കുന്നംകുളം നഗരം കൈയടക്കി തെരുവ് നായ്ക്കൾ

കു​ന്നം​കു​ളം: കു​ന്നം​കു​ള​ത്തും പ​രി​സ​ര പ്ര​ദേ​ശ​ങ്ങ​ളി​ലും തെ​രു​വു​നാ​യ്ക്ക​ളു​ടെ ശ​ല്യം രൂ​ക്ഷ​മാ​കു​ന്നു. ന​ഗ​ര​സ​ഭ, പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ലും ന​ഗ​ര​ത്തി​ലും തെ​രു​വ് നാ​യ്ക്ക​ൾ വി​ഹ​രി​ക്കു​ക​യാ​ണ്. ഇ​ത് കാ​ൽ​ന​ട​യാ​ത്ര​ക്കാ​ർ​ക്കും ഇ​രു​ച​ക്ര വാ​ഹ​ന യാ​ത്ര​ക്കാ​ർ​ക്കും ഭീ​ഷ​ണി​യാ​യി മാ​റി​യി​രി​ക്കു​ക​യാ​ണ്.

തെ​രു​വ് നാ​യ്ക്ക​ളു​ടെ എ​ണ്ണം അ​നു​ദി​നം വ​ർ​ധി​ച്ചു​വ​രി​ക​യാ​ണ്. ന​ഗ​ര​ത്തി​ലെ ഏ​റെ തി​ര​ക്കു​ള്ള റോ​ഡു​ക​ളെ​ല്ലാം തെ​രു​വു​നാ​യ്ക്ക​ൾ കൈ​യേ​റു​ക പ​തി​വാ​ണ്. സ്കൂ​ളു​ക​ളു​ടെ പ​രി​സ​ര​ങ്ങ​ളി​ൽ തെ​രു​വു​നാ​യ്ക്ക​ൾ സം​ഘ​ടി​ക്കു​ന്ന​ത് വി​ദ്യാ​ർ​ഥി​ക​ൾ​ക്കും വ​ലി​യ സു​ര​ക്ഷാ പ്ര​ശ്ന​ങ്ങ​ൾ ഉ​ണ്ടാ​ക്കു​ന്നു​ണ്ട്.

കാ​ൽ​ന​ട​യാ​യി സ്കൂ​ളി​ലേ​ക്ക് വ​രു​ന്ന വി​ദ്യാ​ർ​ഥി​ക​ളു​ടെ കാ​ര്യ​ത്തി​ൽ ര​ക്ഷി​താ​ക്ക​ളും അ​ധ്യാ​പ​ക​രും വ​ലി​യ ആ​ശ​ങ്ക​യി​ലാ​ണ്. ഇ​രു​ച​ക്ര വാ​ഹ​ന​ങ്ങ​ൾ​ക്ക് പി​റ​കി​ൽ തെ​രു​വു​നാ​യ​ക്ക​ൾ ഓ​ടു​ന്ന​തും പ​തി​വു​കാ​ഴ്ച​യാ​ണ്. ക​ഴി​ഞ്ഞ ദി​വ​സം ഗ​വ. മോ​ഡ​ൽ ഗേ​ൾ​സ് ഹൈ​സ്കൂ​ളി​ലെ ഒ​രു വി​ദ്യാ​ർ​ഥി​നി നാ​യെ ക​ണ്ടു പേ​ടി​ച്ച് ഓ​ടു​ന്ന​തി​നി​ട​യി​ൽ വീ​ണു പ​രി​ക്കേ​റ്റി​രു​ന്നു.

തെ​രു​വു​നാ​യ്ക്ക​ൾ​ക്ക് വ​ന്ധീ​ക​ര​ണ​വും വാ​ക്സി​നേ​ഷ​നു​മാ​ണ് പ​ഞ്ചാ​യ​ത്തു​ക​ളും ന​ഗ​ര​സ​ഭ​ക​ളും ചെ​യ്യു​ന്ന​ത്. എ​ന്നാ​ൽ, കു​ന്നം​കു​ളം ന​ഗ​ര​സ​ഭ​യി​ൽ ര​ണ്ടും ന​ട​ന്നി​ട്ട് മാ​സ​ങ്ങ​ളേ​റെ​യാ​യെ​ന്ന് ജ​ന​ങ്ങ​ൾ കു​റ്റ​പ്പെ​ടു​ത്തു​ന്നു.

ത​ങ്ങ​ളു​ടെ പ്ര​ദേ​ശ​ത്തെ തെ​രു​വു​നാ​യ് ഭീ​ഷ​ണി​ക​ളെ​ക്കു​റി​ച്ച് ന​ഗ​ര​സ​ഭ കൗ​ൺ​സി​ല​ർ​മാ​രും പ​ഞ്ചാ​യ​ത്ത് അം​ഗ​ങ്ങ​ളും പ​രാ​തി ഉ​ന്ന​യി​ക്കു​മ്പോ​ൾ കേ​ന്ദ്ര നി​യ​മ​ത്തെ​ക്കു​റി​ച്ചും മൃ​ഗ​സ്നേ​ഹി​ക​ളു​ടെ ഇ​ട​പെ​ട​ലു​ക​ളെ പ​റ്റി​യും പ​റ​ഞ്ഞ് ഭ​ര​ണ നേ​തൃ​ത്വ​ത്തി​ലു​ള്ള​വ​രും ഉ​ദ്യോ​ഗ​സ്ഥ​രും ഒ​ഴി​ഞ്ഞു​മാ​റു​ക​യാ​ണെ​ന്നാ​ണ് പ​രാ​തി.

തെ​രു​വു​നാ​യ്ക്ക​ൾ പ​ല​പ്പോ​ഴും ആ​ൾ താ​മ​സ​മു​ള്ള വീ​ടു​ക​ളു​ടെ കാ​ർ പോ​ർ​ച്ചി​ലും വ​രാ​ന്ത​ക​ളി​ലു​മ​ട​ക്കം പ്ര​സ​വി​ക്കു​ന്ന സാ​ഹ​ച​ര്യ​വു​മു​ണ്ട്. ഇ​തോ​ടെ വീ​ട്ടു​കാ​ർ​ക്ക് പോ​ലും പു​റ​ത്തി​റ​ങ്ങാ​ൻ ക​ഴി​യാ​ത്ത അ​വ​സ്ഥ​യാ​ണ്.

ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കേ​ണ്ട ഭ​ര​ണ​ക​ർ​ത്താ​ക്ക​ൾ തെ​രു​വു​നാ​യ് വി​ഷ​യ​ത്തി​ൽ സം​ര​ക്ഷ​ണം ആ​വ​ശ്യ​പ്പെ​ടു​ന്ന ജ​ന​ങ്ങ​ൾ​ക്ക് മു​മ്പി​ൽ നി​ന്ന് ഒ​ളി​ച്ചോ​ടു​ക​യാ​ണെ​ന്ന് ന​ഗ​ര​സ​ഭ കൗ​ൺ​സി​ല​ർ ലെ​ബീ​ബ് ഹ​സ​ൻ പ​റ​ഞ്ഞു.

വാ​ഹ​നാ​പ​ക​ട​ങ്ങ​ളി​ൽ തെ​രു​വു​നാ​യ്ക്ക​ൾ​ക്ക് പ​രി​ക്കേ​ൽ​ക്കു​മ്പോ​ഴും കു​റു​ക്ക​ൻ, കു​റു​ന​രി എ​ന്നി​വ​യു​ടെ ആ​ക്ര​മ​ണ​ങ്ങ​ളി​ൽ പ​രി​ക്കേ​റ്റ് ഇ​വ​യെ പൊ​തു​നി​ര​ത്തു​ക​ളി​ൽ കാ​ണു​മ്പോ​ഴും ജ​ന​പ്ര​തി​നി​ധി​ക​ളെ​യാ​ണ് നാ​ട്ടു​കാ​ർ വി​ളി​ച്ച​റി​യി​ക്കു​ന്ന​ത്. അ​പ്പോ​ഴും പ്ര​തി​സ​ന്ധി​യി​ൽ ആ​കു​ന്ന​ത് പ്രാ​ദേ​ശി​ക ജ​ന​പ്ര​തി​നി​ധി​ക​ളാ​ണ്.