ചെ​മ്മീ​നും മെ​ത്ത​ലു​മി​റ​ങ്ങി; വ​റു​തി​ക്കി​ട​യി​ൽ പ്ര​ത്യാ​ശ​യു​ടെ തി​ര​യി​ള​ക്കം

പ​ര​പ്പ​ന​ങ്ങാ​ടി: ഏ​റെ​കാ​ല​ത്തെ വ​റു​തി​ക്കി​ട​യി​ൽ തീ​ര​ത്ത് പ്ര​ത്യാ​ശ​യു​ടെ തി​ര​നാ​ളം. പ്ര​തി​കൂ​ല കാ​ലാ​വ​സ്ഥ​യി​ൽ ഇ​ള​കി​മ​റി​ഞ്ഞ ക​ട​ല​മ്മ, ക​ട​ലി​ന്റെ മ​ക്ക​ളു​ടെ മ​നം കു​ളി​ർ​പ്പി​ച്ചു​തു​ട​ങ്ങി. പ​ര​പ്പ​ന​ങ്ങാ​ടി​യി​ലും താ​നൂ​ർ ഹാ​ർ​ബ​റു​ക​ളി​ലു​മാ​യി ര​ണ്ടു​ദി​വ​സം തു​ട​ർ​ച്ച​യാ​യി ചി​ല വ​ള്ള​ങ്ങ​ൾ​ക്ക് ല​ഭ്യ​മാ​യ ല​ക്ഷ​ങ്ങ​ളു​ടെ ചെ​മ്മീ​ൻ, മെ​ത്ത​ൽ ചാ​ക​ര തീ​ര​ത്ത് ആ​ഹ്ലാ​ദാ​ര​വ​ങ്ങ​ൾ തീ​ർ​ത്തു. ക​ട​ലോ​രം ഉ​ണ​ർ​ന്ന​തോ​ടെ മാ​ർ​ക്ക​റ്റി​ലും ക​ച്ച​വ​ട ഉ​ണ​ർ​വ് ദൃ​ശ്യ​മാ​യി.

ചെ​മ്മീ​ൻ ക​യ​റ്റു​മ​തി മാ​ർ​ക്ക​റ്റി​ലേ​ക്കും ആ​ഭ്യ​ന്ത​ര ചി​ല്ല​റ വി​ൽ​പ​ന മാ​ർ​ക്ക​റ്റി​ലേ​ക്കും ഒ​ഴു​ക്കു​തു​ട​ങ്ങി. ബോ​ട്ടു​ക​ൾ പാ​ടെ ട്രോ​ളി​ങ് നി​രോ​ധ​നം വ​ഴി തൊ​ഴി​ല​റ്റു​കി​ട​ക്കു​ക​യും ഈ ​കാ​ല​യ​ള​വി​ൽ മ​ത്സ്യ​ബ​ന്ധ​നം അ​നു​വ​ദി​ക്ക​പ്പെ​ട്ട ചെ​റു​വ​ള്ള​ങ്ങ​ളും പ​ര​മ്പ​രാ​ഗ​ത ചു​ണ്ട​ൻവ​ള്ള​ങ്ങ​ളും പ്ര​തി​കൂ​ല കാ​ലാ​വ​സ്ഥ​യെ തു​ട​ർ​ന്ന് ക​ട​ലി​ലി​റ​ങ്ങാ​നാ​വാ​തെ ദു​രി​ത​ക്ക​ര പ​റ്റു​ക​യും ചെ​യ്യു​ന്ന​തി​നി​ട​യി​ലാ​ണ് ചാ​ക​ര​യു​ടെ ചാ​റ​ൽ സ​മ്മാ​നി​ച്ച​ത്.

ക​ട​ൽ നേ​രി​യ ശാ​ന്ത​ത പ്രാ​പി​ച്ച​തോ​ടെ ക​നി​വു​തേ​ടി ക​ട​ലി​ലി​റ​ങ്ങി​യ വ​ള്ള​ങ്ങ​ൾ ചി​ല​തെ​ങ്കി​ലും നി​റ​ഞ്ഞ വ​ല​ക​ളി​ൽ ല​ക്ഷ​ങ്ങ​ളു​ടെ മീ​ൻ കോ​ളു​മാ​യാ​ണ് തീ​ര​മ​ണ​ഞ​ത്. മെ​ത്ത​ലും ചെ​മ്മീ​നു​മി​റ​ങ്ങി​യ വി​വ​ര​മ​റി​ഞ്ഞ് നേ​ര​ത്തെ ഹാ​ർ​ബ​റു​ക​ളി​ൽ ദി​വ​സ​ങ്ങ​ളാ​യി ന​ങ്കു​ര​മി​ട്ട വ​ള്ള​ങ്ങ​ളെ​ല്ലാം ക​ട​ലി​ലി​റ​ങ്ങി. ചി​ല വ​ള്ള​ങ്ങ​ൾ കാ​ലി​യാ​യ വ​ല​ക​ളു​മാ​യി നി​രാ​ശ​രാ​യി മ​ട​ങ്ങി​യെ​ങ്കി​ലും ഒ​ട്ടു​മി​ക്ക​വ​ള്ള​ങ്ങ​ൾ​ക്കും ഇ​ന്ധ​ന​ചെ​ല​വും തൊ​ഴി​ൽ​കൂ​ലി​യും ല​ഭി​ച്ചി​ട്ടു​ണ്ടെ​ന്നും ഇ​നി​യു​ള്ള ര​ണ്ടു​മാ​സ​ങ്ങ​ൾ പ്ര​തീ​ക്ഷ​യു​ടെ​താ​ണ​ന്നും പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി കെ.​പി. അ​ബ്ദു​ല്ല​കു​ട്ടി പ​റ​ഞ്ഞു.