മ​ര​ണ​ത്തെ മു​ഖാ​മു​ഖം ക​ണ്ട നി​മി​ഷം; ദു​ര​ന്ത​മു​ഖ​ത്തു നി​ന്ന് ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്

കു​ന്നം​കു​ളം: ദു​ര​ന്ത​മു​ഖ​ത്ത് നി​ന്ന് ത​ല​നാ​രി​ഴ​ക്ക് ര​ക്ഷ​പ്പെ​ട്ട​തോ​ർ​ക്കു​ന്ന ഈ ​കു​ടും​ബ​ത്തി​ന്റെ ഞെ​ട്ട​ൽ ഇ​പ്പോ​ഴും വി​ട്ടൊ​ഴി​ഞ്ഞി​ട്ടി​ല്ല. ചൊ​വ്വ​ന്നൂ​ർ അ​യ്യ​പ്പ​ത്ത് റോ​ഡി​ൽ കോ​ലാ​ടി​പ്പ​റ​മ്പി​ൽ വി​ജേ​ഷി​ന്റെ പി​ഞ്ചോ​മ​ന​ക​ൾ അ​ട​ങ്ങു​ന്ന കു​ടും​ബ​മാ​ണ് മ​ര​ണ​ത്തി​ൽ​നി​ന്ന് ര​ക്ഷ​പ്പെ​ട്ട​ത്. ഈ ​കു​ടും​ബം വാ​ട​ക​ക്ക് താ​മ​സി​ക്കു​ന്ന കോ​ൺ​ക്രീ​റ്റ് ഇ​രു​നി​ല വീ​ടാ​ണ് ചൊ​വ്വാ​ഴ്ച പു​ല​ർ​ച്ച നാ​ല​ര​യോ​ടെ നി​ലം​പൊ​ത്തി​യ​ത്. കു​ടും​ബ​ക്ഷേ​ത്ര​ത്തി​ൽ വി​ള​ക്കു​വെ​ക്കു​ന്ന​തി​നാ​യി വി​ജേ​ഷ് നേ​ര​ത്തെ എ​ഴു​ന്നേ​റ്റ​താ​യി​രു​ന്നു.

ഈ ​സ​മ​യം വീ​ടി​ന്റെ ഭി​ത്തി ത​ക​രു​ന്ന ശ​ബ്ദം കേ​ട്ട് മൂ​ടി പു​ത​ച്ചു​റ​ങ്ങു​ക​യാ​യി​രു​ന്ന കു​ട്ടി​ക​ളെ നെ​ഞ്ചോ​ട് ചേ​ർ​ത്ത് വി​ജേ​ഷും ഭാ​ര്യ സി​ജി​യും പു​റ​ത്തേ​ക്ക് ഓ​ടി​യ​തി​നാ​ൽ ഒ​ഴി​വാ​യ​ത് വ​ൻ ദു​ര​ന്ത​മാ​യി​രു​ന്നു. നി​മി​ഷ​ങ്ങ​ൾ​ക്കു​ള്ളി​ൽ കി​ട​പ്പാ​ടം ത​ക​ർ​ന്നു വീ​ഴു​ന്ന നേ​ർ കാ​ഴ്ച​യാ​യി​രു​ന്നു​വെ​ന്ന് അ​ഞ്ചി​ലും ര​ണ്ടി​ലും പ​ഠി​ക്കു​ന്ന വി​ജ​യ് കൃ​ഷ്ണ​ക്കും കാ​ർ​ത്തി​കേ​യ​നും പ​റ​യു​ന്നു.

ത​ല​നാ​രി​ഴ​ക്ക് ര​ക്ഷ​പ്പെ​ടാ​നാ​യ​ത് പ​റ​യു​മ്പോ​ൾ വി​ജേ​ഷി​ന്റെ​യും ഭാ​ര്യ​യു​ടേ​യും വാ​ക്കു​ക​ൾ ഇ​ട​റു​ക​യാ​ണ്. കു​ട്ടി​ക​ളു​ടെ സ്കൂ​ൾ യൂ​നി​ഫോ​മും പാ​ഠ​പു​സ്ത​ക​ങ്ങ​ൾ ഉ​ൾ​പ്പെ​ടെ പ​നോ​പ​ക​ര​ണ​ങ്ങ​ളും റേ​ഷ​ൻ കാ​ർ​ഡ് അ​ട​ക്ക​മു​ള്ള രേ​ഖ​ക​ളും വീ​ട്ട​മ്മ​യാ​യ യു​വ​തി​യു​ടെ വ​രു​മാ​ന മാ​ർ​ഗ​മാ​യി​രു​ന്ന ത​യ്യ​ൽ മെ​ഷീ​നും സ​മ്പാ​ദി​ച്ചു കൂ​ട്ടി​യ എ​ല്ലാം മ​ണ്ണി​ന​ടി​യി​ലാ​യ​ത് ഓ​ർ​ക്കു​മ്പോ​ൾ ക​ണ്ണീ​ർ പൊ​ഴി​ക്കു​ക​യാ​ണ് ഈ ​കു​ടും​ബം. എ​ങ്കി​ലും ജീ​വ​ൻ ന​ഷ്ട​മാ​യി​ല്ല​ല്ലോ എ​ന്ന ആ​ശ്വാ​സ​ത്തി​ലാ​ണ് ഇ​വ​ർ.

ക്ഷേ​ത്ര​ത്തി​ൽ പോ​കേ​ണ്ട​തി​നാ​ലാ​ണ് എ​ഴു​ന്നേ​ൽ​ക്കേ​ണ്ടി വ​ന്ന​തെ​ന്നും അ​തി​നാ​ൽ ഭാ​ര്യ​യേ​യും മ​ക്ക​ളേ​യും ര​ക്ഷ​പ്പെ​ടു​ത്താ​നാ​യെ​ന്നും വി​ജേ​ഷ് ഓ​ർ​ക്കു​ന്നു. മേ​സ്തി​രി പ​ണി ന​ട​ത്തി​യി​രു​ന്നു യു​വാ​വ് ഇ​പ്പോ​ൾ വ​ഴി​യ​രി​കി​ൽ പ​ച്ച​ക്ക​റി വി​ൽ​പ​ന ന​ട​ത്തി​യാ​ണ് കു​ടും​ബം പോ​റ്റു​ന്ന​ത്.

മാ​ച്ചാ​ങ്ങ​ല​ത്ത് മു​ര​ളി​യു​ടെ ഉ​ട​മ​സ്ഥ​ത​യി​ലു​ള്ള, 40 വ​ർ​ഷ​ത്തോ​ളം പ​ഴ​ക്ക​മു​ള്ള ഈ ​കെ​ട്ടി​ട​ത്തി​ൽ ക​ഴി​ഞ്ഞ നാ​ലു വ​ർ​ഷ​മാ​യി വാ​ട​ക​ക്ക് താ​മ​സി​ക്കു​ക​യാ​ണ് വി​ജേ​ഷും കു​ടും​ബ​വും. സ്വ​ന്ത​മാ​യി ഭൂ​മി പോ​ലു​മി​ല്ലാ​ത്ത ഇ​വ​രെ സ​മീ​പ​ത്തെ അ​മ്മാ​യി​യു​ടെ ബ​ന്ധു​വീ​ട്ടി​ലേ​ക്ക് മാ​റ്റി പാ​ർ​പ്പി​ച്ച​ത്. വീ​ട് ന​ഷ്ട​പ്പെ​ട്ട​തോ​ടെ പു​സ്ത​ക​വും ബാ​ഗും ന​ഷ്ട​മാ​യ കു​ട്ടി​ക​ൾ​ക്ക് പ​ഠ​നോ​പ​ക​ര​ണ​ങ്ങ​ളും വീ​ട്ടി​ലേ​ക്ക് ആ​വ​ശ്യ​മാ​യ ഭ​ക്ഷ്യ വ​സ്തു​ക്ക​ളു​മാ​യി സ​ന്ന​ദ്ധ സം​ഘ​ട​ന​ക​ൾ രം​ഗ​ത്തെ​ത്തി.