ഗ​വ. ആ​ശു​പ​ത്രി​ക​ളി​ൽ മെ​ഡി​ക്ക​ൽ ക്യാ​മ്പ് ന​ട​ക്കു​ന്നി​ല്ല; ദു​രി​ത​ത്തി​ലാ​യി ഭി​ന്ന​ശേ​ഷി​ക്കാ​ർ

തി​രൂ​ർ: ജി​ല്ല​യി​ലെ സ​ർ​ക്കാ​ർ ആ​ശു​പ​ത്രി​ക​ളി​ൽ മെ​ഡി​ക്ക​ൽ ക്യാ​മ്പു​ക​ൾ സ​മ​യ​ബ​ന്ധി​ത​മാ​യി ന​ട​ക്കാ​ത്ത​തി​നാ​ൽ ദു​രി​ത​ത്തി​ലാ​യി നൂ​റ് ക​ണ​ക്കി​ന് ഭി​ന്ന​ശേ​ഷി​ക്കാ​ർ. കൃ​ത്യ​സ​മ​യ​ത്ത് ഭി​ന്ന​ശേ​ഷി​ക്കാ​ർ​ക്ക് ഡി​സ​ബി​ലി​റ്റി സ​ർ​ട്ടി​ഫി​ക്ക​റ്റ്, യു.​ഡി.​ഐ.​ഡി കാ​ർ​ഡ് എ​ന്നി​വ ല​ഭി​ക്കാ​നും പു​തു​ക്കാ​നും വ​ലി​യ പ്ര​യാ​സ​മാ​ണ് നേ​രി​ടു​ന്ന​ത്.

ഇ​തു​മൂ​ലം ഇ​വ​രു​ടെ പ​ല ആ​നു​കൂ​ല്യ​ങ്ങ​ളും ന​ഷ്ട​പ്പെ​ടാ​നി​ട​യാ​കു​ന്ന​താ​യി ബു​ദ്ധി​പ​ര​മാ​യ വെ​ല്ലു​വി​ളി നേ​രി​ടു​ന്ന കു​ട്ടി​ക​ളു​ടെ ര​ക്ഷി​താ​ക്ക​ളു​ടെ കൂ​ട്ടാ​യ്മ​യാ​യ ‘പ​രി​വാ​ർ’ പ​റ​യു​ന്നു. ബു​ദ്ധി​പ​ര​മാ​യ വെ​ല്ലു​വി​ളി നേ​രി​ടു​ന്ന​വ​ർ​ക്ക് ഡി​സ​ബി​ല​റ്റി സ​ർ​ട്ടി​ഫി​ക്ക​റ്റ് ല​ഭി​ക്കാ​ൻ​നി​ല​വി​ൽ സ​ർ​ക്കാ​ർ ഹോ​സ്പി​റ്റ​ലി​ൽ നി​ന്നു​ള്ള ഐ.​ക്യു സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​ക്കി​യി​ട്ടു​ണ്ട്.

എ​ന്നാ​ൽ, ജി​ല്ല​യി​ൽ നി​ല​വി​ൽ മ​ഞ്ചേ​രി, തി​രൂ​ർ സ​ർ​ക്കാ​ർ ആ​ശു​പ​ത്രി​ക​ളി​ൽ മാ​ത്ര​മേ ഇ​തി​നു​ള്ള സം​വി​ധാ​ന​മു​ള്ളൂ. ഐ.​ക്യു അ​സ​സ്മെൻറ് ന​ട​ത്തി സ​ർ​ട്ടി​ഫി​ക്ക​റ്റു​ക​ൾ ന​ൽ​കേ​ണ്ട​ത് ഈ ​ആ​ശു​പ​ത്രി​ക​ളി​ലെ ക്ലി​നി​ക്ക​ൽ സൈ​ക്കോ​ള​ജി​സ്റ്റു​ക​ളാ​ണ്. ജി​ല്ല​യി​ലെ ഏ​തു താ​ലൂ​ക്കി​ലു​ള്ള​വ​ർ​ക്കും ഇ​വി​ടെ നി​ന്നാ​ണ് ഐ.​ക്യു അ​സ​സ്മെൻറ് ന​ട​ത്തി​യ സ​ർ​ട്ടി​ഫി​ക്ക​റ്റ് ല​ഭി​ക്കേ​ണ്ട​ത്. എ​ന്നാ​ൽ, ഇ​വി​ട​ങ്ങ​ളി​ൽ അ​പേ​ക്ഷ ന​ൽ​കി​യാ​ൽ ഒ​രു വ​ർ​ഷം വ​രെ കാ​ത്തി​രി​ക്കേ​ണ്ട അ​വ​സ്ഥ​യാ​ണ്.

മ​ഞ്ചേ​രി മെ​ഡി​ക്ക​ൽ കോ​ള​ജി​ൽ ഐ.​ക്യു അ​സ​സ്മെൻറി​നാ​യി ഒ​രു വ​ർ​ഷം മു​മ്പ് വ​രെ ന​ൽ​കി​യ അ​പേ​ക്ഷ​ക​ൾ ന​ട​പ​ടി സ്വീ​ക​രി​ക്കാ​ത്ത​തി​നാ​ൽ ഇ​പ്പോ​ഴും കെ​ട്ടി​ക്കി​ട​ക്കു​ക​യാ​ണ്. ഡി​സ​ബി​ലി​റ്റി സ​ർ​ട്ടി​ഫി​ക്ക​റ്റ്, യു.​സി.​ഐ.​ഡി കാ​ർ​ഡ് അ​പേ​ക്ഷ​ക​ൾ വേ​ഗ​ത്തി​ൽ തീ​ർ​പ്പാ​ക്ക​ണ​മെ​ന്ന് പ​രി​വാ​ർ ജി​ല്ല ക​മ്മി​റ്റി ആ​വ​ശ്യ​പ്പെ​ട്ടു.