പു​ഷ്പ​ന​ഗ​ര​മാ​കാ​നൊ​രു​ങ്ങി മ​ണ്ണാ​ർ​ക്കാ​ട്

മ​ണ്ണാ​ര്‍ക്കാ​ട്: ന​ഗ​ര​സൗ​ന്ദ​ര്യ​വ​ത്ക​ര​ണ പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യി ന​ട​പ്പാ​ത​ക​ളു​ടെ കൈ​വ​രി​ക​ള്‍ക്ക് മു​ക​ളി​ലും ന​ഗ​ര​സ​ഭ ചെ​ടി​ച്ച​ട്ടി​ക​ള്‍ സ്ഥാ​പി​ക്കു​ന്നു. നെ​ല്ലി​പ്പു​ഴ മു​ത​ല്‍ എം.​ഇ.​എ​സ് ക​ല്ല​ടി കോ​ള​ജ് വ​രെ​യു​ള്ള ദൂ​ര​ത്തി​ല്‍ ര​ണ്ട് ഘ​ട്ട​ങ്ങ​ളി​ലാ​യി ആ​കെ 1600 ചെ​ടി​ച്ച​ട്ടി​ക​ളാ​ണ് വെ​ക്കു​ന്ന​ത്. നെ​ല്ലി​പ്പു​ഴ മു​ത​ല്‍ ജി.​എം.​യു.​പി സ്‌​കൂ​ള്‍ പ​രി​സ​രം വ​രെ ആ​ദ്യ​ഘ​ട്ട​ത്തി​ല്‍ 636 ച​ട്ടി​ക​ളാ​ണ് സ്ഥാ​പി​ക്കു​ന്ന​ത്. ഇ​തി​ല്‍ 536 എ​ണ്ണം സ്ഥാ​പി​ച്ചു. ജി.​എം.​യു.​പി സ്‌​കൂ​ളി​ന്റെ ഭാ​ഗ​ത്താ​യി ഇ​നി 100 ച​ട്ടി​ക​ളും സ്ഥാ​പി​ക്കും.

3,82,000 രൂ​പ​യാ​ണ് ഇ​തി​നാ​യി ന​ഗ​ര​സ​ഭ ചെ​ല​വ​ഴി​ക്കു​ന്ന​ത്. മ​ണ്ണാ​ര്‍ക്കാ​ട് സ്വ​ദേ​ശി​യാ​യ പ്രേം​രാ​ജ് ആ​ണ് ക​രാ​റെ​ടു​ത്ത​ത്. 10 ദി​വ​സം മു​മ്പാ​ണ് പ്ര​വൃ​ത്തി​ക​ള്‍ ആ​രം​ഭി​ച്ച​ത്. ആ​ധു​നി​ക രീ​തി​യി​ലു​ള്ള ഹൈ​ഡെ​ന്‍സി​റ്റി പോ​ളി എ​ത്ത​ലി​ന്‍ ച​ട്ടി​ക​ളി​ലാ​ണ് ചെ​ടി​ക​ള്‍ വെ​ക്കു​ന്ന​ത്.

കൈ​വ​രി​ക​ള്‍ക്ക് മു​ക​ളി​ല്‍ പ്ര​ത്യേ​കം സ്റ്റാ​ന്‍ഡ് വെ​ല്‍ഡ് ചെ​യ്ത് ഘ​ടി​പ്പി​ച്ച​ശേ​ഷ​മാ​ണ് ച​ട്ടി​ക​ള്‍ ഉ​റ​പ്പി​ച്ച് നി​ര്‍ത്തു​ന്ന​ത്. പ​ത്തു​മ​ണി ചെ​ടി, നാ​ട​ന്‍ തെ​ച്ചി, മ​റ്റ് അ​ല​ങ്കാ​ര ചെ​ടി​ക​ളാ​ണ് ഇ​വ​യി​ല്‍ ന​ട്ടു​വ​ള​ര്‍ത്തു​ന്ന​ത്. ന​ഗ​ര​സ​ഭ​യു​ടെ തൊ​ഴി​ലാ​ളി​ക​ള്‍ രാ​വി​ലെ വെ​ള്ളം ന​ന​ച്ചു​വ​രു​ന്നു​ണ്ട്. ദേ​ശീ​യ​പാ​ത വി​ക​സ​നം പൂ​ര്‍ത്തി​യാ​യ​തോ​ടെ പു​തി​യ മു​ഖ​ച്ഛാ​യ കൈ​വ​ന്ന ന​ഗ​ര​ത്തി​ന് കൂ​ടു​ത​ല്‍ സൗ​ന്ദ​ര്യ​മേ​കാ​ന്‍ ന​ഗ​ര​സ​ഭ​യു​ടെ നേ​തൃ​ത്വ​ത്തി​ല്‍ വി​വി​ധ പ​ദ്ധ​തി​ക​ള്‍ ന​ട​പ്പാ​ക്കു​ന്നു​ണ്ട്.

ജ​ന​സു​ര​ക്ഷ​ക്കൊ​പ്പം മാ​ലി​ന്യം ത​ള്ളു​ന്ന​ത് ക​ണ്ടെ​ത്താ​നു​മാ​യി ന​ഗ​ര​ത്തി​ലു​ട​നീ​ളം ദേ​ശീ​യ​പാ​ത​യു​ടെ ഇ​രു​വ​ശ​ത്തു​മാ​യു​ള്ള തൂ​ണു​ക​ളി​ല്‍ ന​ഗ​ര​സ​ഭ 46 കാ​മ​റ​ക​ള്‍ സ്ഥാ​പി​ച്ച​ത് ഈ​യി​ട​യൊ​ണ്. ര​ണ്ടു​വ​ര്‍ഷം മു​മ്പ് ന​ഗ​ര​സ​ഭ​യും വ്യാ​പാ​രി​ക​ളും ചേ​ര്‍ന്ന് കൈ​വ​രി​ക​ളി​ല്‍ ചെ​ടി​ച്ച​ട്ടി​ക​ളും സ്ഥാ​പി​ച്ചി​രു​ന്നു. ഇ​തി​ന് പു​റ​മെ​യാ​ണ് പു​തി​യ ചെ​ടി​ച്ച​ട്ടി​ക​ള്‍ ന​ഗ​ര​സ​ഭ സ്ഥാ​പി​ച്ച​ത്. ര​ണ്ടാം ഘ​ട്ട​ത്തി​നു​ള്ള ടെ​ന്‍ഡ​ര്‍ ന​ട​പ​ടി​ക​ള്‍ പു​രോ​ഗ​മി​ക്കു​ന്ന​താ​യും ഉ​ട​ന്‍ ത​ന്നെ ന​ട​പ്പാ​ക്കു​മെ​ന്നും ന​ഗ​ര​സ​ഭ അ​ധി​കൃ​ത​ർ പ​റ​ഞ്ഞു.