വികസനം ചർച്ചയായില്ല; രാഷ്ട്രീയ വിവാദങ്ങളിൽ മുങ്ങി

നി​ല​മ്പൂ​ർ: ആ​ദ്യ​വ​സാ​നം രാ​ഷ്ട്രീ​യ വി​വാ​ദ​ങ്ങ​ൾ​ക്ക​പ്പു​റം നി​ല​മ്പൂ​രി​ലെ പ്ര​ശ്ന​ങ്ങ​ളും വി​ക​സ​ന​വും ഉ​പ​തെ​ര​ഞ്ഞെ​ടു​പ്പി​ൽ കാ​ര്യ​മാ​യ ച​ർ​ച്ച​യാ​യി​ല്ല. മ​ണ്ഡ​ല​ത്തി​ലു​ട​നീ​ള​മു​ള്ള വ​ന്യ​ജീ​വി​സം​ഘ​ർ​ഷം ഇ​ട​ക്ക് പൊ​ന്തി​വ​ന്നു എ​ന്ന​തൊ​ഴി​ച്ചാ​ൽ നി​ല​മ്പൂ​രി​ന്റെ പ്ര​ശ്ന​ങ്ങ​ളും വി​ക​സ​ന​വും ച​ർ​ച്ച​ചെ​യ്യാ​ത്ത​തി​ൽ വോ​ട്ട​ർ​മാ​രി​ൽ നി​രാ​ശ​യു​ണ്ട്.

വ​ഴി​ക്ക​ട​വി​ൽ പ​ന്നി​ക്കെ​ണി​യി​ൽ​നി​ന്ന് ഷോ​ക്കേ​റ്റ് പ​ത്താം ക്ലാ​സ് വി​ദ്യാ​ർ​ഥി​യു​ടെ ദാ​രു​ണാ​ന്ത്യത്തിൽ മാ​ത്ര​മാ​ണ് വ​ന്യ​ജീ​വി ആ​ക്ര​മ​ണം കു​റ​ച്ചെ​ങ്കി​ലും ച​ർ​ച്ച​യാ​യ​ത്. സ​ർ​ക്കാ​റി​ന്റെ ഭ​ര​ണ​നേ​ട്ടം ജ​ന​ങ്ങ​ളി​ലെ​ത്തി​ക്കാ​ൻ എ​ൽ.​ഡി.​എ​ഫി​നോ പോ​രാ​യ്മ​ക​ൾ ചൂ​ണ്ടി​ക്കാ​ണി​ക്കാ​ൻ പ്ര​തി​പ​ക്ഷ​ത്തി​നോ സാ​ധി​ച്ചി​ല്ല. ഇ​രു മു​ന്ന​ണി​ക​ൾ​ക്കു​മെ​തി​രെ സ്വ​ത​​ന്ത്ര​നാ​യി​ ഗോ​ദ​യി​ലി​റ​ങ്ങി​യ പി.​വി. അ​ൻ​വ​ർ വി​വാ​ദ വി​ഷ​യ​ങ്ങ​ളി​ലാ​ണ് ​ശ്ര​ദ്ധ കേ​ന്ദ്രീ​ക​രി​ച്ച​ത്.

രാ​ഷ്ട്രീ​യ വി​വാ​ദ​ങ്ങ​ൾ ഉ​യ​ർ​ത്താ​നും അ​തി​ൽ ചു​റ്റി​പ്പി​ണ​ഞ്ഞ് ച​ർ​ച്ച​ കൊ​ണ്ടു​പോ​കാ​നു​മാ​ണ് ഇ​ട​തു, വ​ല​തു മു​ന്ന​ണി​ക​ളും എ​ൻ.​ഡി.​എ​യും ശ്ര​മി​ച്ച​ത്. എ​ൽ.​ഡി.​എ​ഫ് സ്ഥാ​നാ​ർ​ഥി എം. ​സ്വ​രാ​ജി​ന്റെ പ്ര​ചാ​ര​ണം ന​യി​ച്ച മു​ഖ്യ​മ​ന്ത്രി സ​ർ​ക്കാ​റി​ന്റെ വി​ക​സ​ന​നേ​ട്ട​ങ്ങ​ൾ പൊ​തു​വാ​യി പ​റ​ഞ്ഞതല്ലാ​തെ നി​ല​മ്പൂ​രി​ലെ വി​ഷ​യ​ങ്ങ​ൾ പ​രാ​മ​ർ​ശി​​ച്ച​തേ​യി​ല്ല.

നി​ല​മ്പൂ​ർ ബൈ​പാ​സ്, ഗ​വ. കോ​ള​ജി​ന് സ്ഥ​ല​വും കെ​ട്ടി​ട​വും തു​ട​ങ്ങി​യ​വ​യ​ട​ക്കം മ​ണ്ഡ​ല​ത്തി​ലെ അ​ടി​സ്ഥാ​ന പ്ര​ശ്ന​ങ്ങ​ൾ യാ​തൊ​ന്നും​ത​ന്നെ ച​ർ​ച്ച ചെ​യ്യാ​ൻ നേ​താ​ക്ക​ൾ സ​മ​യം​ക​ണ്ടി​ല്ല. ​വി​ക​സ​ന​ത്തി​ലൂ​ന്നി​യു​ള്ള ച​ർ​ച്ച​ക​ളി​ൽ​നി​ന്നും സ്ഥാ​നാ​ർ​ഥി​ക​ളും ഒ​ഴി​ഞ്ഞു​നി​ൽ​ക്കു​ന്ന​താ​ണ് ക​ണ്ട​ത്. മ​ണ്ഡ​ല​ത്തി​ലെ വി​ക​സ​ന​ത്തി​ന് സ​ർ​ക്കാ​ർ ത​ട​സ്സം നി​ൽ​ക്കു​ന്ന​ത​ട​ക്കം ചൂ​ണ്ടി​ക്കാ​ട്ടി എം.​എ​ൽ.​എ സ്ഥാ​നം രാ​ജി​​വെ​ച്ച പി.​വി. അ​ൻ​വ​റി​നും പ്ര​ചാ​ര​ണ​സ​മ​യ​ത്ത് ഇ​ത്ത​രം ച​ർ​ച്ച​ക​ൾ ഉ​യ​ർ​ത്തി​ക്കൊ​ണ്ടു​വ​രാ​നാ​യി​ല്ല.

വ​ന്യ​മൃ​ഗ​ശ​ല്യ​ത്തി​ൽ യു.​ഡി.​എ​ഫ് സം​സ്ഥാ​ന സ​ർ​ക്കാ​റി​നെ പ്ര​തി​ക്കൂ​ട്ടി​ൽ നി​ർ​ത്തി​യ​പ്പോ​ൾ എ​ൽ.​ഡി.​എ​ഫ് കേ​ന്ദ്ര​സ​ർ​ക്കാ​ർ അ​വ​ഗ​ണ​ന​ക്കെ​തി​രെ​യാ​ണ് വി​ര​ൽ ചൂ​ണ്ടി​യ​ത്. അ​തേ​സ​മ​യം, പാ​ല​ക്കാ​ട് ഉ​പ​തെ​ര​​ഞ്ഞെ​ടു​പ്പി​ലേ​തി​ന് സ​മാ​ന​മാ​യി വി​വാ​ദ​ങ്ങ​ൾ ഒ​ന്നൊ​ഴി​യാ​തെ വ​ന്നു​കൊ​ണ്ടി​രു​ന്നു.

മു​ഖ്യ​മ​ന്ത്രി​യു​ടെ മ​ല​പ്പു​റം​വി​രു​ദ്ധ പ​രാ​മ​ർ​ശം മു​ത​ൽ ക്ഷേ​മ​പെ​ൻ​ഷ​നും വെ​ൽ​ഫെ​യ​ർ പാ​ർ​ട്ടി, പി.​ഡി.​പി പി​ന്തു​ണ പ്ര​ഖ്യാ​പ​ന​വും ഒ​ടു​വി​ൽ അ​ടി​യ​ന്ത​രാ​വ​സ്ഥ​ക്കാ​ല​ത്ത് ഇ​ട​തു​പ​ക്ഷം ആ​ർ.​എ​സ്.​എ​സു​മാ​യി സ​ഹ​ക​രി​ച്ചി​രു​ന്നു​​​വെ​ന്ന സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്റെ പ്ര​സ്താ​വ​ന​വ​രെ ചൂ​ടേ​റി​യ ച​ർ​ച്ച​യാ​യി. ഷാ​ഫി പ​റ​മ്പി​ൽ എം.​പി, രാ​ഹു​ൽ മാ​ങ്കൂ​ട്ട​ത്തി​ൽ എം.​എ​ൽ.​എ, പി.​കെ. ഫി​റോ​സ് എ​ന്നി​വ​ർ സ​ഞ്ച​രി​ച്ച വാ​ഹ​നം രാ​ത്രി പ​രി​ശോ​ധി​ച്ച​തും വി​വാ​ദ​മാ​ക്കാ​ൻ ശ്ര​മ​മു​ണ്ടാ​യി.