മാലിന്യംപേറി 73 വർഷം; ദുരിതമൊഴിയാതെ ചക്കംകണ്ടം

ചാ​വ​ക്കാ​ട്: 1952ൽ ​ഗു​രു​വാ​യൂ​രി​ൽ ആ​ദ്യ ലോ​ഡ്‌​ജ് നി​ല​വി​ൽ വ​ന്ന​തു​മു​ത​ൽ വ​ലി​യ തോ​ട് വ​ഴി ച​ക്കം​ക​ണ്ട​ത്തേ​ക്ക് ഒ​ഴു​കി​ത്തു​ട​ങ്ങി​യ​താ​ണ് ഗു​രു​വാ​യൂ​രി​ൽ​നി​ന്നു​ള്ള ക​ക്കൂ​സ് മാ​ലി​ന്യ​ം. പേ​രി​ന് ചി​ല പ​ദ്ധ​തി​ക​ൾ വ​ന്നെ​ങ്കി​ലും 2025ലും ​ക​ക്കൂ​സ് മാ​ലി​ന്യം ച​ക്കം​ക​ണ്ടം നി​വാ​സി​ക​ളു​ടെ ജീ​വി​തം ദു​രി​ത​ത്തി​ലാ​ക്കി​ക്കൊ​ണ്ടേ​യി​രി​ക്കു​ന്നു.

1973ലാ​ണ് ഗു​രു​വാ​യൂ​രി​ലെ ക​ക്കൂ​സ് മാ​ലി​ന്യ സം​സ്ക​ര​ണ പ്ലാ​ന്റ് സ്ഥാ​പി​ക്കാ​ൻ സ​ർ​ക്കാ​ർ തീ​രു​മാ​നി​ച്ച​ത്. അ​ത് ച​ക്കം​ക​ണ്ട​ത്ത് ആ​ക്കാ​ൻ തീ​രു​മാ​ന​മാ​യ​തോ​ടെ പ്ര​ദേ​ശ​വാ​സി​ക​ളു​ടെ സ​മ​ര​ങ്ങ​ൾ​ക്കും തു​ട​ക്ക​മാ​യി. പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ 26 വ​ർ​ഷ​ങ്ങ​ൾ​ക്കു​ശേ​ഷം 1999ൽ പി.​ടി. കു​ഞ്ഞു​മു​ഹ​മ്മ​ദ്‌ എം.​എ​ൽ.​എ​യാ​യി​രു​ന്ന കാ​ല​ത്ത് അ​ന്ന​ത്തെ മു​ഖ്യ​മ​ന്ത്രി ഇ.​കെ. നാ​യ​നാ​രാ​ണ് സം​സ്‌​ക​ര​ണ​ശാ​ല​ക്ക് ത​റ​ക്ക​ല്ലി​ട്ട​ത്. എ​ന്നാ​ൽ, 2006ൽ ​കെ.​വി. അ​ബ്ദു​ൾ ഖാ​ദ​ർ എം.​എ​ൽ.​എ​യാ​യി​രു​ന്ന കാ​ല​ത്താ​ണ് പ്ലാ​ന്റി​ന്റെ നി​ർ​മാ​ണ​പ്ര​വ​ർ​ത്ത​നം പു​രോ​ഗ​മി​ക്കു​ന്ന​ത്. എ​ന്നാ​ൽ, 15 വ​ർ​ഷം പി​ന്നി​ട്ടി​ട്ടും പ്ലാ​ന്റ് പ്ര​വ​ർ​ത്ത​ന​ഘ​ട്ട​ത്തി​ലെ​ത്തി​ക്കാ​ൻ കെ.​വി. അ​ബ്ദു​ൾ ഖാ​ദ​റി​ന് ക​ഴി​ഞ്ഞി​ല്ല. മാ​ലി​ന്യ​ക്കാ​യ​ല്‍ എ​ന്ന പേ​രു​ദോ​ഷം മാ​റ്റാ​ന്‍ ച​ക്കം​ക​ണ്ടം കാ​യ​ല്‍ പ്ര​ദേ​ശ​ത്ത് ടൂ​റി​സം പ​ദ്ധ​തി​ക​ളൊ​രു​ക്കു​മെ​ന്ന 2021ലെ ​ഗു​രു​വാ​യൂ​ര്‍ ന​ഗ​ര​സ​ഭ അ​ധി​കൃ​ത​രു​ടെ​യും ടൂ​റി​സം മ​ന്ത്രി പി.​എ. മു​ഹ​മ്മ​ദ് റി​യാ​സി​ന്റെ​യും പ്ര​സ്താ​വ​ന​ക​ളും ക​ട​ലാ​സി​ലൊ​തു​ങ്ങി.

2022 ഏ​പ്രി​ൽ 16ന് ​ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​നാ​ണ് ക​ക്കൂ​സ് മാ​ലി​ന്യ സം​സ്ക​ര​ണ പ്ലാ​ന്റി​ന്റെ ഔ​ദ്യോ​ഗി​ക ഉ​ദ്ഘാ​ട​നം നി​ർ​വ​ഹി​ച്ച​ത്. മൂ​ന്നു ദ​ശ​ല​ക്ഷം ലി​റ്റ​ർ ശേ​ഷി​യു​ള്ള പ്ലാ​ന്റി​ന് ജി​ല്ല​യി​ലെ ആ​ദ്യ സം​സ്ക​ര​ണ പ്ലാ​ന്റ് എ​ന്ന സ​വി​ശേ​ഷ​ത​യു​മു​ണ്ടാ​യി​രു​ന്നു. 1973ല്‍ 4.35 ​കോ​ടി രൂ​പ​യാ​ണ് സ​ർ​ക്കാ​ർ പ​ദ്ധ​തി​ക്ക് വ​ക​യി​രു​ത്തി​യ​ത്. എ​ന്നാ​ൽ, 2022ൽ ​ഉ​ദ്ഘാ​ട​നം ചെ​യ്യു​മ്പോ​ൾ തു​ക 21.80 കോ​ടി രൂ​പ​യി​ലെ​ത്തി.

ഉ​ദ്ഘാ​ട​നം ക​ഴി​ഞ്ഞ് ര​ണ്ടു മാ​സ​ത്തി​ന​കം ഗു​രു​വാ​യൂ​ർ അ​ഴു​ക്കു​ചാ​ൽ പ​ദ്ധ​തി പ​രാ​ജ​യ​മെ​ന്ന് എ​ൻ.​കെ. അ​ക്ബ​ർ എം.​എ​ൽ.​എ നി​യ​മ​സ​ഭ​യി​ൽ പ്ര​സ്താ​വി​ച്ചു. പ​ദ്ധ​തി​യു​ടെ പ​ല ഘ​ട​ക​ങ്ങ​ളും വ​ർ​ഷ​ങ്ങ​ൾ​ക്കു​മു​മ്പ് നി​ർ​മി​ക്ക​പ്പെ​ട്ട​തി​ന്റെ പ്ര​ശ്ന​ങ്ങ​ൾ നേ​രി​ടു​ന്നു​ണ്ടെ​ന്നാ​ണ് എം.​എ​ൽ.​എ സ​ബ്മി​ഷ​നി​ൽ അ​റി​യി​ച്ച​ത്. പ്ര​ധാ​ന പ​മ്പ് ഹൗ​സി​ൽ​നി​ന്ന് സ്വീ​വേ​ജ് ശു​ദ്ധീ​ക​ര​ണ​ശാ​ല​യി​ലേ​ക്കു​ള്ള ​പ​മ്പി​ങ് പൈ​പ്പ് ക​മീ​ഷ​ന്‍ ചെ​യ്ത​ശേ​ഷം ആ​റു ത​വ​ണ പൊ​ട്ടി​യി​രു​ന്നു. ഇ​തു​മൂ​ലം റോ​ഡു​ക​ള്‍ പ​ല​യി​ട​ങ്ങ​ളി​ലും പൊ​ളി​ക്കേ​ണ്ടി​വ​രു​ന്ന​ത് പ്ര​തി​ഷേ​ധ​ത്തി​ന് കാ​ര​ണ​മാ​കു​ന്നു​ണ്ട്. 1800 മീ​റ്റ​ര്‍ നീ​ള​ത്തി​ലു​ള്ള ഈ ​പ​മ്പി​ങ് പൈ​പ്പ് മാ​റ്റാ​ൻ സ്റ്റേ​റ്റ് പ്ലാ​ന്‍ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി സ​മ​ർ​പ്പി​ച്ച ര​ണ്ടു കോ​ടി​യു​ടെ എ​സ്റ്റി​മേ​റ്റി​ന് മൂ​ന്നു​വ​ർ​ഷം ക​ഴി​ഞ്ഞി​ട്ടും അം​ഗീ​കാ​രം ന​ൽ​കി​യി​ട്ടി​ല്ല.

രാ​വി​ലെ ആ​റു മു​ത​ൽ രാ​ത്രി പ​ത്തു​വ​രെ എ​ട്ടു മ​ണി​ക്കൂ​ർ വീ​തം ര​ണ്ടു ഷി​ഫ്റ്റാ​യി​ട്ടാ​ണ് നി​ല​വി​ൽ പ്ലാ​ന്റി​ന്റെ പ്ര​വ​ർ​ത്ത​നം. എ​യ​റേ​ഷ​ൻ ടാ​ങ്കി​ലേ​ക്ക് മാ​ലി​ന്യം പ​മ്പ് ചെ​യ്യു​ന്ന ര​ണ്ടു മോ​ട്ടോ​ർ പ​മ്പു​ക​ളി​ൽ ഒ​രെ​ണ്ണം നി​ര​ന്ത​രം പ​ണി​മു​ട​ക്കി​ലാ​ണ്. നാ​ലു ബ്ലോ​വ​റു​ക​ളി​ൽ (കം​പ്ര​സ​ർ) ര​ണ്ടെ​ണ്ണം പ്ര​വ​ർ​ത്ത​ന​ര​ഹി​ത​മാ​ണ്. ര​ണ്ടു ക്ലാ​രി​ഫൈ​ർ ബ്രി​ഡ് വീ​ൽ​സു​ക​ളി​ൽ ഒ​ന്ന് മാ​ത്ര​മേ പ്ര​വ​ർ​ത്ത​ന​ക്ഷ​മ​മാ​യി​ട്ടു​ള്ളൂ.

മൂ​ന്ന് കാ​ർ​ബ​ൺ ഫി​ൽ​റ്റ​ർ സി​ലി​ണ്ട​റു​ക​ളി​ൽ ഒ​ന്ന് പൂ​ർ​ണ​മാ​യും മ​റ്റു ചി​ല​ത് ഭാ​ഗി​ക​മാ​യും പ്ര​വ​ർ​ത്തി​ക്കു​ന്നി​ല്ല. മലിനീകരണ പരിശോധനക്കുവേ​ണ്ടി​യു​ള്ള ലാ​ബ് സി​സ്റ്റ​വും പ്ര​വ​ർ​ത്തി​ക്കു​ന്നി​ല്ല. ക​റു​ത്തി​രു​ണ്ട് ക​ട്ടി​യാ​യി വ​രു​ന്ന മ​ലി​ന​ജ​ലം ക​ട്ടി​കു​റ​ഞ്ഞ ക​റു​ത്ത വെ​ള്ള​മാ​ക്കി ച​ക്കം​ക​ണ്ടം കാ​യ​ലി​ലേ​ക്ക് ഒ​ഴു​ക്കി​വി​ടു​ന്ന പ്ര​ക്രി​യ​യാ​ണ് ഇ​വി​ടെ ന​ട​ക്കു​ന്ന​ത്.

പ്ര​ധാ​ന പ​മ്പി​ങ് പൈ​പ്പ് പൊ​ട്ടു​ന്ന സാ​ഹ​ച​ര്യ​ത്തി​ൽ ക​ക്കൂ​സ് മാ​ലി​ന്യം ടാ​ങ്ക​ർ ലോ​റി​ക​ളി​ൽ പ്ലാ​ന്റി​ൽ എ​ത്തി​ക്കാ​നാ​ണ് ഗു​രു​വാ​യൂ​ർ ന​ഗ​ര​സ​ഭ ഒ​ടു​വി​ൽ തീ​രു​മാ​നി​ച്ചി​രി​ക്കു​ന്ന​ത്. സി.​പി.​ഐ കൗ​ൺ​സി​ല​ർ​മാ​രു​ടെ വി​യോ​ജി​പ്പോ​ടെ​യാ​ണ് ന​ഗ​ര​സ​ഭ തീ​രു​മാ​നം. ടാ​ങ്ക​റി​ലെ​ത്തു​ന്ന മാ​ലി​ന്യം സ്വീ​ക​രി​ക്കാ​ൻ 5000 ലി​റ്റ​റി​ന്റെ ഡ​യ​ല്യൂ​ഷ​ൻ ടാ​ങ്കും ത​യാ​റാ​യി​ട്ടു​ണ്ട്.

14 കി​ലോ​മീ​റ്റ​ർ നീ​ണ്ടു പ​ര​ന്നു​കി​ട​ക്കു​ന്ന കാ​യ​ലി​ന്റെ ഇ​രു​ക​ര​ക​ളി​ലു​മാ​യി ചാ​വ​ക്കാ​ട് ന​ഗ​ര​സ​ഭ​യും തൈ​ക്കാ​ട്, പാ​വ​റ​ട്ടി, മു​ല്ല​ശ്ശേ​രി, വെ​ങ്കി​ട​ങ്ങ്, ഏ​ങ്ങ​ണ്ടി​യൂ​ർ ക​ട​പ്പു​റം, ഒ​രു​മ​ന​യൂ​ർ പ​ഞ്ചാ​യ​ത്തു​ക​ളു​മാ​ണു​ള്ള​ത്. കാ​ട്ടു​പാ​ട​ത്തു​നി​ന്ന് ആ​രം​ഭി​ച്ച് അ​ങ്ങാ​ടി​ത്താ​ഴ​ത്ത് (ച​ക്കം​ക​ണ്ടം) എ​ത്തു​ന്ന വ​ലി​യ​തോ​ട്ടി​ലൂ​ടെ ആ​ദ്യ​മൊ​ക്കെ മ​ഴ​വെ​ള്ളം മാ​ത്ര​മാ​ണ് ഒ​ഴു​കി​യി​രു​ന്ന​ത്. സ​മീ​പ​വാ​സി​ക​ൾ കു​ളി​ക്കാ​നും വ​സ്ത്രം ക​ഴു​കാ​നും പാ​ത്രം ക​ഴു​കാ​നും ആ​ശ്ര​യി​ച്ചി​രു​ന്ന​ത് ഈ ​തോ​ടി​നെ​യാ​യി​രു​ന്നു. കാ​യ​ലി​ൽ​നി​ന്ന് മീ​ൻ​പി​ടി​ച്ചും ക​ക്ക വാ​രി​യും ച​ളി കു​ത്തി​വി​റ്റും പൊ​ക്കാ​ളി കൃ​ഷി​ചെ​യ്‌​തും ച​കി​രി പൂ​ഴ്ത്തി​യും ച​കി​രി ത​ല്ലി നാ​രാ​ക്കി​യും ക​യ​റു​പി​രി​ച്ചും ജീ​വി​ച്ചി​രു​ന്ന​വ​രു​ടെ തൊ​ഴി​ൽ മാ​ലി​ന്യം മൂ​ലം ന​ഷ്ട​പ്പെ​ട്ടു.