ക​ടു​വാ​പ്പേ​ടി; പു​ല്ല​ങ്കോ​ട് എ​സ്റ്റേ​റ്റി​ൽ ടാ​പ്പി​ങ് ന​ട​ത്തി​യ​ത് പ​ട​ക്കം പൊ​ട്ടി​ച്ച്

കാ​ളി​കാ​വ്: ക​ടു​വ ഭീ​തി​ക്കി​ട​യി​ലും ടാ​പ്പി​ങ് തു​ട​ർ​ന്ന് പു​ല്ല​ങ്കോ​ട് എ​സ്റ്റേ​റ്റി​ലെ തൊ​ഴി​ലാ​ളി​ക​ൾ. ക​ഴി​ഞ്ഞ ര​ണ്ട് മാ​സ​ത്തോ​ള​മാ​യി വ​ലി​യ തോ​തി​ൽ പ​ട​ക്കം പൊ​ട്ടി​ച്ചും പ്ര​ത്യേ​കം വാ​ച്ച​ർ​മാ​രെ കാ​വ​ൽ നി​ർ​ത്തി​യു​മെ​ല്ലാ​മാ​ണ് ടാ​പ്പി​ങ് ഉ​ൾ​പ്പ​ടെ ജോ​ലി​ക​ൾ ന​ട​ക്കു​ന്ന​ത്. ശ​നി​യാ​ഴ്ച പ​ശു​വി​നെ ക​ടു​വ പി​ടി​ച്ച 2010 പ്ലാ​ന്റേ​ഷ​ൻ ഡി​വി​ഷ​നി​ല​ട​ക്കം തി​ങ്ക​ളാ​ഴ്ച തൊ​ഴി​ലാ​ളി​ക​ൾ ടാ​പ്പി​ങ് ന​ട​ത്തി. അ​തേ​സ​മ​യം, വ​നാ​തി​ർ​ത്തി​യി​ലെ ബ്ലോ​ക്കു​ക​ളി​ലെ മ​ര​ങ്ങ​ൾ ടാ​പ്പ് ചെ​യ്യേ​ണ്ടെ​ന്ന് അ​ധി​കൃ​ത​ർ നി​ർ​ദ്ദേ​ശി​ച്ചി​ട്ടു​ണ്ട്. മേ​ഖ​ല​യി​ൽ എ​ട​ക്കാ​ടി​ൽ ഒ​ന്നി​ല​ധി​കം ക​ടു​വ​ക​ളും പു​ലി​യും കാ​ട്ടാ​ന​ക്കൂ​ട്ട​വു​മു​ണ്ടെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്. ഈ ​വ​ന​മേ​ഖ​ല​യി​ൽ​നി​ന്നാ​ണ് എ​സ്റ്റേ​റ്റി​ലേ​ക്ക് വ​ന്യ​മൃ​ഗ​ങ്ങ​ൾ ഇ​റ​ങ്ങു​ന്ന​ത്.

ശ​നി​യാ​ഴ്ച ഉ​ച്ച​ക്ക് 12ഓ​ടെ എ​സ്റ്റേ​റ്റി​ലെ 52 ഭാ​ഗ​ത്തെ 2010 റീ​പ്ലാ​ന്റി​ങ് ഏ​രി​യ​യി​ലാ​ണ് ക​ടു​വ പ​ശു​വി​നെ ആ​ക്ര​മി​ച്ച​ത്. ഇ​തോ​ടെ തൊ​ഴി​ലാ​ളി​ക​ളും ജീ​വ​ന​ക്കാ​രു​മെ​ല്ലാം ഭീ​തി​യി​ലാ​ണ്. ആ​ക്ര​മ​ണ​മു​ണ്ടാ​യ സ്ഥ​ല​ത്ത് മൂ​ന്ന് സി.​സി.​ടി.​വി കാ​മ​റ​ക​ൾ സ്ഥാ​പി​ച്ചി​രു​ന്നു. ഞാ​യ​റാ​ഴ്ച ഒ​രു ലൈ​വ് സ്ട്രീം ​കാ​മ​റ​യും സ്ഥാ​പി​ച്ചി​ട്ടു​ണ്ട്. ര​ണ്ട് ദി​വ​സ​ത്തി​നു​ള്ളി​ൽ കൂ​ടു​ത​ൽ കാ​മ​റ​ക​ൾ സ്ഥാ​പി​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു. അ​തേ സ​മ​യം കൂ​ട് സ്ഥാ​പി​ക്കാ​നോ എ​സ്റ്റേ​റ്റി​ലെ മൂ​ന്ന് തോ​ക്കു​ക​ൾ​ക്കും ലൈ​സ​ൻ​സ് പു​തു​ക്കി ന​ൽ​കാ​നോ ന​ട​പ​ടി​യാ​യി​ട്ടി​ല്ല.

നാ​നൂ​റി​ലേ​റെ തൊ​ഴി​ലാ​ളി​ക​ൾ ജോ​ലി ചെ​യ്യു​ന്ന പു​ല്ല​ങ്കോ​ട് എ​സ്റ്റേ​റ്റി​ലും തൊ​ഴി​ലാ​ളി​ക​ൾ പ​ല​രും ജോ​ലി ഉ​പേ​ക്ഷി​ച്ചു​പോ​യി. നേ​ര​ത്തെ തൊ​ഴി​ലാ​ളി​ക​ൾ​ക്ക് സു​ര​ക്ഷ ന​ൽ​കാ​ൻ തോ​ക്കേ​ന്തി​യ കാ​വ​ൽ​ക്കാ​രെ എ​സ്റ്റേ​റ്റ് നി​യ​മി​ച്ചി​രു​ന്നു. എ​സ്റ്റേ​റ്റി​ൽ നാ​ലു വ​ർ​ഷം മു​മ്പു​വ​രെ ലൈ​സ​ൻ​സു​ള്ള തോ​ക്ക് ഉ​പ​യോ​ഗി​ച്ചി​രു​ന്നു. മാ​വോ​വാ​ദി ഭീ​ഷ​ണി​യു​ടെ പേ​രി​ലാ​ണ് കാ​ളി​കാ​വ് സ്റ്റേ​ഷ​ൻ പ​രി​ധി​യി​ലെ മു​ഴു​വ​ൻ തോ​ക്കു​ക​ളും അ​ധി​കൃ​ത​ർ വാ​ങ്ങി​യ​ത്. പി​ന്നീ​ടി​തു​വ​രെ തി​രി​ച്ചു ന​ൽ​കി​യി​ട്ടി​ല്ല. ചി​ല വ​നം ഉ​ദ്യോ​ഗ​സ്ഥ​രു​ടെ ഇ​ട​പെ​ട​ലി​ലാ​ണ് തോ​ക്ക് ലൈ​സ​ൻ​സ് പു​തു​ക്കാ​തി​രി​ക്കു​ന്ന​തെ​ന്ന് അ​റി​യു​ന്നു.

എ​സ്റ്റേ​റ്റി​ന്റെ മൂ​ന്നു തോ​ക്കു​ക​ളാ​ണ് അ​ധി​കൃ​ത​ർ ലൈ​സ​ൻ​സ് പു​തു​ക്കി ന​ൽ​കാ​തെ പി​ടി​ച്ചു​വെ​ച്ചി​ട്ടു​ള്ള​ത്. ഇ​തി​ൽ പ്ര​തി​ഷേ​ധി​ച്ച് വ​ന​പാ​ല​ക​രെ തൊ​ഴി​ലാ​ളി​ക​ൾ ത​ട​ഞ്ഞു വെ​ച്ചി​രു​ന്നു. സു​ര​ക്ഷ ഉ​റ​പ്പ് ന​ൽ​കാ​തെ ജോ​ലി​ക്കെ​ത്താ​നാ​വി​ല്ല എ​ന്ന നി​ല​പാ​ടി​ലാ​ണ് തൊ​ഴി​ലാ​ളി​ക​ൾ. ഇ​തോ​ടെ എ​സ്റ്റേ​റ്റ് പ്ര​വ​ർ​ത്ത​നം പ്ര​തി​സ​ന്ധി​യി​ലാ​ണ്.