നൂറ്റാണ്ടിന്‍റെ ചരിത്രം പറഞ്ഞ്​ വീനസിലെ അമേരിക്കൻ അച്ചടി യന്ത്രം

കോ​ന്നി: 105 വ​ർ​ഷ​ത്തെ അ​ച്ച​ടി​യു​ടെ ച​രി​ത്രം പ​റ​യു​ന്ന യ​ന്ത്രം ഇ​ന്നും കോ​ന്നി വീ​ന​സ്​ പ്ര​സി​ലൂ​ണ്ട്. 1920ൽ ​പു​സ്ത​കാ​ല​യ​മാ​യി തു​ട​ങ്ങി മ​ല​യാ​ള​ത്തി​ലെ ആ​ദ്യ​പു​സ്ത​ക പ്ര​സാ​ധ​ന സ്ഥാ​പ​ന​മാ​യി മാ​റി​യ കോ​ന്നി വീ​ന​സ് ബു​ക്സ് ച​രി​ത്ര​ത്തി​ന്‍റെ ഭാ​ഗ​മാ​യെ​ങ്കി​ലും ഒ​രു നൂ​റ്റാ​ണ്ട്​ മു​മ്പ്​ അ​മേ​രി​ക്ക​യി​ൽ​നി​ന്ന്​ ഇ​റ​ക്കു​മ​തി ചെ​യ്ത് വീ​ന​ക്സി​ന്‍റെ പെ​രു​മ നാ​ടി​നെ അ​റി​യി​ച്ച അ​ച്ച​ടി​യ​ന്ത്രം ഇ​ന്ന് കൗ​തു​ക​മാ​കു​ക​യാ​ണ്. അ​ക്കാ​ല​ത്ത് ഏ​ഴേ​ക്ക​ർ സ്ഥ​ലം വി​റ്റു​കി​ട്ടി​യ പ​ണം ഉ​പ​യോ​ഗി​ച്ചാ​ണ്​ മെ​ഷീ​ൻ ഇ​റ​ക്കു​മ​തി ചെ​യ്ത​ത്. അ​ന്ന് ക്രെ​യി​ൻ ഉ​പ​യോ​ഗി​ച്ച് മെ​ഷീ​ൻ ഇ​റ​ക്കു​ന്ന​ത് കാ​ണാ​ൻ ധാ​രാ​ളം ആ​ളു​ക​ൾ കൂ​ടി​യി​രു​ന്നു. ച​രി​ത്ര​ത്തി​ന്‍റെ ഭാ​ഗ​മാ​യ അ​ച്ച​ടി​യ​ന്ത്രം ഇ​ന്ന് അ​ടൂ​രി​ലെ ശി​ല മ്യൂ​സി​യ​ത്തി​ലു​ണ്ട്.

മ​ല​യാ​ള പ്ര​സാ​ധ​ക​രം​ഗ​ത്തെ മു​ത്ത​ശ്ശി​യാ​യ വീ​ന​സ് ബു​ക്സ് കോ​ന്നി​യി​ലെ ആ​ദ്യ​കാ​ല എ​ൻ​ജി​നീ​യ​റി​ങ്​ ബി​രു​ദ​ധാ​രി​യാ​യ ഇ.​കെ.​ശേ​ഖ​റും അ​ടു​ത്തി​ടെ അ​ന്ത​രി​ച്ച സ​ഹ​ധ​ർ​മ്മി​ണി സു​ശീ​ല ശേ​ഖ​റും ചേ​ർ​ന്നാ​ണ് സ്ഥാ​പി​ച്ച​ത്. മ​ല​യാ​ള​ത്തി​ലെ ആ​ദ്യ​കാ​ല എ​ഴു​ത്തു​കാ​രൊ​ക്കെ​യും ത​ങ്ങ​ളു​ടെ സൃ​ഷ്ടി​ക​ൾ പു​സ്ത​ക​മാ​ക്കി​യ​ത്​ വീ​ന​സ് ബു​ക്സി​ലൂ​ടെ​യാ​യി​രു​ന്നു. ത​ക​ഴി, ഇ.​കെ.​നാ​യ​നാ​ർ, ഗു​രു നി​ത്യ ചൈ​ത​ന്യ​യ​തി, എം.​പി.​ചെ​ല്ല​പ്പ​ൻ നാ​യ​ർ, പ​മ്മ​ൻ, പെ​രു​മ്പ​ട​വം ശ്രീ​ധ​ര​ൻ, എം.​മു​കു​ന്ദ​ൻ, സി.​പി.​നാ​യ​ർ, വേ​ളൂ​ർ കൃ​ഷ്ണ​ൻ​കു​ട്ടി, വി.​കെ.​മാ​ധ​വ​ൻ​കു​ട്ടി, ജ​ഗ​തി എ​ൻ.​കെ.​ആ​ചാ​രി, കോ​ന്നി​യൂ​ർ മീ​നാ​ക്ഷി​അ​മ്മ എ​ന്നി​വ​രു​ടെ കൃ​തി​ക​ൾ പു​സ്ത​ക​രൂ​പ​ത്തി​ൽ പ്ര​കാ​ശി​ത​മാ​യ​ത് ഈ ​അ​ച്ച​ടി മെ​ഷീ​നി​ലൂ​ടെ​യാ​ണ്.

പി.​എ​ൻ.​പ​ണി​ക്ക​രു​ടെ ഗ്ര​ന്ഥ​ശാ​ല പ്ര​സ്ഥാ​ന​ത്തി​നും ആ​ദ്യ​കാ​ല ഗ്ര​ന്ഥ​ശാ​ല​ക​ൾ​ക്കും ക​രു​ത്ത് പ​ക​ർ​ന്ന​ത് ഈ ​പു​സ്ത​ക പ്ര​സാ​ധ​ന സ്ഥാ​പ​ന​മാ​യി​രു​ന്നു. ഇ​വി​ടെ നി​ന്ന് പ്ര​ചോ​ദ​നം ഉ​ൾ​ക്കൊ​ണ്ടാ​ണ് ഡി.​സി കി​ഴ​ക്കേ​മു​റി ഡി.​സി ബു​ക്സ് ആ​രം​ഭി​ച്ച​ത്. വീ​ന​സ്​ പ്ര​സി​ദ്ധീ​ക​രി​ച്ച 10 നോ​വ​ലു​ക​ൾ പി​ൽ​ക്കാ​ല​ത്ത് സി​നി​മ​യാ​യി. ഗു​രു നി​ത്യ​ചൈ​ത​ന്യ​തി സ​ന്യാ​സം സ്വീ​ക​രി​ക്കും മു​മ്പ് ജ​യ​ച​ന്ദ്ര​പ​ണി​ക്ക​ർ എ​ന്ന പേ​രി​ൽ എ​ഴു​തി​യി​രു​ന്ന കൃ​തി​ക​ൾ ഇ​വി​ടെ​യാ​ണ് പ്രി​ന്റ് ചെ​യ്തി​രു​ന്ന​ത്. ഇ.​കെ.​ശേ​ഖ​റി​ന്‍റെ കൊ​ച്ചു​മ​ക​ളും സ്പീ​ഡ് കാ​ർ​ട്ടൂ​ണി​സ്റ്റ് ഡോ.​ജി​തേ​ഷ്‌​ജി​യു​ടെ ഭാ​ര്യ​യു​മാ​യ ഉ​ണ്ണി​മാ​യ​യു​ടെ ഉ​ട​മ​സ്ഥ​ത​യി​ലാ​ണ് ഇ​പ്പോ​ൾ വീ​ന​സ് ബു​ക്സ്.