പു​ഴ​ക​ളി​ൽ​നി​ന്ന് മ​ണ​ൽ വാ​ര​ൽ: അ​നു​മ​തി വൈ​കും

മ​ല​പ്പു​റം: ജി​ല്ല​യി​ൽ ചാ​ലി​യാ​ർ, ഭാ​ര​ത​പു​ഴ, ക​ട​ലു​ണ്ടി പു​ഴ എ​ന്നി​വി​ട​ങ്ങ​ളി​ൽ​നി​ന്ന് മ​ണ​ലെ​ടു​ക്കു​ന്ന​തി​ന് അ​നു​മ​തി വൈ​കും. മ​ണ​ലെ​ടു​ക്കു​ന്ന​തി​ന് ലാ​ന്റ് റ​വ​ന്യു ക​മീ​ഷ​ണ​ർ ഇ​റ​ക്കി​യ പു​തു​ക്കി​യ മാ​ന​ദ​ണ്ഡ​പ്ര​കാ​രം പു​ഴ​ക​ളി​ലെ ക​ട​വു​ക​ളു​ടെ അ​തി​ർ​ത്തി നി​ർ​ണ​യ ന​ട​പ​ടി​ക​ൾ പൂ​ർ​ത്തീ​ക​രി​ച്ചാ​ൽ മാ​ത്ര​മേ അ​നു​മ​തി ന​ൽ​കു​ന്ന കാ​ര്യ​ത്തി​ൽ തീ​രു​മാ​ന​മാ​കുക.

നി​ല​വി​ൽ ന​ട​പ​ടി​ക്ര​മ​ങ്ങ​ൾ ആ​ർ.​ഡി.​ഒ ത​ല​ത്തി​ൽ പു​രോ​ഗ​മി​ച്ച് വ​രി​ക​യാ​ണ്. മ​ണ​ൽ വാ​രാ​ൻ നി​ല​വി​ൽ ജി​ല്ല​യി​ലെ ഒ​രു ത​ദ്ദേ​ശ സ്ഥാ​പ​ന​ങ്ങ​ൾ​ക്കോ, ക​മ്പ​നി​ക​ൾ​ക്കോ ജി​ല്ല ഭ​ര​ണ​കൂ​ടം അ​നു​മ​തി ന​ൽ​കി​യി​ട്ടി​ല്ല.

ജി​ല്ല​യി​ലെ പു​ഴ​ക​ളി​ൽ​നി​ന്ന് മ​ണ​ൽ എ​ടു​ക്കു​ന്ന​തി​ന് കൗ​ൺ​സി​ൽ ഓ​ഫ് സ​യ​ന്റി​ഫി​ക് ആ​ൻ​ഡ് ഇ​ൻ​ഡ​സ്ട്രി​യ​ൽ റി​സ​ർ​ച്ച് (സി.​ആ​ർ.​ഐ.​ആ​ർ) നാ​ഷ​ന​ൽ ഇ​ന്റ​സ്റ്റി​റ്റ്യൂ​ട്ട് ഫോ​ർ ഇ​ന്റ​ർ ഡി​സി​പ്ലി​ന​റി സ​യ​ൻ​സ് ആ​ൻ​ഡ് ടെ​ക്നോ​ള​ജി (എ​ൻ.​ഐ.​ഐ.​എ​സ്.​ടി) ഏ​ജ​ൻ​സി മു​ഖാ​ന്ത​രം ജി​ല്ല സ​ർ​വേ റി​പ്പോ​ർ​ട്ട് ത​യാ​റാ​ക്കി​യി​രു​ന്നു. ഇ​തി​ന് സം​സ്ഥാ​ന പ​രി​സ്ഥി​തി ആ​ഘാ​ത നി​ർ​ണ​യ അ​തോ​റി​റ്റി (എ​സ്.​ഇ.​ഐ.​എ.​എ) അം​ഗീ​കാ​രം ല​ഭി​ച്ചി​ട്ടു​ണ്ട്.

ഈ ​സ​ർ​വേ റി​പ്പോ​ർ​ട്ട് പ്ര​കാ​രം മ​ണ​ൽ ഖ​ന​നം ചെ​യ്യു​ന്ന​തി​ലേ​ക്കാ​യി ക​ട​വു​ക​ളു​ടെ അ​തി​ർ​ത്തി നി​ർ​ണ​യം ത​ഹ​സി​ൽ​ദാ​ർ​മാ​രു​ടെ നേ​തൃ​ത്വ​ത്തി​ൽ ന​ട​പ​ടി​ക​ൾ ആ​രം​ഭി​ച്ചി​രു​ന്നു. ഇ​തി​നി​ടെ​യാ​ണ് പു​തു​ക്കി​യ മാ​ന​ദ​ണ്ഡം ലാ​ന്റ് റ​വ​ന്യു ക​മീ​ഷ​ന​ർ ഇ​റ​ക്കി​യ​ത്. ഇ​തോ​ടെ പു​തി​യ മാ​ന​ദ​ണ്ഡ പ്ര​കാ​രം ആ​ർ.​ഡി.​ഒ നോ​ഡ​ൽ ഓ​ഫി​സ​റാ​യി നി​യോ​ഗി​ച്ച് സ്പെ​ഷ​ൽ ടീം ​ന​ട​പ​ടി ആ​രം​ഭി​ച്ച​ത്.

2018, 2019 വ​ർ​ഷ​ങ്ങ​ളി​ലെ പ്ര​ള​യ​ങ്ങ​ളി​ൽ ചാ​ലി​യാ​ർ പു​ഴ, അ​തി​ന്റെ കൈ​വ​രി​ക​ളി​ൽ നി​ന്നു​മാ​യി 3.06 ല​ക്ഷം ക്യു​ബി​ക് മീ​റ്റ​ർ പ്ര​ള​യാ​വ​ശി​ഷ്ടം നീ​ക്കം ചെ​യ്തി​ട്ടു​ണ്ട്. ഇ​തി​ൽ 2.55 ക്യു​ബി​ക് മീ​റ്റ​ർ ന​ദീ​തീ​രം ബ​ല​പ്പെ​ടു​ത്തു​ന്ന​തി​നും ബാ​ക്കി വ​രു​ന്ന 51,389 ക്യു​ബി​ക് മീ​റ്റ​ർ ലേ​ലം ചെ​യ്യു​ന്ന​തി​നാ​യി 12 യാ​ർ​ഡു​ക​ളി​ലേ​ക്കും മാ​റ്റി. മെ​റ്റ​ൽ സ്ക്രാ​പ്പ് ട്രേ​ഡ് കോ​ർ​പ്പ​റേ​ഷ​ൻ ലി​മി​റ്റ​ഡ് (എം.​എ​സ്.​ടി.​സി) വ​ഴി​യും എ​ൻ.​ഐ.​സി ഫ്ലാ​റ്റ് ഫോം ​വ​ഴി​യും ലേ​ലം ചെ​യ്തെ​ങ്കി​ലും ല​ക്ഷ്യം ക​ണ്ടി​ല്ല.

തു​ട​ർ​ന്ന് നേ​രി​ട്ടു​ള്ള ലേ​ല​ത്തി​ൽ മൂ​ന്ന് യാ​ർ​ഡു​ക​ളി​ലേ പ്ര‍ള​യാ​വ​ശി​ഷ്ടം ലേ​ല​ത്തി​ൽ പോ​യി​ട്ടു​ണ്ട്. 2024 ലെ ​സം​സ്ഥാ​ന ബ​ജ​റ്റി​ൽ സ​ർ​ക്കാ​റി​ന് വ​രു​മാ​ന​മാ​ർ​ഗം എ​ന്ന നി​ല​യി​ൽ ചാ​ലി​യാ​ർ, ക​ട​ലു​ണ്ടി, ഭാ​ര​ത​പു​ഴ എ​ന്നി​വി​ട​ങ്ങ​ളി​ൽ നി​ന്ന് മ​ണ​ലെ​ടു​ക്കു​മെ​ന്ന് പ്ര​ഖ്യാ​പി​ച്ചി​രു​ന്നു.

ഇ​ത് വ​ഴി 200ഓ​ളം കോ​ടി രൂ​പ​യാ​ണ് വ​രു​മാ​ന ഇ​ന​ത്തി​ൽ സ​ർ​ക്കാ​ർ പ്ര​തീ​ക്ഷി​ച്ചി​രു​ന്ന​ത്. 2015 ഫെ​ബ്രു​വ​രി​യി​ലാ​ണ് അ​വ​സാ​ന​മാ​യി ജി​ല്ല​യി​ല്‍നി​ന്നും മ​ണ​ല്‍ വാ​രി​യ​ത്. ഇ​തി​ന് ശേ​ഷം സാ​ന്‍ഡ് ഓ​ഡി​റ്റ് ന​ട​ത്തി​യെ​ങ്കി​ലും ചി​ല ക​ട​വു​ക​ളി​ല്‍നി​ന്നും മ​ണ​ല്‍ വാ​രു​ന്ന​തു​മാ​യി ബ​ന്ധ​പ്പെ​ട്ട അ​വ്യ​ക്ത​ത​ക​ള്‍ നി​ല​നി​ന്നി​രു​ന്നു.

2016ല്‍ ​സാ​ന്‍ഡ് ഓ​ഡി​റ്റ് റി​പ്പോ​ര്‍ട്ട് പ്ര​സി​ദ്ധീ​ക​രി​ച്ചെ​ങ്കി​ലും സാ​ങ്കേ​തി​ക ത​ട​സ്സം മൂ​ലം മ​ണ​ല്‍ വാ​ര​ല്‍ ന​ട​ന്നി​ല്ല. ഈ ​റി​പ്പോ​ര്‍ട്ടി​ന്റെ മൂ​ന്ന് വ​ര്‍ഷ കാ​ലാ​വ​ധി അ​വ​സാ​നി​ച്ച​തോ​ടെ​യാ​ണ് 2019 ജ​നു​വ​രി 24ന് ​വീ​ണ്ടും ഓ​ഡി​റ്റ് ന​ട​ത്താ​ന്‍ സ​ര്‍ക്കാ​ര്‍ ഉ​ത്ത​ര​വ് ഇ​റ​ക്കി​യ​ത്. തു​ട​ർ​ന്ന് ന​ട​പ​ടി​ക​ൾ നീ​ണ്ട് പോ​കു​ക​യാ​യി​രു​ന്നു.