ഗു​രു​വാ​യൂ​ര്‍ ന​ഗ​ര​സ​ഭ ലൈ​ബ്ര​റി: വാ​യ​ന​ശാ​ലക്കൊപ്പം പാ​ഠ​ശാ​ല​യും

ഗു​രു​വാ​യൂ​ര്‍: പ​ത്ര​ങ്ങ​ളും ആ​നു​കാ​ലി​ക​ങ്ങ​ളും വാ​യി​ക്കാ​നെ​ത്തു​ന്ന​വ​ര്‍, പു​സ്ത​കം മാ​റി​യെ​ടു​ക്കാ​ന്‍ വ​രു​ന്ന​വ​ര്‍, പി​ന്നെ വൈ​കീ​ട്ട് ടി.​വി​ക്ക് മു​ന്നി​ല്‍ കൂ​ടി​യി​രി​ക്കു​ന്ന​വ​ര്‍, ചെ​സ് ക​ളി സം​ഘ​ങ്ങ​ള്‍, കോ​ണ്‍ക്രീ​റ്റ് ബ​ഞ്ചി​ലി​രു​ന്ന് സാം​സ്‌​കാ​രി​ക-​രാ​ഷ്ട്രീ​യ ച​ര്‍ച്ച ന​ട​ത്തു​ന്ന​വ​ര്‍, സൈ​ക്കി​ള്‍ സൂ​ക്ഷി​ക്കാ​നു​ള്ള ഇ​ടം ..... ഇ​തൊ​ക്കെ​യാ​യി​രു​ന്നു ര​ണ്ട് പ​തി​റ്റാ​ണ്ട് മു​മ്പ് വ​രെ ഗു​രു​വാ​യൂ​ര്‍ ന​ഗ​ര​മ​ധ്യ​ത്തി​ലു​ള്ള ന​ഗ​ര​സ​ഭ ലൈ​ബ്ര​റി. ഇ​ന്ന് ലൈ​ബ്ര​റി ആ​കെ മാ​റി.

ടി.​വി പ്ര​ദ​ര്‍ശ​ന​വും ചെ​സ് ക​ളി സം​ഘ​ങ്ങ​ളും ച​ര്‍ച്ച​ക്കാ​രും സൈ​ക്കി​ള്‍ വെ​ക്കാ​നു​ള്ള ഇ​ട​വു​മെ​ല്ലാം ഇ​ല്ലാ​താ​യി. പ​ത്ര​ങ്ങ​ളും ആ​നു​കാ​ലി​ക​ങ്ങ​ളും വാ​യി​ക്കാ​നെ​ത്തു​ന്ന​വ​ര്‍ക്കൊ​പ്പം ത​ന്നെ വി​വി​ധ മ​ത്സ​ര പ​രീ​ക്ഷ​ക​ള്‍ക്ക് ഒ​രു​ങ്ങാ​നെ​ത്തു​ന്ന​വ​രു​ടെ ആ​ശ്ര​യ​കേ​ന്ദ്രം കൂ​ടി​യാ​യി ലൈ​ബ്ര​റി മാ​റി. കൃ​ത്യ​മാ​യി എ​ല്ലാ ദി​വ​സ​വും രാ​വി​ലെ എ​ട്ട് മു​ത​ല്‍ രാ​ത്രി എ​ട്ട് വ​രെ ഇ​വി​ടെ​യി​രു​ന്ന് പ​ഠ​നം ന​ട​ത്തു​ന്ന​വ​രു​ണ്ട്.

ഇ​വ​ര്‍ക്കാ​വ​ശ്യ​മാ​യ റ​ഫ​റ​ന്‍സ് പു​സ്ത​കങ്ങ​ള്‍ ലൈ​ബ്ര​റി​യി​ല്‍ ല​ഭ്യ​മാ​ണെ​ന്ന​താ​ണ് പ്ര​ധാ​ന ആ​ക​ര്‍ഷ​ണം. ഒ​രു ദി​വ​സം 60ഓ​ളം പേ​ര്‍ ഇ​ത്ത​ര​ത്തി​ല്‍ എ​ത്തു​ന്നു​ണ്ടെ​ന്ന് പു​സ്ത​ക വി​ത​ര​ണ​ത്തി​ന് സ​ഹാ​യി​ക്കു​ന്ന ഷീ​ജ മ​ണി​യും ന​ബീ​സ​യും പ​റ​ഞ്ഞു. ഇ​വ​ര്‍ക്കാ​യി പ്ര​ത്യേ​ക ര​ജി​സ്റ്റ​റും ഉ​ണ്ട്. വാ​യ​ന​ശാ​ല​യെ ആ​ശ്ര​യി​ക്കു​ന്ന പ​ഠി​താ​ക്ക​ള്‍ക്ക് ആ​വ​ശ്യ​മാ​യ സൗ​ക​ര്യ​ങ്ങ​ള്‍ ന​ഗ​ര​സ​ഭ ഒ​രു​ക്കി​കൊ​ടു​ത്തി​ട്ടു​ണ്ടെ​ന്ന് ചെ​യ​ര്‍മാ​ന്‍ എം. ​കൃ​ഷ്ണ​ദാ​സ് പ​റ​ഞ്ഞു. പ്ര​ത്യേ​ക ഹാ​ള്‍ ഇ​തി​നാ​യി സ​ജ്ജീ​ക​രി​ച്ചി​ട്ടു​ണ്ട്. കു​ടി​വെ​ള്ള സൗ​ക​ര്യ​വും ഒ​രു​ക്കി​യി​ട്ടു​ണ്ട്.

പ​ഠി​താ​ക്ക​ള്‍ ആ​വ​ശ്യ​പ്പെ​ട്ട​ത​നു​സ​രി​ച്ച് വൈ ​ഫൈ സൗ​ക​ര്യ​വും ഏ​ര്‍പ്പെ​ടു​ത്തി. ഇ​ന്‍റ​ര്‍നെ​റ്റ് സൗ​ക​ര്യം കൂ​ടി സ​ജ്ജീ​ക​രി​ക്കാ​നു​ള്ള ഒ​രു​ക്ക​ത്തി​ലാ​ണ് ന​ഗ​ര​സ​ഭ​യി​പ്പോ​ള്‍. ഗു​രു​വാ​യൂ​ര്‍ ടൗ​ണ്‍ഷി​പ്പാ​യി​രു​ന്ന കാ​ല​ത്ത് 1975ലാ​ണ് ലൈ​ബ്ര​റി നി​ര്‍മി​ച്ച​ത്. മ​ന്ത്രി​യാ​യി​രു​ന്ന അ​വ​ക്കാ​ദ​ര്‍ കു​ട്ടി ന​ഹ​യാ​യി​രു​ന്നു ഉ​ദ്ഘാ​ട​ക​ന്‍. 1973ല്‍ ​അ​ന്ന​ത്തെ ആ​ഭ്യ​ന്ത​ര മ​ന്ത്രി കെ. ​ക​രു​ണാ​ക​ര​നാ​ണ് ത​റ​ക്ക​ല്ലി​ട്ട​ത്. ഗു​രു​വാ​യൂ​ര്‍ സ​ത്യ​ഗ്ര​ഹ​ത്തി​ന്‍റെ തു​ട​ര്‍ച്ച​യാ​യി ഗാ​ന്ധി​ജി 1934 ജ​നു​വ​രി 11ന് ​ഗു​രു​വാ​യൂ​രി​ലെ​ത്തി​യ​പ്പോ​ള്‍ പ്ര​സം​ഗ​വേ​ദി അ​ന്ന് പാ​ട​മാ​യി​രു​ന്ന ഇ​ന്ന​ത്തെ ലൈ​ബ്ര​റി അ​ങ്ക​ണ​മാ​യി​രു​ന്നു.

ഇ​വി​ടെ ഗാ​ന്ധി​യു​ടെ പൂ​ര്‍ണ​കാ​യ പ്ര​തി​മ സ്ഥാ​പി​ച്ച് സ്മൃ​തി​മ​ണ്ഡ​പം തീ​ര്‍ത്തി​ട്ടു​ണ്ട്. ച​രി​ത്ര പ്രാ​ധാ​ന്യ​മു​ള്ള ഒ​രി​ടം കൂ​ടി​യാ​ണ് ന​ഗ​ര​സ​ഭ ലൈ​ബ്ര​റി അ​ങ്ക​ണം. ന​ഗ​ര​സ​ഭ ജീ​വ​ന​ക്കാ​രാ​യ സു​രേ​ഷ്, ടി.​എ. ഷ​ജീ​ര്‍ എ​ന്നി​വ​ര്‍ക്കാ​ണ് ചു​മ​ത​ല. ഓ​പ​ണ്‍ സ്റ്റേ​ജാ​യ ഇ.​എം.​എ​സ് ച​ത്വ​രം, കെ. ​ദാ​മോ​ദ​ര​ന്‍ ഹാ​ള്‍, പു​തൂ​ര്‍ ഉ​ണ്ണി​കൃ​ഷ്ണ​ന്‍ ഹാ​ള്‍ എ​ന്നി​വ​യും ലൈ​ബ്ര​റി സ​മു​ച്ച​യ​ത്തി​ന്‍റെ ഭാ​ഗ​മാ​ണ്. ലൈ​ബ്ര​റി​യു​ടെ സു​വ​ര്‍ണ ജൂ​ബി​ലി ആ​ഘോ​ഷം വി​പു​ല​മാ​യ രീ​തി​യി​ല്‍ സം​ഘ​ടി​പ്പി​ക്കു​മെ​ന്ന് ചെ​യ​ര്‍മാ​ന്‍ എം. ​കൃ​ഷ്ണ​ദാ​സ് പ​റ​ഞ്ഞു.