47 വർഷങ്ങൾക്ക് ശേഷം അവർ, വീണ്ടും ഒത്തുചേർന്നു

മലപ്പുറം: വെളിയംകോട് ഗവ. ഹൈസ്കൂളിലെ 1976-77 10th ബാച്ചിലെ പൂർവ്വ വിദ്യാർഥികളുടെ സംഗമം "ഒരുവട്ടം കൂടി " വിവിധ പരിപാടികളോടെ ആഘോഷിച്ചു. ഹൈസ്കൂൾ പ്രധാന അധ്യാപിക രാധിക ടീച്ചറിന്റെ അധ്യക്ഷൻ ചേർന്ന യോഗത്തിൽ സ്കൂളിലെ പൂർവകാല ഗുരുനാഥനായ അബ്ദുല്ലകുട്ടി മാസ്റ്ററെ പൊന്നാടയണിയിച്ച് ആദരിച്ചു.

ആ ബാച്ചിലെ വിദ്യാർഥികളായിരുന്ന സഫിയ സ്വാഗതവും ഗഫൂർ നന്ദിയും രേഖപ്പെടുത്തി. ജയപ്രകാശ്, ശരീഫ്, ഷംസുദ്ദീൻ, അശോകൻ തുടങ്ങിയവരുടെ നേതൃത്വത്തിൽ വിവിധ കലാപരിപാടികളും ചർച്ചകളും അരങ്ങേറി.