ലോറി കയറിയിറങ്ങി ബൈക്ക് തകർന്നു; യാത്രക്കാരൻ രക്ഷപ്പെട്ടു

തേഞ്ഞിപ്പലം: ബൈക്കിന് മുകളിലൂടെ ലോറി കയറിയിറങ്ങി. ബൈക്ക് യാത്രക്കാരൻ അത്ഭുതകരമായി രക്ഷപ്പെട്ടു. ദേശീയപാത താഴെ ചേളാരിയിലാണ് കണ്ടെയ്നർ ലോറി കയറിയിറങ്ങി ബൈക്ക് പൂർണമായി തകർന്നത്.

ലോറി ഇടിച്ച ഉടൻ ബൈക്കിൽനിന്ന് ചാടിയതിനാൽ ബൈക്ക് യാത്രക്കാരൻ രക്ഷപ്പെട്ടു.ബുധനാഴ്ച ഉച്ചയോടെ തയ്യിലക്കടവ് റോഡും ദേശീയപാതയും കൂടച്ചേരുന്ന ഭാഗത്താണ് അപകടം.