു​ടെ എ​ണ്ണ​ത്തി​ൽ ഉ​ണ്ടാ​കു​ന്ന മാ​റ്റം ത​സ്തി​ക​യെ ബാ​ധി​ക്കു​മെ​ന്ന് പ്ര​ധാ​നാ​ധ്യാ​പ​ക​രെ അ​ധ്യ​യ​ന വ​ർ​ഷാ​രം​ഭ​ത്തി​ൽ​ത​ന്നെ ബോ​ധ്യ​പ്പെ​ടു​ത്തി​യ​താ​യി പ​റ​യു​ന്നു. എ​ന്നാ​ൽ, ഇ​ക്കാ​ര്യം ബ​ന്ധ​പ്പെ​ട്ട അ​ധ്യാ​പ​ക​രെ​യോ മാ​നേ​ജ്മെ​ന്റി​നെ​യോ പി.​ടി.​എ​യെ​യോ പ്ര​ധാ​നാ​ധ്യാ​പ​ക​ർ യ​ഥാ​സ​മ​യം അ​റി​യി​ച്ചി​ല്ലെ​ന്നും പ​രാ​തി​യു​ണ്ട്.

ഒ​ന്നും ര​ണ്ടും വി​ദ്യാ​ർ​ഥി​ക​ളു​ടെ കു​റ​വു​മൂ​ല​മാ​ണ് പ​ല​യി​ട​ത്തും ഡി​വി​ഷ​ൻ ന​ഷ്ട​പ്പെ​ട്ട് അ​ധ്യാ​പ​ക​ർ​ക്ക് ജോ​ലി പോ​യ​ത്. ആ​റാം പ്ര​വൃ​ത്തി ദി​വ​സ​ത്തി​ന്റെ അ​ടി​സ്ഥാ​ന​ത്തി​ൽ ത​സ്തി​ക നി​ർ​ണ​യം ന​ട​ത്തു​ക​യും ജൂ​ലൈ 15ന് ​പോ​സ്റ്റ് ഉ​റ​പ്പാ​ക്കു​ക​യും ചെ​യ്ത​വ​രെ ജ​നു​വ​രി 31ന് ​വീ​ണ്ടും ക​ണ​ക്കെ​ടു​പ്പു ന​ട​ത്തി പു​റ​ത്താ​ക്കു​ന്ന നി​ല​പാ​ടി​ൽ മേ​ലു​ദ്യോ​ഗ​സ്ഥ​രും കൈ​മ​ല​ർ​ത്തു​ക​യാ​ണ്.