വൃത്തിഹീനമായ അന്തരീക്ഷവും വെള്ളക്കെട്ടും; കെ.എസ്.ആർ.ടി.സി ഡിപ്പോ പരിസരത്ത് യാത്രക്കാർക്ക് ദുരിതം

ചാ​ല​ക്കു​ടി: വൃ​ത്തി​ഹീ​ന​മാ​യ അ​ന്ത​രീ​ക്ഷ​വും വെ​ള്ള​ക്കെ​ട്ടും ചാ​ല​ക്കു​ടി കെ.​എ​സ്.​ആ​ർ.​ടി.​സി ഡി​പ്പോ പ​രി​സ​ര​ത്ത് ദു​രി​തം പ​ര​ത്തു​ന്ന​താ​യി പ​രാ​തി. ഡി​പ്പോ​യി​ലെ ര​ണ്ട് ജീ​വ​ന​ക്കാ​ർ​ക്കാ​ണ് ഈ​യി​ടെ ഡെ​ങ്കി​പ്പ​നി വ​ന്ന​ത്. എ​ന്നി​ട്ടും വെ​ള്ളം കെ​ട്ടി​ക്കി​ട​ക്കു​ന്ന വൃ​ത്തി​ഹീ​ന​മാ​യ സാ​ഹ​ച​ര്യ​ങ്ങ​ൾ ഒ​ഴി​വാ​ക്കാ​ൻ അ​ധി​കാ​രി​ക​ൾ ന​ട​പ​ടി​യെ​ടു​ക്കു​ന്നി​ല്ല. ചാ​ല​ക്കു​ടി കെ.​എ​സ്‌.​ആ​ർ.​ടി.​സി​യോ​ട് ചേ​ർ​ന്ന് നി​ൽ​ക്കു​ന്ന പെ​ട്രോ​ൾ പ​മ്പ് പ​രി​സ​രം മ​ഴ പെ​യ്ത​തോ​ടെ ത​ടാ​ക​മാ​യി മാ​റി​യി​രി​ക്കു​ക​യാ​ണ്. നേ​ര​ത്തേ​ത​ന്നെ ഇ​വി​ടെ വെ​ള്ളം കെ​ട്ടി നി​ൽ​ക്കു​ന്നു​ണ്ട്. ഇ​പ്പോ​ൾ കൂ​ടു​ത​ൽ മ​ഴ പെ​യ്ത​തോ​ടെ വെ​ള്ളം എ​ല്ലാ​യി​ട​ത്തും വ്യാ​പി​ച്ച​തി​നാ​ൽ പെ​ട്രോ​ൾ അ​ടി​ക്കാ​ൻ വ​രു​ന്ന​വ​ർ​ക്ക് പോ​ലും ബു​ദ്ധി​മു​ട്ട് സൃ​ഷ്ടി​ച്ചി​രി​ക്കു​ക​യാ​ണ്. ഇ​ത്ത​രം വൃ​ത്തി​ഹീ​ന​മാ​യ സാ​ഹ​ച​ര്യ​ങ്ങ​ൾ നി​ല​നി​ൽ​ക്കു​ന്ന​തി​നാ​ൽ ഡി​പ്പോ​യെ കേ​ന്ദ്രീ​ക​രി​ച്ച് ഡെ​ങ്കി​പ്പ​നി പ​ട​രു​ക​യാ​ണെ​ന്നാ​ണ് പ​രാ​തി.

ര​ണ്ടു​മാ​സം മു​മ്പ് ഡി​പ്പോ​യി​ലെ ഡ്രൈ​വ​ർ​ക്ക് ഡെ​ങ്കി​പ്പ​നി വ​ന്നി​രു​ന്നു. ഇ​പ്പോ​ൾ ഇ​വി​ട​ത്തെ ക​ണ്ട​ക്ട​ർ​ക്ക് അ​സു​ഖം വ​ന്ന​തോ​ടെ ജീ​വ​ന​ക്കാ​ർ പ​രി​ഭ്രാ​ന്തി​യി​ലാ​ണ്. പു​രു​ഷ​ന്മാ​രാ​യ ജീ​വ​ന​ക്കാ​രു​ടെ സ്റ്റേ ​റൂ​മി​ന്റെ ശോ​ച്യാ​വ​സ്ഥ​യാ​ണ് രോ​ഗം ഉ​ണ്ടാ​കാ​ൻ കാ​ര​ണ​മെ​ന്ന് സം​ശ​യി​ക്കു​ന്നു. കൂ​ടാ​തെ ലേ​ഡീ​സ് സ്റ്റേ ​റൂ​മി​ന് പി​റ​കി​ലും മ​റ്റും മ​ലി​ന​ജ​ല​വും മാ​ലി​ന്യ​വും കെ​ട്ടി​ക്കി​ട​ക്കു​ന്നു. ഇ​ത്ത​രം ജ​ല​ത്തി​ൽ വ​ള​രു​ന്ന ഈ​ഡി​സ് ഈ​ജി​പ്തി, ഈ​ഡി​സ് ആ​ൽ​ബോ​പി​ക്റ്റ​സ് വി​ഭാ​ഗ​ത്തി​ൽ ഉ​ള്ള കൊ​തു​കു​ക​ൾ ആ​ണ് രോ​ഗ​ത്തി​ന് കാ​ര​ണം. റെ​സ്റ്റ് റൂ​മി​ൽ ത​ന്നെ വെ​ള്ളം കെ​ട്ടി നി​ൽ​ക്കു​ന്ന അ​വ​സ്ഥ​യാ​ണ് ഉ​ള്ള​ത്. ഇ​ത് പ​രി​ഹ​രി​ക്കാ​ത്തി​ട​ത്തോ​ളം കാ​ലം വീ​ണ്ടും നി​ര​വ​ധി പേ​ർ​ക്ക് അ​സു​ഖ​ത്തി​ന് സാ​ധ്യ​ത​യു​ണ്ടെ​ന്നാ​ണ് ആ​ശ​ങ്ക.

ഹ​രി​ത കേ​ര​ളം ശു​ചി​ത്വ മി​ഷ​ന്റെ ശു​ചി​ത്വ അ​വാ​ർ​ഡ് ല​ഭി​ച്ച ചാ​ല​ക്കു​ടി യൂ​നി​റ്റി​ലാ​ണ് ഈ ​ദു​ര​വ​സ്ഥ എ​ന്ന​താ​ണ് ഏ​റെ നാ​ണ​ക്കേ​ട്. ചാ​ല​ക്കു​ടി ന​ഗ​ര​സ​ഭ ഇ​വി​ടെ​നി​ന്ന് മാ​ലി​ന്യം കൊ​ണ്ടു​പോ​കു​ന്നി​ല്ലെ​ന്ന പ​രാ​തി​യു​മു​ണ്ട്. യൂ​നി​റ്റി​ൽ ത​ന്നെ സം​സ്ക​രി​ക്കാ​നു​ള്ള ന​ട​പ​ടി ഉ​ണ്ടാ​വ​ണം. ജീ​വ​ന​ക്കാ​രി​ൽ​നി​ന്ന് വ​ർ​ഷ​ത്തി​ൽ ര​ണ്ട് ത​വ​ണ തൊ​ഴി​ൽ നി​കു​തി ഈ​ടാ​ക്കു​ന്ന ന​ഗ​ര​സ​ഭ ഇ​ക്കാ​ര്യം മ​ന​സ്സി​ലാ​ക്കി വേ​ണ്ട ന​ട​പ​ടി സ്വീ​ക​രി​ക്ക​ണം. കെ.​എ​സ്.​ആ​ർ.​ടി.​സി ഡി​പ്പോ​ക്ക് സ​മീ​പ​ത്താ​യി നി​ര​വ​ധി വീ​ടു​ക​ളാ​ണ് ഉ​ള്ള​ത്. ഡെ​ങ്കി​പ്പ​നി പ​ട​രാ​തി​രി​ക്കാ​ൻ ന​ട​പ​ടി സ്വീ​ക​രി​ക്ക​ണം എ​ന്നാ​ണ് ആ​വ​ശ്യം.