വീ​ട്ട​മ്മ ക​ഥ​യെ​ഴു​തു​ക​യാ​ണ്...

ക​രി​ങ്ക​ല്ല​ത്താ​ണി: പ​ത്താം​ത​രം വി​ദ്യാ​ർ​ഥി​ക​ളു​ടെ കൂ​ടി​ച്ചേ​ര​ലി​ൽ ക​വി​ത ആ​ല​പി​ച്ച ഷ​ബാ​ന ഇ​ന്ന് അ​ക്ഷ​ര​ലോ​ക​ത്ത് അ​റി​യ​പ്പെ​ടു​ന്ന വീ​ട്ട​മ്മ​യാ​ണ്. പൂ​വ്വ​ത്താ​ണി സ്വ​ദേ​ശി അ​ബൂ​ബ​ക്ക​ർ ഹാ​ജി-​സൈ​ന​ബ ദ​മ്പ​തി​ക​ളു​ടെ മ​ക​ളും വെ​ള്ളി​യ​ഞ്ചേ​രി സ്വ​ദേ​ശി കൊ​ല്ലാ​ര​ൻ നാ​സ​റി​ന്റെ ഭാ​ര്യ​യു​മാ​യ ഷ​ബാ​ന ക​ഥ-​ക​വി​ത ര​ച​ന​ക​ളി​ലൂ​ടെ ശ്ര​ദ്ധേ​യ​യാ​വു​ക​യാ​ണ്.

പ്രീ​ഡി​ഗ്രി​ക്ക് പ​ഠി​ക്കു​മ്പോ​ഴാ​യി​രു​ന്നു ഷ​ബാ​ന​യു​ടെ വി​വാ​ഹം. അ​തോ​ടെ പ​ഠ​നം അ​വ​സാ​നി​ച്ചു. 1990-91ലെ ​ക​രി​ങ്ക​ല്ല​ത്താ​ണി ഫാ​ത്തി​മ മെ​മ്മോ​റി​യ​ൽ ഹൈ​സ്കൂ​ൾ പ​ത്താം ത​രം ബാ​ച്ച് വി​ദ്യാ​ർ​ഥി​നി​യാ​യി​രു​ന്ന ഇ​വ​ർ, 2016ൽ ​സ്കൂ​ളി​ൽ ന​ട​ന്ന പ​ത്താം​ത​രം വി​ദ്യാ​ർ​ഥി​ക​ളു​ടെ കൂ​ടി​ച്ചേ​ര​ലി​ലാ​ണ് ക​വി​ത ആ​ല​പി​ച്ച​ത്.

സ്കൂ​ൾ ജീ​വി​ത​ത്തി​ലെ ര​സ​ക​ര​മാ​യ അ​നു​ഭ​വ​ങ്ങ​ൾ കോ​ർ​ത്തി​ണ​ക്കി ചി​ട്ട​പ്പെ​ടു​ത്തി​യ ക​വി​ത സ​ഹ​പാ​ഠി​ക​ളു​ടെ​യും അ​ധ്യാ​പ​ക​രു​ടെ​യും പ്ര​ശം​സ പി​ടി​ച്ചു​പ​റ്റി. പി​ന്നീ​ട് സ​ഹ​പ്ര​വ​ർ​ത്ത​ക​രു​ടെ പ്രോ​ത്സാ​ഹ​നം കൂ​ടി​യാ​യ​പ്പോ​ൾ ‘ജി​ലേ​ബി​ക്കു​ന്ന് ഓ​ർ​മ്മ​ക്കു​റി​പ്പു​ക​ൾ’ സോ​ഷ്യ​ൽ മീ​ഡി​യ​യി​ൽ നി​റ​ഞ്ഞ കൈ​യ​ടി നേ​ടി. തു​ട​ർ​ന്ന് ‘ഒ​രു പ്ര​വാ​സി വീ​ട്ട​മ്മ​യു​ടെ ഭ്ര​മ​ക്കാ​ഴ്ച​ക​ൾ’ എ​ന്ന ആ​ദ്യ പു​സ്ത​കം പു​റ​ത്തി​റ​ക്കി.

ആ​ദ്യ ക​ഥാ​സ​മാ​ഹാ​രം ‘അ​സ്‍വാ​ദ’​ക്കും വ​ലി​യ പി​ന്തു​ണ​യാ​ണ് ല​ഭി​ച്ച​ത്. വി​ര​ൽ​സ്പ​ർ​ശം, ചി​റ​ക് തു​ന്നു​ന്ന​വ​ർ, വെ​യി​ൽ​മു​ള​പ്പി​ച്ച സ്വ​പ്‌​ന​ങ്ങ​ൾ, തു​ട​ങ്ങി പ​ത്തോ​ളം സം​യു​ക്ത സ​മാ​ഹാ​ര​ങ്ങ​ളി​ൽ ക​ഥ​ക​ളെ​ഴു​തി​യി​ട്ടു​ണ്ട്.ക​ഥാ​സാ​ഗ​രം ന​ട​ത്തി​യ ചെ​റു​ക​ഥ മ​ത്സ​ര​ത്തി​ൽ തു​ട​ർ​ച്ച​യാ​യി മൂ​ന്നു​ത​വ​ണ ഒ​ന്നാം​സ്ഥാ​നം. പു​സ്ത​ക​ശാ​ല വാ​ർ​ദ്ധ​ക്യം എ​ന്ന വി​ഷ​യ​ത്തി​ൽ ന​ട​ത്തി​യ കു​റു​ങ്ക​വി​ത​യി​ൽ ഒ​ന്നാം സ്ഥാ​നം തു​ട​ങ്ങി നി​ര​വ​ധി ക​ഥ​ക​ളും ക​വി​ത​ക​ളും ഒ​ന്നാം സ്ഥാ​നം ക​ര​സ്ഥ​മാ​ക്കി.

ല​ളി​താം​ബി​ക അ​ന്ത​ർ​ജ്ജ​ന​ത്തി​ന്റെ സ്മ​ര​ണാ​ർ​ത്ഥം പു​റ​ത്തി​റ​ക്കി​യ ക​ഥാ​സ​മാ​ഹാ​ര​ത്തി​ൽ ‘മ​രി​യ​യു​ടെ മീ​ന​ത്താ​ഴ​ങ്ങ​ൾ’ ക​ഥ എ​ഴു​തി​യി​ട്ടു​ണ്ട്. ആ​നു​കാ​ലി​ക​ങ്ങ​ളി​ലും എ​ഴു​തി​യി​യി​ട്ടു​ണ്ട്. നാ​ലു പെ​ൺ​കു​ട്ടി​ക​ളും ഒ​രാ​ൺ​കു​ട്ടി​യു​മ​ട​ക്കം അ​ഞ്ചു മ​ക്ക​ൾ. മൂ​ത്ത​യാ​ൾ റി​യാ​ദി​ൽ സൈ​ക്കോ​ള​ജി​സ്റ്റ്, ര​ണ്ടാ​മ​ത്തെ​യാ​ൾ നി​യ​മ വി​ദ്യാ​ർ​ഥി​നി, മൂ​ന്നാ​മ​ത്തെ​യാ​ൾ മീ​ഡി​യ സ്റ്റു​ഡ​ന്റ്, നാ​ലാ​മ​ൻ ഡി​ഗ്രി​ക്ക് പ​ഠി​ക്കു​ന്നു. അ​ഞ്ചാ​മ​ത്തെ​യാ​ൾ ഒ​മ്പ​തി​ൽ പ​ഠി​ക്കു​ന്നു.