ഗ​താ​ഗ​ത മ​ന്ത്രി അ​റി​യാ​ൻ...; ക​ണ്ട​ന​കം സ്റ്റേ​ഷ​ൻ മാ​സ്റ്റ​ർ ഓ​ഫി​സ് പൂ​ട്ടി​യി​ട്ട് ഒ​രു​വ​ർ​ഷം

എ​ട​പ്പാ​ൾ: ഐ.​ഡി.​ടി.​ആ​റി​ൽ മൊ​ബൈ​ൽ ആ​പ്ലിക്കേ​ഷ​ന്റെ ഉ​ദ്ഘാ​ട​ന​ത്തി​നെ​ത്തി​യ ഗ​താ​ഗ​ത മ​ന്ത്രി​യോ​ട് ജ​ന​ങ്ങ​ൾ​ക്ക് ഒ​രു​കാ​ര്യം അ​റി​യി​ക്കാ​നു​ണ്ട്. ക​ണ്ട​ന​കം കെ.​എ​സ്.​ആ​ർ.​ടി.​സി വ​ർ​ക്ക്ഷോ​പ്പി​ന് ചേ​ർ​ന്നു​ള്ള സ്റ്റേ​ഷ​ൻ മാ​സ്റ്റ​ർ ഓ​ഫി​സ് പൂ​ട്ടി​ക്കി​ട​ക്കാ​ൻ തു​ട​ങ്ങി​യി​ട്ട് ഒ​രുവ​ർ​ഷ​മാ​യി. തൃ​ശൂ​രി​നും കോ​ഴി​ക്കോ​ടി​നു​മി​ട​യി​ൽ, 130 കി​ലോ​മീ​റ്റ​റി​നു​ള്ളി​ലെ ഏ​ക സ്റ്റേ​ഷ​ൻ മാ​സ്റ്റ​ർ ഓ​ഫി​സാ​യി​രു​ന്നു ക​ണ്ട​ന​ക​ത്തേ​ത്.

ഈ ​റൂ​ട്ടി​ൽ സ​ർ​വി​സ് ന​ട​ത്തു​ന്ന കെ.​എ​സ്.​ആ​ർ.​ടി.​സി ബ​സു​ക​ൾ ഇ​വി​ടെ നി​ർ​ത്തി സ​മ​യം രേ​ഖ​പ്പെ​ടു​ത്തി യാ​ത്ര തു​ട​രു​ന്ന വി​ധ​ത്തി​ലാ​യി​രു​ന്നു പ്ര​വ​ർ​ത്ത​നം. ദീ​ർ​ഘ​ദൂ​ര യാ​ത്ര​ക്കാ​ർ​ക്ക് പ്രാ​ഥ​മി​ക കൃ​ത്യം നി​ർ​വ​ഹി​ക്കാ​നും ഭ​ക്ഷ​ണം ക​ഴി​ക്കാ​നും ഉ​ൾ​പ്പെ​ടെ ഇ​വി​ടെ സൗ​ക​ര്യം ഏ​ർ​പ്പെ​ടു​ത്തി​യി​രു​ന്നു. ഇ​വി​ടെ നി​ന്നും ബ​സു​ക​ൾ പു​റ​പ്പെ​ടു​ന്ന വി​ധ​ത്തി​ൽ ഓ​പ​റേ​റ്റി​ങ് സെ​ന്റ​ർ ആ​രം​ഭി​ക്കു​മെ​ന്ന് പ​റ​ഞ്ഞെ​ങ്കി​ലും ചെ​ല​വു​ചു​രു​ക്ക​ലി​ന്റെ ഭാ​ഗ​മാ​യി തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ല.

10 വ​ർ​ഷം മു​മ്പാ​ണ് എം.​എ​ൽ.​എ ഫ​ണ്ടി​ൽ​നി​ന്ന് 25 ല​ക്ഷം രൂ​പ വ​ക​യി​രു​ത്തി ക​ണ്ട​ന​കം കെ.​എ​സ്.​ആ​ർ.​ടി.​സി ഡി​പ്പോ​യോ​ട് ചേ​ർ​ന്ന് സ്റ്റേ​ഷ​ൻ മാ​സ്റ്റ​ർ ഓ​ഫി​സും ബ​സ് കാ​ത്തി​രി​പ്പു​കേ​ന്ദ്ര​വും നി​ർ​മി​ച്ച​ത്. ഇ​ത് പി​ന്നീ​ട് സ​ർ​വി​സ് സെ​ന്റ​ർ ആ​ക്കി ഉ​യ​ർ​ത്തു​മെ​ന്ന് പ്ര​ഖ്യാ​പ​ന​മു​ണ്ടാ​യെ​ങ്കി​ലും ഉ​ണ്ടാ​യി​രു​ന്ന സ്റ്റേ​ഷ​ൻ മാ​സ്റ്റ​ർ ത​സ്തി​ക​കൂ​ടി വെ​ട്ടി​ച്ചു​രു​ക്കു​ക​യാ​ണ് ഉ​ണ്ടാ​യ​ത്.

പി​ന്നി​ട്ട് ബ​സു​ക​ൾ ക​യ​റി പോ​കാ​നു​ള്ള കേ​ന്ദ്രം മാ​ത്ര​മാ​യി ഇ​തു​മാ​റി. ഇ​പ്പോ​ൾ ബ​സു​ക​ളും ക​യ​റു​ന്നി​ല്ല. ജ​ന​ങ്ങ​ൾ​ക്ക് ബ​സ് ക​യ​റാ​ൻ റോ​ഡി​ൽ കാ​ത്തു​നി​ൽ​ക്ക​ണം. ഇ​വി​ടേ​ക്ക് ക​യ​റാ​നു​ള്ള റോ​ഡ് ടാ​ർ​ചെ​യ്ത് അ​ധി​കം ക​ഴി​യും മു​മ്പേ​ത​ന്നെ ത​ക​ർ​ന്നു. ഇ​വി​ടെ പൂ​ട്ടു​ക​ട്ട വി​രി​ക്കാ​ൻ എം.​എ​ൽ.​എ ഫ​ണ്ടി​ൽ​നി​ന്നും തു​ക വ​ക​യി​രു​ത്തി​ട്ടു​ണ്ട്. സ്റ്റേ​ഷ​ൻ പു​ന​ര​രം​ഭി​ക്ക​ണ​മെ​ന്ന് പ്ര​ക്ഷോ​ഭ​ങ്ങ​ൾ അ​ര​ങ്ങേ​റി​യെ​ങ്കി​ലും ഫ​ല​മു​ണ്ടാ​യി​ല്ല.