പകർച്ചപ്പനി ആശങ്കയിൽ ജില്ല; 20 ദി​വ​സ​ത്തി​നി​ടെ ആ​റു​മ​ര​ണം

പാ​ല​ക്കാ​ട്: ഏ​റി​യും കു​റ​ഞ്ഞും പെ​യ്തു​കൊ​ണ്ടി​രി​ക്കു​ന്ന മ​ഴ​യി​ൽ പ​ക​ർ​ച്ച​പ്പ​നി​ക​ൾ ആ​ശ​ങ്ക വ​ർ​ധി​പ്പി​ക്കു​ന്നു. ക​ഴി​ഞ്ഞ 20 ദി​വ​സ​ത്തി​നി​ടെ ഡെ​ങ്കി​പ്പ​നി​യും എ​ലി​പ്പ​നി​യും ബാ​ധി​ച്ച് ആ​റു​പേ​രാ​ണ് ജി​ല്ല​യി​ൽ മ​രി​ച്ച​ത്. വൈ​റ​ൽ പ​നി, ഡെ​ങ്കി​പ്പ​നി, എ​ലി​പ്പ​നി, ചി​ക്കു​ൻ​ഗു​നി​യ തു​ട​ങ്ങി​യ പ​ക​ർ​ച്ച​വ്യാ​ധി​ക​ളെ​ല്ലാം എ​ളു​പ്പ​ത്തി​ൽ പ​ട​ർ​ന്നു​കൊ​ണ്ടി​രി​ക്കു​ക​യാ​ണ്.

ജി​ല്ല​യി​ൽ പൊ​തു​വേ എ​ലി​പ്പ​നി കേ​സു​ക​ൾ കു​റ​വാ​ണെ​ങ്കി​ലും ഡെ​ങ്കി​പ്പ​നി​യേ​ക്കാ​ൾ മ​ര​ണ​നി​ര​ക്ക് കൂ​ടു​ത​ലാ​ണെ​ന്ന​ത് ആ​ശ​ങ്ക ഉ​യ​ർ​ത്തു​ന്നു. 16ന് ​വ​ട​ക്ക​ന്ത​റ​യി​ല്‍ 52കാ​ര​നും 14ന് ​കി​ഴ​ക്ക​ഞ്ചേ​രി എ​ല​വ​മ്പാ​ട​ത്ത് 60 കാ​രി​യും ഒ​മ്പ​തി​ന് ഷൊ​ര്‍ണൂ​ര്‍ നെ​ടു​ങ്ങോ​ട്ടൂ​രി​ല്‍ 59കാ​ര​നു​മാ​ണ് എ​ലി​പ്പ​നി ബാ​ധി​ച്ച് മ​രി​ച്ച​ത്. നി​ല​വി​ൽ 22 പേ​ർ എ​ലി​പ്പ​നി ബാ​ധി​ച്ച് ചി​കി​ത്സ​യി​ലു​ണ്ട്. 16 കേ​സു​ക​ൾ രോ​ഗ​ല​ക്ഷ​ണ​ങ്ങ​ളോ​ടെ​യും റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ണ്ട്.

അ​ടു​ത്ത​കാ​ല​ത്താ​യി കേ​ര​ള​ത്തി​ല്‍ ഏ​റ്റ​വും കൂ​ടു​ത​ല്‍ പേ​ര്‍ മ​ര​ണ​പ്പെ​ടു​ന്ന​ത് എ​ലി​പ്പ​നി കേ​സു​ക​ളി​ലാ​ണ്. മു​ത​ല​മ​ട, വ​ട​ക​ര​പ്പ​തി, ഷോ​ള​യൂ​ര്‍, പാ​ല​ക്കാ​ട്, പ​റ​ളി, മ​ണ്ണാ​ര്‍ക്കാ​ട്, ഷൊ​ര്‍ണൂ​ര്‍, കി​ഴ​ക്ക​ഞ്ചേ​രി, എ​രി​മ​യൂ​ര്‍, ല​ക്കി​ടി പേ​രൂ​ര്‍, വ​ട​വ​ന്നൂ​ര്‍, ശ്രീ​കൃ​ഷ്ണ​പു​രം, ചാ​ലി​ശ്ശേ​രി എ​ന്നി​വി​ട​ങ്ങ​ളി​ലാ​ണ് എ​ലി​പ്പ​നി കേ​സു​ക​ള്‍ റി​പ്പോ​ര്‍ട്ട് ചെ​യ്ത​ത്.

ക​ഴി​ഞ്ഞ10​ന് ചാ​ലി​ശ്ശേ​രി ത​ണ്ണീ​ര്‍ക്കോ​ട് 50കാ​ര​നും അ​ഞ്ചി​ന് ചാ​ലി​ശ്ശേ​രി​യി​ല്‍ 43കാ​രി​യും മൂ​ന്നി​ന് കോ​ട്ടോ​പ്പാ​ട​ത്ത് 35 കാ​രി​യു​മാ​ണ് ഡെ​ങ്കി​പ്പ​നി ബാ​ധി​ച്ച് മ​രി​ച്ച​ത്. 20 ദി​വ​സ​ത്തി​നി​ടെ 11,968 പേ​ര്‍ പ​നി​ബാ​ധി​ച്ച് ജി​ല്ല​യി​ലെ വി​വി​ധ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​താ​യാ​ണ് ആ​രോ​ഗ്യ​വ​കു​പ്പി​ന്‍റെ ക​ണ​ക്ക്. ര​ണ്ട് മ​ല​മ്പ​നി കേ​സു​ക​ളും ഇ​തി​ല്‍ ഉ​ള്‍പ്പെ​ടും. രോ​ഗ​ല​ക്ഷ​ണ​ങ്ങ​ളോ​ടെ ചി​കി​ത്സ തേ​ടി​യ 533 പേ​രി​ൽ 144 പേ​ർ​ക്കും ഡെ​ങ്കി​പ്പ​നി സ്ഥി​രീ​ക​രി​ച്ചി​ട്ടു​ണ്ട്.

18ന് ​മാ​ത്രം മു​തു​ത​ല​യി​ൽ ആ​റ് കേ​സും ഓ​ങ്ങ​ല്ലൂ​രി​ല്‍ 12 കേ​സും പ​ട്ടാ​മ്പി​യി​ല്‍ ആ​റും കേ​സും സ്ഥി​രീ​ക​രി​ച്ചി​രു​ന്നു. 15ന് ​ഓ​ങ്ങ​ല്ലൂ​രി​ല്‍ 15 കേ​സും റി​പ്പോ​ര്‍ട്ട് ചെ​യ്തി​ട്ടു​ണ്ട്. ചാ​ലി​ശ്ശേ​രി​യും ഓ​ങ്ങ​ല്ലൂ​രും പ​ട്ടാ​മ്പി​യും ഡെ​ങ്കി ഹോ​ട്ട്‌​സ്‌​പോ​ട്ടു​ക​ളാ​യി മാ​റി​യി​ട്ടു​ണ്ട്. ജി​ല്ല​യി​ലെ മ​റ്റി​ട​ങ്ങ​ളി​ലും കേ​സു​ക​ള്‍ റി​പ്പോ​ര്‍ട്ട് ചെ​യ്തി​ട്ടു​ണ്ട്. ഇ​വി​ടെ ഫോ​ഗി​ങ്, കു​ത്താ​ടി ന​ശീ​ക​ര​ണം, ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​വു​മാ​യി ചേ​ര്‍ന്നു​ള്ള ബോ​ധ​വ​ത്ക​ര​ണം, ഡ്രൈ ​ആ​ച​ര​ണം എ​ന്നി​വ ന​ട​ക്കു​ന്നു​ണ്ട്. അ​തേ​സ​മ​യം, നീ​ണ്ട ഇ​ട​വേ​ള​ക്കു​ശേ​ഷം ജി​ല്ല​യി​ല്‍ ചി​ക്കു​ന്‍ഗു​നി​യ കേ​സു​ക​ളും റി​പ്പോ​ര്‍ട്ട് ചെ​യ്തു.

ഷോ​ള​യൂ​രി​ലാ​ണ് നാ​ല് കേ​സു​ക​ള്‍ റി​പ്പോ​ര്‍ട്ട് ചെ​യ്ത​ത്. ഡെ​ങ്കി പ​ര​ത്തു​ന്ന ഈ​ഡി​സ് കൊ​തു​കു​ക​ള്‍ ത​ന്നെ​യാ​ണ് ഈ ​വൈ​റ​ല്‍പ​നി​യും പ​ട​ര്‍ത്തു​ന്ന​ത്. കേ​ര​ള​ത്തി​ല്‍ കേ​സു​ക​ള്‍ കു​റ​വാ​ണെ​ങ്കി​ലും ത​മി​ഴ്‌​നാ​ട്ടി​ല്‍ കൂ​ടു​ത​ലാ​യി റി​പ്പോ​ര്‍ട്ട് ചെ​യ്യ​പ്പെ​ടു​ന്നു​ണ്ടെ​ന്നാ​ണ് വി​വ​രം. അ​തി​നാ​ലാ​ണ് അ​തി​ര്‍ത്തി പ്ര​ദേ​ശ​മാ​യ ഷോ​ള​യൂ​രി​ല്‍ കേ​സു​ക​ള്‍ റി​പ്പോ​ര്‍ട്ട് ചെ​യ്യ​പ്പെ​ടാ​ന്‍ കാ​ര​ണ​മെ​ന്നാ​ണ് സം​ശ​യം.