ക​ട​ൽ​മാ​ക്രി പെ​രു​കു​ന്നു; നശിക്കുന്ന​ത് ല​ക്ഷ​ങ്ങ​ളു​ടെ വ​ല​ക​ൾ

പ​ര​പ്പ​ന​ങ്ങാ​ടി: ക​ട​ൽ​മാ​ക്രി ശ​ല്യം പെ​രു​കു​​ന്ന​ത് മ​ത്സ്യ​ത്തൊ​ഴി​ലാ​ളി​ക​ൾ​ക്ക് ത​ല​വേ​ദ​ന​യാ​കു​ന്നു. അ​വ വ്യാ​പ​ക​മാ​യി വ​ല​ക​ൾ പൊ​ളി​ച്ച് ന​ശി​പ്പി​ക്കു​ക​യാ​ണ്.

നി​റ​യെ മ​ത്സ്യം കു​ടു​ങ്ങി​യ വ​ല​ക​ൾ വ​ള്ള​ത്തി​ലേ​ക്ക് വ​ലി​ച്ചു​ക​യ​റ്റു​മ്പോ​ൾ വ​ല ചോ​ർ​ന്ന് പ​ല ഭാ​ഗ​ങ്ങ​ളി​ലാ​യി മ​ത്സ്യ ശേ​ഖ​രം ന​ഷ്ട​പ്പെ​ടാ​നും ല​ക്ഷ​ങ്ങ​ളു​ടെ വ​ല ത​ക​രാ​നും ഇ​ത് വ​ഴി​വെ​ക്കു​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ ല​ക്ഷ​ങ്ങ​ളു​ടെ മ​ത്സ്യ​ങ്ങ​ളു​മാ​യി തീ​ര​മ​ണഞ്ഞി​രു​ന്ന വ​ള്ള​ങ്ങ​ളിലെ വ​ല​ക​ൾ പാ​ടേ ത​ക​ർ​ന്ന​തോ​ടെ ല​ക്ഷ​ങ്ങ​ളു​ടെ ബാ​ധ്യ​ത​യാ​ണ് ബാ​ക്കി​യാ​യ​ത്. ക​ട​ൽ ത​വ​ള​ക​ളെ​ന്ന് വി​ളി​ക്ക​പ്പെ​ടു​ന്ന ക​ട​ൽ മാ​ക്രി​ക​ളാ​ണ് വ​ല ക​ടി​ച്ചു​മു​റിച്ച​ത്. അ​യ​ല, മ​ത്തി എ​ന്നീ മ​ത്സ്യ​ങ്ങ​ളെ ഭ​ക്ഷി​ക്കാ​നാ​ണ് ഇ​വ ക​യ​റി​പ്പ​റ്റു​ന്ന​ത്.

ക​ടി​ച്ചു​കീ​റി​യ വ​ല​ക​ൾ തു​ന്നി​ച്ചേ​ർ​ക്കാ​നും പു​തി​യ വ​ല​ക​ൾ വാ​ങ്ങി ക​ണ്ണി​ക​ൾ ചേ​ർ​ക്കാ​നു​മു​ള്ള അ​ധ്വാ​ന​ത്തി​ലാ​ണ് ഒ​ട്ടു​മി​ക്ക മ​ത്സ്യത്തൊ​ഴി​ലാ​ളി​ക​ളും.

പ്ര​തി​സ​ന്ധി നേ​രി​ടു​ന്ന മ​ത്സ്യ​ത്തൊ​ഴി​ലാ​ളി​ക​ൾ​ക്ക് സ​ർ​ക്കാ​ർ മ​ത്സ്യ​ത്തൊ​ഴി​ലാ​ളി സ​ഹ​ക​ര​ണ സം​ഘ​ങ്ങ​ൾ വ​ഴി വ​ല വാ​ങ്ങാ​ൻ സ​ഹാ​യ​വും സ​ബ്സി​ഡി​യും ന​ൽ​ക​ണ​മെ​ന്ന് എ​ഫ്.​ഐ.​ടി.​യു മ​ത്സ്യ തൊ​ഴി​ലാ​ളി വി​ഭാ​ഗം പ​ര​പ്പ​ന​ങ്ങാ​ടി മു​ൻ​സി​പ്പ​ൽ സെ​ക്ര​ട്ട​റി പോ​ക്കു​വി​ന്റെ പു​ര​ക്ക​ൽ സി​ദ്ദീ​ഖ് ആ​വ​ശ്യ​പ്പെ​ട്ടു.