പെ​രു​ന്തു​രു​ത്തി-​ഏ​റ്റു​മാ​നൂ​ര്‍ ബൈ​പാ​സ്; ന​വീ​ക​ര​ണം ന​ട​ക്കാ​ത്ത​ത് തി​രു​വ​ല്ല ഭാ​ഗ​ത്ത് മാ​ത്രം

തി​രു​വ​ല്ല: ക​ഴി​ഞ്ഞ പ​ത്ത് വ​ര്‍ഷ​ത്തി​നി​ടെ തി​ര​ക്കു​ള്ള റോ​ഡി​ന്‍റെ ഗ​ണ​ത്തി​ലേ​ക്ക് ഉ​യ​ര്‍ന്ന പെ​രു​ന്തു​രു​ത്തി-​ഏ​റ്റു​മാ​നൂ​ര്‍ ബൈ​പാ​സ് റോ​ഡി​ല്‍ ന​വീ​ക​ര​ണം ന​ട​ക്കാ​ത്ത​ത് തി​രു​വ​ല്ല ഭാ​ഗ​ത്ത് മാ​ത്രം. പ​ത്ത​നം​തി​ട്ട ജി​ല്ല​യി​ല്‍പ്പെ​ടു​ന്ന 400 മീ​റ്റ​ര്‍ ഭാ​ഗ​ത്ത് മാ​ത്രം റോ​ഡ് സാ​ധാ​ര​ണ നി​ല​യി​ലാ​ണ്. ഇ​രു​വ​ശ​ത്തും മാ​ലി​ന്യം തി​ങ്ങി​യ നി​ല​യി​ലും. എം.​സി. റോ​ഡി​ല്‍ തി​രു​വ​ല്ല​യി​ലെ പെ​രു​ന്തു​രു​ത്തി​യി​ല്‍ നി​ന്നും വ​ട​ക്കോ​ട്ട് നീ​ളു​ന്ന റോ​ഡ് പു​തു​പ്പ​ള്ളി, മ​ണ​ര്‍കാ​ട് തു​ട​ങ്ങി​യ സ്ഥ​ല​ങ്ങ​ള്‍ വ​ഴി ഏ​റ്റൂ​മാ​നൂ​രി​ന് അ​പ്പു​റം എം.​സി. റോ​ഡി​ലെ പ​ട്ടി​ത്താ​നം റൗ​ണ്ടാ​ന​യി​ലാ​ണ് എ​ത്തി​ച്ചേ​രു​ന്ന​ത്. 36.3 കി​ലോ​മീ​റ്റ​റാ​ണ് ദൂ​രം. ച​ങ്ങ​നാ​ശ്ശേ​രി, കോ​ട്ട​യം, ഏ​റ്റു​മാ​നൂ​ര്‍ പ​ട്ട​ണ​ങ്ങ​ളെ ഒ​ഴി​വാ​ക്കി കൊ​ച്ചി​യി​ലേ​ക്കും മ​റ്റും പോ​കാ​നു​ള്ള ബൈ​പാ​സ് റോ​ഡ്.

കോ​ട്ട​യം ജി​ല്ല​യി​ലെ 35.9 കി​ലോ​മീ​റ്റ​ര്‍ ഭാ​ഗ​വും ബി.​എം.​ബി.​സി നി​ല​വാ​ര​ത്തി​ല്‍ 10 വ​ര്‍ഷം മു​മ്പ് ന​വീ​ക​രി​ച്ചു. ജി​ല്ല അ​തി​ര്‍ത്തി​യി​ലു​ള്ള ക​ല്ലു​ക​ട​വ് പാ​ലം മു​ത​ല്‍ പെ​രു​ന്തു​രു​ത്തി​വ​രെ ഒ​രു പ​ണി​യും ന​ട​ത്തി​യി​ല്ല. കാ​ല​പ്പ​ഴ​ക്ക​മു​ള്ള പാ​ല​ത്തി​ല്‍ ഇ​ട​യ്ക്കി​ടെ കാ​ടു​വെ​ട്ടി ചാ​യം പൂ​ശ​ല്‍മാ​ത്രം ന​ട​ക്കും. പാ​ലം വീ​തി​കൂ​ട്ടി​വേ​ണം 400 മീ​റ്റ​റി​ലെ ന​വീ​ക​ര​ണം പൂ​ര്‍ത്തീ​ക​രി​ക്കാ​ന്‍. പ​ണി തു​ട​ങ്ങി​യ കാ​ല​ത്തു​ണ്ടാ​യ ചി​ല കേ​സ്സു​ക​ള്‍ മൂ​ലം ന​വീ​ക​ര​ണം ത​ട​സ്സ​പ്പെ​ടു​ക​യാ​യി​രു​ന്നു​വെ​ന്ന് പൊ​തു​മ​രാ​മ​ത്ത് അ​ധി​കൃ​ത​ര്‍ പ​റ​യു​ന്നു. ഒ​രു ലോ​റി ക​യ​റി​യാ​ല്‍ മ​റ്റ് വാ​ഹ​ന​ങ്ങ​ള്‍ക്ക് ക​ട​ന്നു​പോ​കാ​നു​ള്ള വീ​തി ക​ല്ലു​ക​ട​വ് പാ​ല​ത്തി​ന് ഇ​ല്ല. പാ​ലം ക​ഴി​ഞ്ഞാ​ല്‍ റോ​ഡി​ന് ഇ​രു​വ​ശ​വും ഇ​പ്പോ​ള്‍ മാ​ലി​ന്യ​ങ്ങ​ള്‍ വ​ലി​ച്ചെ​റി​ഞ്ഞ​ത് കൂ​ടി​ക്കി​ട​പ്പു​ണ്ട്. 400 മീ​റ്റ​റി​ല്‍ 200 മീ​റ്റ​ര്‍ ടാ​റി​ങ്ങും 200 മീ​റ്റ​ര്‍ ഇ​ന്റ​ര്‍ലോ​ക്ക് ക​ട്ട​ക​ളു​മാ​ണ് നി​ര​ത്തി​യി​രി​ക്കു​ന്ന​ത്. ര​ണ്ട് വ​ലി​യ വ​ള​വു​ക​ളും ഈ ​ഭാ​ഗ​ത്തു​ണ്ട്. ബൈ​പാ​സ് റോ​ഡി​ന് കെ.​എ​സ്.​ടി.​പി.​യു​ടെ പു​തി​യ ന​വീ​ക​ര​ണ പ്രോ​ജ​ക്ട് ത​യാ​റാ​യി വ​രു​ന്നു​ണ്ട്. അ​ന്തി​മ രൂ​പ​രേ​ഖ​യാ​യി​ട്ടി​ല്ല. വി​ക​സി​ക്കാ​ത്ത 400 മീ​റ്റ​റും ക​ല്ലു​ക​ട​വു​പാ​ല​വും ഇ​തി​ല്‍ ഉ​ള്‍പ്പെ​ടു​മോ​യെ​ന്ന കാ​ര്യ​ത്തി​ലും വ്യ​ക്ത​ത​യി​ല്ല.