ഒ​ന്നും പാ​ഴ​ല്ല; കി​ട്ടിയതി​​ലെ​ല്ലാം ക​ര​വി​രു​ത് തീ​ർ​ക്കും സീ​ന

ക​യ്പ​മം​ഗ​ലം: ഭ​ർ​ത്താ​വ് പ​റ​ക്കു​ന്ന വി​മാ​നം അ​ടു​ത്തു ക​ണ്ടി​ട്ടി​ല്ലെ​ങ്കി​ലും അ​തി​ന്റെ മാ​തൃ​ക ഒ​രു​ക്ക​ണ​മെ​ന്ന് ആ​ഗ്ര​ഹ​മു​ദി​ച്ച​പ്പോ​ൾ സീ​ന​ക്ക് മ​റ്റൊ​ന്നും ആ​ലോ​ചി​ക്കാ​നു​ണ്ടാ​യി​രു​ന്നി​ല്ല. വീ​ട്ടി​ലും പ​രി​സ​ര​ത്തു​മു​ള്ള പാ​ഴ് വ​സ്തു​ക്ക​ൾ മ​തി ക​യ്പ​മം​ഗ​ലം കൂ​രി​ക്കു​ഴി പു​തി​യ വീ​ട്ടി​ൽ സീ​ന സ​ലാമിന് ക​ര​കൗ​ശ​ല​വ​സ്തു​ക്ക​ളൊ​രു​ക്കാ​ൻ. ഭ​ർ​ത്താ​വ് അ​ബ്ദു​ൽ സ​ലാം കു​വൈ​ത്തി​ലാ​ണ് ജോ​ലി ചെ​യ്യു​ന്ന​ത്. കു​വൈ​ത്ത് എ​യ​ർ​വേ​യ്സി​ന്റെ വി​മാ​നം ഇ​ത്ത​ര​ത്തി​ൽ നി​ർ​മി​ക്ക​ണ​മെ​ന്ന ആ​ഗ്ര​ഹ​മാ​ണ് അ​ടു​ത്തി​ടെ പൂ​ർ​ത്തി​യാ​യ വി​മാ​ന നി​ർ​മാ​ണ​ത്തി​ലേ​ക്ക് ന​യി​ച്ച​തെ​ന്ന് സീ​ന പ​റ​ഞ്ഞു.

പാ​ഴ്വ​സ്തു​ക്ക​ൾ ഉ​പ​യോ​ഗി​ച്ച് വീ​ട്ടു​മു​റ്റം നി​റ​യെ ക​ര​കൗ​ശ​ല കാ​ഴ്ച​യൊ​രു​ക്കു​ക​യാ​ണ് സീ​ന. ഉ​പ​യോ​ഗ​ശൂ​ന്യ​മാ​യ​തെ​ന്തു​കൊ​ണ്ടും ഒ​റി​ജി​ന​ലി​നോ​ട് കി​ട​പി​ടി​ക്കു​ന്ന മാ​തൃ​ക​ക​ൾ ഒ​രു​ക്കും ഈ ​വീ​ട്ട​മ്മ. വി​മാ​നം, അ​ര​യ​ന്ന​ങ്ങ​ൾ, കൊ​ക്കു​ക​ൾ, വ​ഞ്ചി, പൂ​ന്തോ​ട്ടം നി​റ​യെ വൈ​വി​ധ്യ​മാ​ർ​ന്ന ചെ​ടി​ച്ചെ​ട്ടി​ക​ൾ, ഇ​രി​പ്പി​ട​ങ്ങ​ൾ, വെ​ള്ള​ച്ചാ​ട്ട​മു​ൾ​പ്പെ​ടെ​യു​ള്ള കൃ​ത്രി​മ​ക്കു​ളം എ​ന്നി​ങ്ങ​നെ വീ​ട്ടു​മു​റ്റ​ത്ത് വി​സ്മ​യ​ക്കാ​ഴ്ച​യു​ടെ ഒ​രു നീ​ണ്ട നി​ര ത​ന്നെ ഒ​രു​ക്കി​യി​ട്ടു​ണ്ട്. ഒ​റ്റ നോ​ട്ട​ത്തി​ൽ കു​ട്ടി​ക​ളു​ടെ പാ​ർ​ക്കി​ൽ ചെ​ന്ന അ​നു​ഭ​വം.

കോ​വി​ഡ് കാ​ല​ത്ത് ചെ​ടി​ച്ചെ​ടി​ക​ൾ നി​ർ​മി​ച്ചാ​ണ് തു​ട​ക്കം. പി​ന്നീ​ടാ​ണ് പാ​ഴ് വ​സ്തു​ക്ക​ൾ കൊ​ണ്ടു​ള്ള നി​ർ​മാ​ണ​പ്ര​വ​ർ​ത്ത​ന​ങ്ങ​ളി​ലേ​ക്ക് ക​ട​ക്കു​ന്ന​ത്. കെ​ട്ടി​ട നി​ർ​മാ​ണ അ​വ​ശി​ഷ്ട​ങ്ങ​ൾ, ഉ​പ​യോ​ഗ​ശൂ​ന്യ​മാ​യ പൈ​പ്പു​ക​ൾ, ക​മ്പി​ക​ൾ, ട​യ​റു​ക​ൾ, തു​ണി, പ്ലാ​സ്റ്റി​ക്, വീ​ട്ടി​ലെ മ​റ്റ് ഉ​പ​യോ​ഗ​ശൂ​ന്യ​മാ​യ വ​സ്തു​ക്ക​ൾ തു​ട​ങ്ങി​യ​വ​യെ​ല്ലാം സീ​ന​ക്ക് അ​സം​സ്കൃ​ത വ​സ്തു​ക്ക​ളാ​ണ്.

നി​ർ​മി​ക്കാ​നു​പ​യോ​ഗി​ക്കു​ന്ന​വ​യു​ടെ ഫോ​ട്ടോ ശേ​ഖ​രി​ക്ക​ലാ​ണ് ആ​ദ്യ ഘ​ട്ടം. പി​ന്നീ​ട് സി​മ​ന്റ്, മ​ണ്ണ്, പാ​ഴ് വ​സ്തു​ക്ക​ൾ എ​ന്നി​വ പ്ര​ത്യേ​ക അ​നു​പാ​ത​ത്തി​ൽ ചേ​ർ​ത്ത് നി​ർ​മാ​ണം തു​ട​ങ്ങും. ക​ര​വി​രു​ത് ക​ണ്ടും കേ​ട്ടു​മ​റി​ഞ്ഞ് നി​ര​വ​ധി പേ​ർ വീ​ട്ടു​മു​റ്റ​ത്തെ കൗ​തു​ക കാ​ഴ്ച​ക​ൾ കാ​ണാ​നെ​ത്തു​ന്നു​മു​ണ്ട്. ഭ​ർ​ത്താ​വും മ​ക്ക​ൾ മൂ​ന്ന് പേ​രും പി​ന്തു​ണ​യു​മാ​യി ഒ​പ്പ​മു​ണ്ട്.