അടിയന്തരാവസ്ഥയുടെ നിശ്ശബ്ദ സന്ദേശമായി കക്കയത്തെ രാജൻ പ്രതിമയും ഉരക്കുഴി വെള്ളച്ചാട്ടവും

ബാ​ലു​ശ്ശേ​രി: അ​ടി​യ​ന്ത​രാ​വ​സ്ഥ​യി​ൽ ന​ട​ന്ന നി​ഷ്ഠു​ര​മാ​യ പൊ​ലീ​സ് അ​തി​ക്ര​മ​ത്തി​ന്റെ നി​ശ്ശ​ബ്ദ സ​ന്ദേ​ശ​മാ​യി ക​ക്ക​യ​ത്തെ രാ​ജ​ൻ പ്ര​തി​മ​യും ഉ​ര​ക്കു​ഴി വെ​ള്ള​ച്ചാ​ട്ട​വും. ക​ക്ക​യം പൊ​ലീ​സ് ക്യാ​മ്പി​ൽ കൊ​ടും​പീ​ഡ​ന​ങ്ങ​ളാ​ൽ കൊ​ല്ല​പ്പെ​ട്ട എ​ൻ​ജി​നീ​യ​റി​ങ് വി​ദ്യാ​ർ​ഥി പി. ​രാ​ജ​ന്റെ സ്മ​ര​ണ​ക്കാ​യി 1999ലാ​ണ് ഡാം​സൈ​റ്റ് റോ​ഡ​രി​കി​ൽ സി.​പി.​ഐ-​എം.​എ​ൽ നേ​തൃ​ത്വ​ത്തി​ൽ രാ​ജ​ന്റെ അ​ർ​ധ​കാ​യ പ്ര​തി​മ സ്ഥാ​പി​ച്ച​ത്.

ഒ​ട്ടേ​റെ പ്ര​തി​ഷേ​ധ സ​മ​ര​ങ്ങ​ൾ​ക്കു ശേ​ഷ​മാ​യി​രു​ന്നു പ്ര​തി​മ സ്ഥാ​പി​ക്കാ​നു​ള്ള അ​നു​വാ​ദം ല​ഭി​ച്ച​ത്. 1992ൽ ​രാ​ജ​ന്റെ സ്മ​ര​ണ നി​ല​നി​ർ​ത്താ​നാ​യി ക​ക്ക​യം അ​ങ്ങാ​ടി​യി​ൽ റോ​ഡ​രി​കി​ൽ കേ​ര​ള വി​ദ്യാ​ർ​ഥി സം​ഘ​ട​ന​യു​ടെ നേ​തൃ​ത്വ​ത്തി​ൽ സ്മാ​ര​ക സ്തൂ​പ​മാ​യി​രു​ന്നു ആ​ദ്യം സ്ഥാ​പി​ച്ച​ത്. എ​ന്നാ​ലി​ത് പൊ​ലീ​സ് ത​ച്ചു​ത​ക​ർ​ക്കു​ക​യും സ്തൂ​പം സ്ഥാ​പി​ക്കാ​ൻ നേ​തൃ​ത്വം കൊ​ടു​ത്ത എം.​വി കു​ഞ്ഞി​രാ​മ​ൻ, മ​ഠ​ത്തി​ൽ ശ​ശി​ധ​ര​ൻ, അ​ശോ​ക​ൻ കാ​യ​ണ്ണ, ബാ​ല​ൻ ച​ക്കി​ട്ട​പാ​റ എ​ന്നി​വ​രെ കൂ​രാ​ച്ചു​ണ്ട് പൊ​ലീ​സ് അ​റ​സ്റ്റു​ചെ​യ്യു​ക​യു​മു​ണ്ടാ​യി. സ്തൂ​പം ത​ക​ർ​ത്ത പൊ​ലീ​സ് ന​ട​പ​ടി​ക്കെ​തി​രെ ക​ക്ക​യ​ത്തും പേ​രാ​മ്പ്ര​യി​ലും സി.​പി.​എം-​എം.​എ​ൽ നേ​തൃ​ത്വ​ത്തി​ൽ പ്ര​തി​ഷേ​ധ സ​മ​ര​ങ്ങ​ളും സ്റ്റേ​ഷ​ൻ മാ​ർ​ച്ചും ന​ട​ക്കു​ക​യു​ണ്ടാ​യി. തു​ട​ർ​ന്ന്1999​ൽ നാ​യ​നാ​ർ മു​ഖ്യ​മ​ന്ത്രി​യാ​യ കാ​ല​ത്താ​ണ് പ്ര​തി​മ സ്ഥാ​പി​ക്കാ​ൻ അ​നു​വാ​ദം കി​ട്ടി​യ​ത്.

പ്ര​വ​ർ​ത്ത​ക​ർ ഇ​പ്പോ​ഴും പ്ര​തി​മ​ക്കു മു​ന്നി​ൽ സ്മ​ര​ണ പു​തു​ക്കി​വ​രു​ന്നു​ണ്ട്. 1976 ഫെ​ബ്രു​വ​രി 28ന് ​ന​ട​ന്ന കാ​യ​ണ്ണ പൊ​ലീ​സ് സ്റ്റേ​ഷ​ൻ ആ​ക്ര​മ​ണ​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​ത്തി​ന്റെ ഭാ​ഗ​മാ​യി​രു​ന്നു ക​ക്ക​യ​ത്തെ പൊ​ലീ​സ് ക്യാ​മ്പ്. കാ​യ​ണ്ണ സ്റ്റേ​ഷ​ൻ ആ​ക്ര​മി​ച്ച് സ്റ്റേ​ഷ​നി​ൽ​നി​ന്ന് തോ​ക്ക് ക​വ​ർ​ന്നെ​ടു​ത്ത​ത് ന​ക്സ​ലൈ​റ്റ് പ്ര​വ​ർ​ത്ത​ക​രാ​ണെ​ന്നാ​യി​രു​ന്നു പൊ​ലീ​സ് നി​ഗ​മ​നം. ഇ​തി​ന്റെ അ​ടി​സ്ഥാ​ന​ത്തി​ലാ​യി​രു​ന്നു ചാ​ത്ത​മം​ഗ​ലം ആ​ർ.​ഇ.​സി​യി​ലെ വി​ദ്യാ​ർ​ഥി​യാ​യി​രു​ന്ന രാ​ജ​നെ 1976 ഫെ​ബ്രു​വ​രി 29ന് ​അ​റ​സ്റ്റ് ചെ​യ്തു ക​ക്ക​യം ക്യാ​മ്പി​ലെ​ത്തി​ച്ച് ചോ​ദ്യം ചെ​യ്ത​ത്.

പൊ​ലീ​സി​ന്റെ ക്രൂ​ര​മാ​യ മ​ർ​ദ​ന മു​റ​ക​ളാ​ൽ രാ​ജ​ൻ കൊ​ല്ല​പ്പെ​ട്ട​താ​യാ​ണ് പ​റ​യ​പ്പെ​ടു​ന്ന​ത്. മൃ​ത​ദേ​ഹം വ​ള​രെ ര​ഹ​സ്യ​മാ​യി ക​ക്ക​യം ഡാം ​സൈ​റ്റി​ന​ടു​ത്ത ഉ​ര​ക്കു​ഴി വെ​ള്ള​ച്ചാ​ട്ട​ത്തി​ന​ടു​ത്തെ​ത്തി​ച്ച് പ​ഞ്ച​സാ​ര ഉ​പ​യോ​ഗി​ച്ച് ക​ത്തി​ച്ച് ചാ​മ്പ​ലാ​ക്കു​ക​യും അ​വ​ശി​ഷ്ടം ഉ​ര​ക്കു​ഴി​യി​ലേ​ക്കു ത​ള്ളു​ക​യും ചെ​യ്താ​യി ക​രു​ത​പ്പെ​ടു​ന്നു. രാ​ജ​ന്റെ പ്ര​തി​മ​യും ഉ​ര​ക്കു​ഴി വെ​ള്ള​ച്ചാ​ട്ട​വും ക​ക്ക​യ​ത്തെ​ത്തു​ന്ന സ​ഞ്ചാ​രി​ക​ളു​ടെ മ​ന​സ്സി​ലേ​ക്ക് ഇ​പ്പോ​ഴും അ​ല്പം തീ​പ്പൊ​രി​യെ​ങ്കി​ലും പ​ക​രാ​തി​രി​ക്കി​ല്ല. അ​ടി​യ​ന്ത​രാ​വ​സ്ഥ കാ​ല​ത്തെ ര​ക്ത​സാ​ക്ഷി​യാ​യ രാ​ജ​ന്റെ മ​ര​ണ​വു​മാ​യി ബ​ന്ധ​പ്പെ​ട്ട് പി​താ​വ് ഈ​ച്ച​ര വാ​ര്യ​ർ ന​ട​ത്തി​യ വേ​ദ​നാ​ജ​ന​ക​മാ​യ നി​യ​മ പോ​രാ​ട്ട ക​ഥ​യും കേ​ര​ള രാ​ഷ്ട്രീ​യ ച​രി​ത്ര​ത്തി​ലെ ജ്വ​ലി​ക്കു​ന്ന സ്മ​ര​ണ​ക​ളാ​ണ്.