കൈക്കുഞ്ഞ് ചികിത്സ ലഭിക്കാതെ മരിച്ച സംഭവം; ഞെട്ടൽ മാറാതെ എടരിക്കോട്ടുകാർ

കോ​ട്ട​ക്ക​ൽ: കൈ​ക്കു​ഞ്ഞ് ചി​കി​ത്സ ല​ഭി​ക്കാ​തെ മ​രി​ച്ചെ​ന്ന വാ​ർ​ത്ത എ​ട​രി​ക്കോ​ട്ടു​കാ​ർ​ക്ക് ഇ​നി​യും വി​ശ്വ​സി​ക്കാ​ൻ ക​ഴി​യു​ന്നി​ല്ല. ക​ഴി​ഞ്ഞ വ​ർ​ഷം ജൂ​ണി​ലാ​ണ് നോ​വ​പ്പ​ടി​യി​ൽ പാ​ങ്ങ് കോ​ന്നി​ക്ക​ൽ കൊ​ട്ട​ക്കാ​ര​ൻ ന​വാ​സും ഭാ​ര്യ ഹി​റ ഹ​രീ​റ​യും മ​ക്ക​ളാ​യ ഇ​സ​ൻ ഇ​ർ​ഹാ​നും ഇ​സെ​ൽ അ​യി​ഷാ​നും താ​മ​സ​മാ​രം​ഭി​ച്ച​ത്. ഹി​റ അ​ക്യു​പ​ങ്ച​റി​സ്റ്റും ന​വാ​സ് ക​മ്പ​നി ഡി​സ്ട്രി​ബ്യൂ​ട്ട​റാ​യി ജോ​ലി ചെ​യ്യു​ക​യാ​ണെ​ന്നു​മാ​ണ് പ​രി​ച​യ​പ്പെ​ടു​ത്തി​യി​രു​ന്ന​ത്.

ക​ഴി​ഞ്ഞ വ​ർ​ഷം ഏ​പ്രി​ൽ 14ന് ​ഇ​സ​ന്‍ ഇ​ര്‍ഹാ​ന് പാ​ങ്ങി​ലെ ഭ​ർ​തൃ​വീ​ട്ടി​ൽ ജ​ന്മം ന​ൽ​കി​യ ശേ​ഷ​മാ​ണ് കു​ടും​ബം എ​ട​രി​ക്കോ​ട്ടേ​ക്ക് താ​മ​സം മാ​റു​ന്ന​ത്. നാ​ട്ടി​ൽ ആ​രോ​​ഗ്യ​പ്ര​വ​ർ​ത്ത​ക​രെ അ​റി​യി​ക്കാ​തെ വീ​ട്ടി​ൽ പ്ര​സ​വി​ച്ച ഹി​റ ​പി​ന്നീ​ട് വീ​ട്ടു​പ്ര​സ​വ​ത്തെ പ്രോ​ത്സാ​ഹി​പ്പി​ച്ച് ഫേ​സ്ബു​ക്കി​ൽ അ​നു​ഭ​വം പ​ങ്കു​വെ​ച്ചി​രു​ന്നു.

വീ​ടു​ക​ൾ ക​യ​റി​യു​ള്ള ആ​രോ​ഗ്യ​പ്ര​വ​ർ​ത്ത​ക​രു​ടെ പ​രി​ശോ​ധ​ന​യി​ൽ കു​ട്ടി​ക്ക് പ്ര​തി​രോ​ധ കു​ത്തി​വെ​പ്പു​ക​ൾ ന​ൽ​കി​യി​ട്ടി​​െല്ല​ന്നാ​ണ് ഇ​വ​ർ അ​റി​യി​ച്ചി​രു​ന്ന​ത്. കു​ത്തി​വെ​പ്പു​ക​ൾ​ക്ക് കു​ടും​ബം വി​മു​ഖ​ത കാ​ണി​ക്കു​ക​യും ചെ​യ്തു.

വെ​ള്ളി​യാ​ഴ്ച വൈ​കീ​ട്ടാ​ണ് ഇ​സ​ൻ മ​രി​ച്ച​ത്. പാ​ല് കൊ​ടു​ക്കു​മ്പോ​ൾ അ​പ​സ്മാ​രം വ​ന്നെ​ന്നാ​ണ് ഇ​വ​ർ ബ​ന്ധു​ക്ക​ളെ അ​റി​യി​ച്ച​ത്. തു​ട​ർ​ന്ന് ഡോ​ക്ട​റെ വി​ളി​ച്ചു​വ​രു​ത്തി​യാ​ണ് മ​ര​ണം സ്ഥി​രീ​ക​രി​ച്ച​ത്. ആ​ശു​പ​ത്രി​യി​ൽ കൊ​ണ്ടു​പോ​ക​ണ​മെ​ന്ന് നി​ർ​ദേ​ശം ന​ൽ​കി​യാ​ണ് ഡോ​ക്ട​ർ​മാ​ർ മ​ട​ങ്ങി​യ​ത്. എ​ന്നാ​ൽ, മ​റ്റു​ള്ള​വ​രെ കൊ​ണ്ട് എ​ട​രി​ക്കോ​ട് പ​ഞ്ചാ​യ​ത്ത് അ​ധി​കൃ​ത​രെ ഫോ​ൺ വ​ഴി വി​വ​ര​മ​റി​യി​ച്ച കു​ടും​ബം കാ​റി​ൽ നാ​ട്ടി​ലേ​ക്ക് തി​രി​ക്കു​ക​യാ​യി​രു​ന്നു.

ശ​നി​യാ​ഴ്ച രാ​വി​ലെ 8.30ഓ​ടെ പ​ടി​ഞ്ഞാ​റ്റു​മു​റി ജു​മാ മ​സ്ജി​ദ് ഖ​ബ​ർ​സ്ഥാ​നി​ലാ​യി​രു​ന്നു ഖ​ബ​റ​ട​ക്കം. ഇ​തി​നി​ടെ കു​ട്ടി​യു​ടെ മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്ന സം​ശ​യം പു​റ​ത്തു വ​ന്ന​തോ​ടെ കാ​ടാ​മ്പു​ഴ പൊ​ലീ​സ് അ​ന്വേ​ഷ​ണ​മാ​രം​ഭി​ക്കു​ക​യാ​യി​രു​ന്നു. അ​ന്വേ​ഷ​ണം കോ​ട്ട​ക്ക​ലി​ൽ എ​ത്തി​യ​തോ​ടെ​യാ​ണ് നാ​ട്ടു​കാ​രും സം​ഭ​വം അ​റി​യു​ന്ന​ത്.

അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത കാ​ടാ​മ്പു​ഴ പൊ​ലീ​സ് തു​ട​ര​ന്വേ​ഷ​ണം കോ​ട്ട​ക്ക​ലി​ലേ​ക്ക് കൈ​മാ​റും. ശാ​സ്ത്രീ​യ​മാ​യ ചി​കി​ത്സ​രീ​തി​യെ എ​തി​ര്‍ക്കു​ന്ന നി​ല​പാ​ടു​ക​ള്‍ സ​മൂ​ഹ​മാ​ധ്യ​മ​ങ്ങ​ളി​ല്‍ പ​ങ്കു​വെ​ച്ചി​രു​ന്ന ര​ക്ഷി​താ​ക്ക​ൾ മ​ഞ്ഞ​പ്പി​ത്തം ബാ​ധി​ച്ച കു​ഞ്ഞി​ന് അ​ടി​യ​ന്ത​ര ചി​കി​ത്സ ന​ല്‍കാ​ൻ ത​യാ​റാ​കാ​ത്ത​താ​ണ് മ​ര​ണ​കാ​ര​ണ​മെ​ന്നാ​ണ് പൊ​ലീ​സ് പ​റ​യു​ന്ന​ത്.