നാശത്തിലേക്ക് പെരിങ്ങര തോട്; തോ​ട്ടി​ലെ നീ​രൊ​ഴു​ക്ക് നി​ല​ച്ച അ​വ​സ്ഥ

തി​രു​വ​ല്ല: പോ​ള​യും പാ​യ​ലും നി​റ​ഞ്ഞ് എ​ക്ക​ൽ അ​ടി​ഞ്ഞു​കൂ​ടി നീ​രൊ​ഴു​ക്ക് നി​ല​ച്ച് നാ​ശ​ത്തി​ന്‍റെ പാ​ത​യി​ലേ​ക്ക് പെ​രി​ങ്ങ​ര തോ​ട്. മ​ണി​മ​ല​യാ​റി​ന്റെ കൈ​വ​ഴി​യാ​യി മ​ണി​പ്പു​ഴ​യി​ൽ നി​ന്നാ​രം​ഭി​ച്ച് ചാ​ത്ത​ങ്ക​രി ആ​റ്റി​ലേ​ക്ക് ഒ​ഴു​കി​യെ​ത്തു​ന്ന തോ​ടി​നാ​ണ് ഈ ​ദു​ർ​ഗ​തി. വെ​ള്ള​പ്പൊ​ക്ക​ങ്ങ​ളി​ൽ ഒ​ഴു​കി​യെ​ത്തു​ന്ന മ​ണ്ണ് അ​ടി​ഞ്ഞു​കൂ​ടി​യ​തോ​ടെ തോ​ടി​ന്‍റെ ആ​ഴം കു​റ​ഞ്ഞി​രു​ന്നു.

പി​ന്നാ​ലെ പോ​ള​യും പാ​യ​ലും ക​യ​റി തോ​ട് മൂ​ടി. വ​ശ​ങ്ങ​ളി​ൽ നി​ന്നും തോ​ട്ടി​ലേ​ക്ക് വീ​ണു​കി​ട​ക്കു​ന്ന മു​ള​ങ്കൂ​ട്ട​വും മ​ര​ങ്ങ​ളും നീ​രൊ​ഴു​ക്കി​ന് ത​ട​സ്സ​മാ​യി. ഇ​തോ​ടെ മ​ഴ മാ​റും മു​മ്പേ തോ​ട്ടി​ലെ നീ​രൊ​ഴു​ക്ക് നി​ല​ച്ച അ​വ​സ്ഥ​യാ​യി. ഒ​ഴു​ക്ക് നി​ല​ച്ചു​കി​ട​ക്കു​ന്ന വെ​ള്ളം ക​റു​ത്തി​രു​ണ്ട നി​ല​യി​ലാ​ണ്. പ്ര​ദേ​ശ​ത്തെ കി​ണ​റു​ക​ളി​ലെ ജ​ല​നി​ര​പ്പ് താ​ഴാ​നും വെ​ള്ളം മ​ലി​ന​മാ​വാ​നും ഇ​ത് കാ​ര​ണ​മാ​കു​ന്നു​ണ്ട്.

കെ​ട്ടി​നി​ൽ​ക്കു​ന്ന വെ​ള്ള​ത്തി​ൽ കൂ​ത്താ​ടി​ക​ൾ പെ​രു​കു​ന്ന​ത് ത​ദ്ദേ​ശ​വാ​സി​ക​ൾ​ക്ക് കൊ​തു​ക്ശ​ല്യ​ത്തി​നും ഇ​ട​യാ​ക്കു​ന്നു​ണ്ട്. തോ​ടി​ന്റെ ഇ​രു​ക​ര​ക​ളി​ലു​മാ​യി താ​മ​സി​ക്കു​ന്ന​വ​ർ ഏ​താ​ണ്ട് 15 വ​ർ​ഷം മു​മ്പ് വ​രെ ഗാ​ർ​ഹി​ക - കാ​ർ​ഷി​ക ആ​വ​ശ്യ​ങ്ങ​ൾ​ക്ക് ആ​ശ്ര​യി​ച്ചി​രു​ന്ന തോ​ടാ​ണ് ഇ​ത്. അ​ഞ്ചു​വ​ർ​ഷം മു​മ്പാ​ണ് അ​വ​സാ​ന​മാ​യി തോ​ട് തെ​ളി​ച്ച​ത്.

അ​പ്പ​ർ കു​ട്ട​നാ​ട​ൻ മേ​ഖ​ല​യി​ൽ ഉ​ൾ​പ്പെ​ട്ട പെ​രി​ങ്ങ​ര, ചാ​ത്ത​ൻ​കേ​രി പ്ര​ദേ​ശ​ങ്ങ​ളി​ലെ വ​രാ​ൽ പാ​ടം, മാ​ണി​ക്ക​ത്ത​ടി, കൂ​ര​ച്ചാ​ൽ, ചാ​ത്ത​ങ്ക​രി, മ​ന​കേ​രി തു​ട​ങ്ങി​യ പാ​ട​ശേ​ഖ​ര​ങ്ങ​ളി​ലെ നെ​ൽ​കൃ​ഷി​ക്ക് ആ​വ​ശ്യ​മാ​യ വെ​ള്ളം എ​ത്തി​ക്കു​ന്ന പ്ര​ധാ​ന ജ​ല​സ്രോ​ത​സ്സാ​ണ് ഇ​ത്. തോ​ട്ടി​ലെ നീ​രൊ​ഴു​ക്ക് നി​ല​യ്ക്കു​ന്ന​ത് നെ​ൽ​ക്ക​ർ​ഷ​ക​രെ​യാ​ണ് ഏ​റെ പ്ര​തി​സ​ന്ധി​യി​ലാ​ക്കു​ന്ന​ത്. സെ​പ്റ്റം​ബ​ർ - ഒ​ക്ടോ​ബ​ർ മാ​സ​ത്തോ​ടെ മേ​ഖ​ല​യി​ലെ പാ​ട​ങ്ങ​ളി​ൽ കൃ​ഷി ഒ​രു​ക്ക​ങ്ങ​ൾ ആ​രം​ഭി​ക്കും. തോ​ട്ടി​ലെ നീ​രൊ​ഴു​ക്ക് നി​ല​യ്ക്കു​ന്ന​തോ​ടെ പാ​ട​ശേ​ഖ​ര​ങ്ങ​ളോ​ടു ചേ​ർ​ന്ന വാ​ചാ​ല​ത്തോ​ടു​ക​ളും വ​റ്റും. ഇ​തോ​ടെ കൃ​ഷി ആ​വ​ശ്യ​ത്തി​നു​ള്ള വെ​ള്ളം വ​ൻ തു​ക ചെ​ല​വ​ഴി​ച്ച് മോ​ട്ടോ​ർ ഉ​പ​യോ​ഗി​ച്ച് പ​മ്പ് ചെ​യ്യേ​ണ്ട അ​വ​സ്ഥ​യി​ലാ​ണ് ക​ർ​ഷ​ക​ർ. വേ​ന​ൽ ആ​രം​ഭി​ക്കു​ന്ന​തോ​ടെ തോ​ട് പൂ​ർ​ണ്ണ​മാ​യും വ​റ്റി വ​ര​ളു​ന്ന സ്ഥി​തി​യാ​ണ്.