രണ്ടു നൂറ്റാണ്ടിൻറെ ഓർമകളുറങ്ങുന്ന പ​ണോ​പ​കാ​രി നാ​രാ​യ​ണ​ന്‍റെ നാരായണപുരം ചന്ത

കോ​ന്നി: മ​ല​യോ​ര​ത്തി​ന്‍റെ പ്ര​ധാ​ന വാ​ണി​ജ്യ കേ​ന്ദ്ര​മാ​യ കോ​ന്നി നാ​രാ​യ​ണ​പു​രം ച​ന്ത​ക്ക് ര​ണ്ട് നൂ​റ്റാ​ണ്ടി​ന്​ മു​മ്പ്​ ഉ​റ​പ്പി​ച്ച ഒ​രു ക​രാ​റി​ന്‍റെ ക​ഥ​യും അ​തി​ന് ഇ​ട​യാ​ക്കി​യ ഒ​രു മ​നു​ഷ്യ​ന്‍റെ ക​ഥ​യും പ​റ​യാ​നു​ണ്ട്. പ​ണോ​പ​കാ​രി നാ​രാ​യ​ണ​ന്‍റെ പ​ണോ​പ​കാ​ര​മാ​യാ​ണ് കോ​ന്നി നാ​രാ​യ​ണ​പു​രം ച​ന്ത പി​റ​വി​യെ​ടു​ത്ത്. പ​ണോ​പ​കാ​രി നാ​രാ​യ​ണ​നെ​ന്ന് അ​റി​യ​പ്പെ​ടു​ന്ന അ​വി​വാ​ഹി​ത​നാ​യ കോ​ന്നി മു​ഞ്ഞി​നാ​ട്ട് നാ​രാ​യ​ണ​ൻ ത​ന്‍റെ പേ​രി​ലു​ള്ള ഒ​രേ​ക്ക​ർ ഇ​രു​പ​ത്തി​നാ​ല് സെ​ന്റ് സ്ഥ​ലം പ​രോ​പ​കാ​രം ല​ക്ഷ്യ​മാ​ക്കി ചെ​മ്പ് പ​ട്ട​യ​ത്തി​ൽ എ​ഴു​തി ന​ൽ​കി​യ സ്ഥ​ല​ത്താ​ണ് നാ​രാ​യ​ണ​പു​രം ച​ന്ത പി​റ​വി​യെ​ടു​ത്ത​ത്. റോ​ഡ് വ​ശ​ങ്ങ​ളി​ൽ ഗ​താ​ഗ​ത ത​ട​സ്സം സൃ​ഷ്ടി​ച്ചി​രു​ന്ന വ​ഴി​യോ​ര​ക്ക​ച്ച​വ​ടം നാ​രാ​യ​ണ​പു​രം ച​ന്ത​യി​ൽ ഒ​ന്നി​ച്ച​പ്പോ​ൾ അ​തി​ന് ഒ​രു ഏ​കീ​കൃ​ത സ്വ​ഭാ​വ​മു​ണ്ടാ​യി.

നാ​രാ​യ​ണ​ന്‍റെ ച​ന്ത​യെ​ന്ന് അ​റി​യ​പ്പെ​ട്ടി​രു​ന്ന ച​ന്ത പി​ന്നീ​ട് നാ​രാ​യ​ണ​പു​രം ച​ന്ത​യാ​യി മാ​റു​ക​യാ​യി​രു​ന്നു. രാ​ജഭ​ര​ണ​കാ​ല​ത്ത് സ​ർ​ക്കാ​റി​ലേ​ക്ക് എ​ഴു​തി ന​ൽ​കി​യ ഭൂ​മി എ​ന്നെ​ങ്കി​ലും ച​ന്ത​യു​ടെ ആ​വ​ശ്യ​ത്തി​ന് അ​ല്ലാ​തെ ഉ​പ​യോ​ഗി​ച്ചാ​ൽ ഭൂ​മി തി​രി​കെ​യെ​ടു​ക്കാ​നു​ള്ള അ​വ​കാ​ശ​വും നാ​രാ​യ​ണ​ന്‍റെ പി​ന്മു​റ​ക്കാ​ർ​ക്ക് ന​ൽ​കി​യാ​ണ് ഭൂ​മി​യു​ടെ ക​രാ​ർ വ്യ​വ​സ്ഥ ചെ​യ്ത​ത്. പി​ന്നീ​ട് നാ​രാ​യ​ണ​പു​രം ച​ന്ത പ്ര​ധാ​ന നാ​ട്ടു​ച​ന്ത​യാ​യി വ​ള​രു​ക​യും മ​ധ്യ​തി​രു​വി​താം​കൂ​റി​ലെ പ്ര​ധാ​ന വാ​ണി​ജ്യ കേ​ന്ദ്ര​മാ​യി മാ​റു​ക​യും ചെ​യ്‌​തു.

ജി​ല്ല​യി​ലെ പ്രാ​ധാ​ന വാ​ഴ​ക്കു​ല ച​ന്ത​യാ​യി​രു​ന്നു ഇ​വി​ടം. വാ​ഴ​ക്കു​ല വാ​ങ്ങു​ന്ന​തി​നും വി​ൽ​ക്കു​ന്ന​തി​നും സ​മീ​പ ജി​ല്ല​ക​ളി​ൽ​നി​ന്ന് പോ​ലും ആ​ളു​ക​ൾ എ​ത്തി​യി​രു​ന്നു. വാ​ഴ​ക്കു​ല, കു​രു​മു​ള​ക്, നാ​ളി​കേ​രം, അ​ട​ക്ക, ക​ശു​വ​ണ്ടി, ചു​ക്ക്, മ​ഞ്ഞ​ൾ, കൊ​ട്ട, മു​റം, പ​ര​മ്പ്, മ​ൺ​പ​ത്ര​ങ്ങ​ൾ എ​ന്നി​വ​ക്ക് ച​ന്ത​യി​ൽ ആ​വ​ശ്യ​ക്കാ​ർ ഏ​റെ​യാ​യി​രു​ന്നു. ശ​നി, ബു​ധ​ൻ ദി​വ​സ​ങ്ങ​ളി​ൽ ആ​യി​രു​ന്നു പ്ര​ധാ​ന ച​ന്ത. കാ​ള​വ​ണ്ടി​ക​ളി​ലും ത​ല​ച്ചു​മ​ടാ​യും ആ​ളു​ക​ൾ സാ​ധ​ന​ങ്ങ​ൾ എ​ത്തി​ച്ചി​രു​ന്നു. എ​ന്നാ​ൽ, കാ​ല​ങ്ങ​ൾ ക​ഴി​ഞ്ഞ​തോ​ടെ കോ​ന്നി​യു​ടെ മു​ഖം മാ​റു​ക​യും പു​തി​യ ഷോ​പ്പി​ങ് കോം​പ്ല​ക്സു​ക​ൾ വ​രു​ക​യും ചെ​യ്ത​തോ​ടെ കോ​ന്നി​യു​ടെ മു​ഖം മാ​റു​ക​യും നാ​രാ​യ​ണ​പു​രം ച​ന്ത​ക്ക്​ പ്ര​താ​പം ന​ഷ്ട​മാ​കു​ക​യും ചെ​യ്തു. എ​ന്നാ​ൽ, പ​ഴ​മ​യു​ടെ പ്രൗ​ഢി​യി​ൽ എ​ന്നും ത​ല​യെ​ടു​പ്പോ​ടെ നി​ൽ​ക്കു​ക​യാ​ണ് ഇ​ന്നും കോ​ന്നി നാ​രാ​യ​ണ​പു​രം ച​ന്ത.