മെഡി. കോളജിൽ ഹൃദയം തുറന്നുള്ള ശസ്ത്രക്രിയകൾ മുടങ്ങു​ന്നു

തൃ​ശൂ​ർ: ഹൃ​ദ​യം തു​റ​ന്നു​ള്ള ശ​സ്​​ത്ര​ക്രി​യ​ക്ക്​ തൃ​ശൂ​ർ മെ​ഡി​ക്ക​ൽ കോ​ള​ജാ​ശു​പ​ത്രി​യി​ലു​ള്ള​ത്​ മ​തി​യാ​യ പ്ര​വ​ർ​ത്ത​ന പ​രി​ച​യ​മി​ല്ലാ​ത്ത പെ​ർ​ഫ്യൂ​ഷ​നി​സ്​​റ്റ്. പി​ഴ​വു​ക​ൾ ആ​വ​ർ​ത്തി​ക്ക​പ്പെ​ട്ട​തോ​ടെ ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ നി​ർ​ത്തി​വെ​ച്ചി​ട്ട്​ ഒ​രു മാ​സ​മാ​യി. ഒ​രു മാ​സം എ​ട്ട്​ ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ​ക​ൾ ന​ട​ന്നി​രു​ന്ന തൃ​ശൂ​ർ മെ​ഡി​ക്ക​ൽ കോ​ള​ജി​ലാ​ണ്​ ഈ ​സ്ഥി​തി. ഒ​രു മാ​സം ക​ഴി​ഞ്ഞി​ട്ടും കാ​ര്യ​ക്ഷ​മ​ത​യു​ള്ള ജീ​വ​ന​ക്കാ​രെ നി​യ​മി​ക്കാ​നോ ശ​സ്​​ത്ര​ക്രി​യ പു​ന​രാ​രം​ഭി​ക്കാ​നോ ന​ട​പ​ടി​യി​ല്ല.

ആ​ശു​പ​ത്രി വി​ക​സ​ന സ​മി​തി (എ​ച്ച്.​ഡി.​എ​സ്) വ​ഴി നി​യ​മി​ച്ച പെ​ർ​ഫ്യൂ​ഷ​നി​സ്​​റ്റി​​ന്​ കാ​ര്യ​ക്ഷ​മ​ത​യി​​ല്ലെ​ന്നും ഇ​വ​രെ ഉ​പ​യോ​ഗി​ച്ച് ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ ന​ട​ത്താ​നാ​കി​ല്ലെ​ന്നും വ്യ​ക്​​ത​മാ​ക്കി വ​കു​പ്പ്​ മേ​ധാ​വി ര​ണ്ടി​ല​ധി​കം ത​വ​ണ കോ​ള​ജ്​ ​പ്രി​ൻ​സി​പ്പ​ലി​ന്​ ക​ത്ത്​ ന​ൽ​കി​യി​രു​ന്നു. ഒ​രു വ​ർ​ഷം മു​മ്പ്​ നി​യ​മി​ച്ച പെ​ർ​ഫ്യൂ​ഷ​നി​സ്​​റ്റി​ന്റെ കാ​ലാ​വ​ധി ആ​റ്​ മാ​സം ക​ഴി​ഞ്ഞ​തോ​ടെ അ​വ​സാ​നി​ച്ചി​രു​ന്നു. പു​തു​ക്കി ന​ൽ​ക​രു​തെ​ന്നും ആ​വ​ശ്യ​പ്പെ​ട്ടി​രു​ന്നു. ഇ​വ പ​രി​ഗ​ണി​ക്കാ​തെ രാ​ഷ്ട്രീ​യ പ​രി​ഗ​ണ​ന​ക​ൾ വെ​ച്ച് തു​ട​രാ​ൻ അ​നു​വ​ദി​ക്കു​ക​യാ​യി​രു​ന്നെ​ന്നും ആ​ക്ഷേ​പ​മു​ണ്ട്.

2025ൽ ​ര​ണ്ട്​ ​ത​വ​ണ പ്രി​ൻ​സി​പ്പ​ലി​ന്​ ക​ത്ത്​ ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ല. തു​ട​ർ​ച്ച​യാ​യി പി​ഴ​വു​ക​​ളു​ണ്ടാ​യ​തോ​ടെ​യാ​ണ്​ ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ​ക​ൾ നി​ർ​ത്തി​വെ​ക്കാ​ൻ നി​ർ​ബ​ന്ധി​ത​മാ​യ​​തെ​ന്ന്​ 2025 ജൂ​ൺ ആ​ദ്യം പ്രി​ൻ​സി​പ്പ​ലി​ന്​ ന​ൽ​കി​യ ക​ത്തി​ൽ വ്യ​ക്​​ത​മാ​ക്കി​യി​ട്ടു​ണ്ട്. പ്ര​ശ്നം പ​രി​ഹ​രി​ക്കാ​ൻ സ​മി​തി​യെ നി​യോ​ഗി​ച്ചി​രു​ന്നു​വെ​ങ്കി​ലും ഫ​ല​മു​ണ്ടാ​യി​ല്ല. പ്ര​വൃ​ത്തി​പ​രി​ച​യ​മു​ള്ള പെ​ർ​ഫ്യൂ​ഷ​നി​സ്റ്റി​നെ നി​യ​മി​ച്ചാ​ൽ മാ​ത്ര​മേ ശ​സ്ത്ര​​ക്രി​യ പു​ന​രാ​രം​ഭി​ക്കാ​ൻ സാ​ധി​ക്കൂ​വെ​ന്ന്​ കാ​ർ​ഡി​യോ വാ​സ്​​കു​ല​ർ ആ​ൻ​ഡ്​ തൊ​റാ​സി​ക്​ വി​ഭാ​ഗം വ​കു​പ്പ്​ മേ​ധാ​വി വ്യ​ക്​​ത​മാ​ക്കി​യി​ട്ടു​ണ്ട്.

ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ ന​ട​ക്കു​മ്പോ​ൾ ര​ക്​​തം എ​ത്തി​ക്കു​ന്ന​ത​ട​ക്ക​മു​ള്ള കാ​ര്യ​ങ്ങ​ൾ ചെ​​യ്യു​ന്ന യ​ന്ത്രം പ്ര​വ​ർ​ത്തി​പ്പി​ക്കു​ന്ന ജോ​ലി​യാ​ണ്​ പെ​ർ​ഫ്യൂ​ഷ​നി​സ്റ്റി​ന്‍റേ​ത്. ജ​നു​വ​രി മു​ത​ൽ മേ​യ്​ അ​വ​സാ​നം വ​രെ 32 ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ​ക​ളാ​ണ്​ തൃ​ശൂ​ർ മെ​ഡി​ക്ക​ൽ കോ​ള​ജി​ൽ ന​ട​ന്ന​ത്. ഓ​രോ മാ​സ​വും ശ​സ്ത്ര​ക്രി​യ ആ​വ​ശ്യ​മു​ള്ള 60ല​ധി​കം രോ​ഗി​ക​ളാ​ണ്​ എ​ത്തു​ന്ന​ത്. ഇ​വ​ർ​ക്കെ​ല്ലാം മാ​സ​ങ്ങ​ൾ ക​ഴി​ഞ്ഞു​ള്ള തീ​യ​തി​യാ​ണ്​ ല​ഭി​ച്ചി​രു​ന്ന​ത്. ഇ​തി​നി​ടെ​യാ​ണ്​ കാ​ര്യ​ക്ഷ​മ​ത​യി​ല്ലാ​ത്ത പെ​ർ​ഫ്യൂ​ഷ​നി​സ്റ്റ്​ മൂ​ലം ഒ​രു മാ​സ​മാ​യി ശ​സ്​​ത്ര​ക്രി​യ മു​ട​ങ്ങി​യ​ത്.

അ​ഞ്ച്​ കോ​ടി ചെ​ല​വി​ൽ ഐ.​സി.​യു, ആ​റ് വെ​ന്‍റി​ലേ​റ്റ​റു​ക​ൾ; ജീ​വ​ന​ക്കാ​രു​ടെ കു​റ​വ് ത​ട​സ്സം

12 ന​ഴ്​​സു​മാ​രെ കൂ​ടി നി​യ​മി​ച്ചാ​ൽ ഹൃ​ദ​യം തു​റ​ന്നു​ള്ള ശ​സ്ത്ര​ക്രി​യ​ക​ൾ സുഗമമാകും

ആ​റ്​ ബെ​ഡ്​ ഐ.​സി.​യു, ആ​റ്​ വെ​ന്‍റി​ലേ​റ്റ​ർ, ആ​റ്​ പേ​സി​ങ്​ ബോ​ക്സ്... തൃ​ശൂ​ർ മെ​ഡി​ക്ക​ൽ കോ​ള​ജ്​ ഹൃ​ദ്രോ​ഗ വി​ഭാ​ഗ​ത്തി​ൽ അ​ടി​സ്ഥാ​ന സൗ​ക​ര്യ​ങ്ങ​ളെ​ല്ലാ​മു​ണ്ട്. ഇ​ല്ലാ​ത്ത​ത്​ മ​തി​യാ​യ ജീ​വ​ന​ക്കാ​രും പോ​സ്റ്റ്​ ഓ​പ​റേ​റ്റി​വ്​ വാ​ർ​ഡി​ൽ ഓ​ക്​​സി​ജ​ൻ മാ​സ്ക്​​ പോ​​ലെ അ​ത്യാ​വ​ശ്യ സം​വി​ധാ​ന​ങ്ങ​ളും മാ​ത്രം. എ​ന്നാ​ൽ, ഒ​മ്പ​തു വ​ർ​ഷ​മാ​യി അ​ഞ്ച്​ ഐ.​സി.​യു ബെ​ഡ്, അ​ഞ്ച്​ വെ​ന്‍റി​ലേ​റ്റ​ർ, അ​ഞ്ച്​ പേ​സി​ങ്​ ബോ​ക്സ്​ എ​ന്നി​വ വെ​റു​​തെ കി​ട​ക്കു​ക​യാ​ണ്. അ​ഞ്ചു​ കോ​ടി രൂ​പ ചെ​ല​വ​ഴി​ച്ച്​ ഒ​മ്പ​തു​ വ​ർ​ഷം മു​മ്പ്​ സ​ജ്ജീ​ക​രി​ച്ച ഹൃ​ദ്രോ​ഗ വി​ഭാ​ഗം ഐ.​സി.​യു​വി​ലാ​ണ്​ ഈ ​സ്ഥി​തി. ഒ​രു അ​ന​സ്ത​റ്റി​സ്​​റ്റി​നെ​യും 12 ന​ഴ്​​സു​മാ​രെ​യും കൂ​ടി നി​യ​മി​ച്ചാ​ൽ ദി​വ​സം ഹൃ​ദ​യം തു​റ​ന്നു​ള്ള ര​ണ്ട്​ വീ​തം ശ​സ്ത്ര​ക്രി​യ​ക​ൾ ന​ട​ത്താ​​മെ​ന്ന്​ ഈ ​വി​ഭാ​ഗ​ത്തി​ലെ ഡോ​ക്ട​ർ നേ​ര​ത്തേ ഉ​ന്ന​ത അ​ധി​കൃ​ത​​രെ അ​റി​യി​ച്ചി​രു​ന്നു. എ​ന്നാ​ൽ, ​​ന​ട​പ​ടി​യു​ണ്ടാ​യി​ല്ല.

ഒ​രാ​ഴ്ച ശ​രാ​ശ​രി പ​ത്ത്​ ശ​സ്ത്ര​ക്രി​യ​ക​ൾ ന​ട​ത്താ​ൻ സാ​ധി​ക്കു​ന്നി​ട​ത്ത്​ നി​ല​വി​ൽ ന​ട​ന്നി​രു​ന്ന​ത്​ ര​ണ്ട്​ ശ​സ്ത്ര​ക്രി​യ​ക​ൾ മാ​ത്ര​മാ​ണ്. അ​തും ഒ​രു മാ​സ​മാ​യി നി​ല​ച്ചു. മ​റ്റു വി​ഭാ​ഗ​ങ്ങ​ളി​ൽ​നി​ന്ന്​ അ​ന​സ്ത​റ്റി​സ്റ്റി​ന്‍റെ സേ​വ​നം ല​ഭ്യ​മാ​ക്കി​യാ​ണ്​ ശ​സ്ത്ര​​ക്രി​യ ന​ട​ന്നി​രു​ന്ന​ത്. പോ​സ്റ്റ്​ ഓ​പ്പ​റേ​റ്റി​വ്​ വാ​ർ​ഡി​ൽ ഓ​ക്സി​ജ​ൻ മാ​സ്ക്​ അ​ട​ക്കം സൗ​ക​ര്യ​ങ്ങ​ളി​ല്ലാ​ത്ത​തി​നാ​ൽ ശ​സ്​​ത്ര​ക്രി​യ ക​ഴി​ഞ്ഞ രോ​ഗി​ക​ളെ ഡി​സ്​​ചാ​ർ​ജ്​ ചെ​യ്യു​ന്ന​ത്​ വ​രെ ഐ.​സി.​യു​വി​ൽ ത​ന്നെ തു​ട​രാ​ൻ അ​നു​വ​ദി​ക്കേ​ണ്ടി​വ​രു​ന്നു.

സ്വ​കാ​ര്യ ആ​ശു​പ​ത്രി​ക​ളി​ൽ നാ​ലു​ ല​ക്ഷം രൂ​പ​ക്ക്​ മു​ക​ളി​ൽ ചെ​ല​വു വ​രു​ന്ന ഹൃ​ദ​യം തു​റ​ന്നു​ള്ള ശ​സ്​​ത്ര​ക്രി​യ,​ തൃ​ശൂ​ർ മെ​ഡി​ക്ക​ൽ കോ​ള​ജി​ൽ ആ​രോ​ഗ്യ ഇ​ൻ​ഷു​റ​ൻ​സ്​ കാ​ർ​ഡു​ള്ള​വ​ർ​ക്ക്​ സൗ​ജ​ന്യ​മാ​ണ്. ഇ​ൻ​ഷു​റ​ൻ​സ്​ ഇ​ല്ലാ​ത്ത​വ​ർ​ക്ക്​ 75,000 രൂ​പ മു​ത​ൽ 1.17 ല​ക്ഷം രൂ​പ വ​രെ​യാ​ണ്​ ചെ​ല​വ്. തൃ​ശൂ​രി​ന്​ പു​റ​മെ പാ​ല​ക്കാ​ട്, മ​ല​പ്പു​റം ജി​ല്ല​ക​ളി​ൽ​നി​ന്ന്​ അ​ട​ക്ക​മു​ള്ള രോ​ഗി​ക​ളാ​ണ്​ ഇ​വി​ടേ​ക്ക്​ എ​ത്തു​ന്ന​ത്. എ​ന്നാ​ൽ, ആ​റ്​ മാ​സ​ത്തി​ല​ധി​കം കാ​ത്തി​രു​ന്നാ​ൽ പോ​ലും ഇ​​പ്പോ​ൾ ശ​സ്​​ത്ര​ക്രി​യ ന​ട​ക്കാ​ത്ത സ്ഥി​തി​യാ​ണ്.

ശ​സ്ത്ര​ക്രി​യ നി​ശ്ച​യി​ച്ചാ​ൽ മൂ​ന്ന്​ മാ​സ​ത്തി​നു​ള്ളി​ൽ ന​ട​ത്ത​ണ​മെ​ന്നാ​ണ്​ ​ഹൃ​ദ്രോ​ഗ വി​ദ​ഗ്​​ധ​ർ വ്യ​ക്​​ത​മാ​ക്കു​ന്ന​ത്. ആ ​സ്ഥാ​ന​ത്താ​ണ്​ ആ​റും എ​ട്ടും മാ​സം നീ​ളു​ന്ന​ത്. കേ​ര​ള​ത്തി​ൽ ആ​ദ്യ​മാ​യി സ​ർ​ക്കാ​ർ സം​വി​ധാ​ന​ത്തി​ൽ ഹൃ​ദ​യം മാ​റ്റി​വെ​ക്ക​ൽ ശ​സ്ത്ര​ക്രി​യ കോ​ട്ട​യം മെ​ഡി​ക്ക​ൽ കോ​ള​ജി​ൽ ന​ട​ന്ന​പ്പോ​ൾ ഒ​പ്പ​മു​ണ്ടാ​യി​രു​ന്ന ഡോ​ക്ട​റാ​ണ്​ ഇ​​​പ്പോ​ൾ തൃ​ശൂ​രി​ലു​ള്ള​ത്. കോ​ഴി​ക്കോ​ട്, പ​രി​യാ​രം അ​ട​ക്കം മെ​ഡി​ക്ക​ൽ ​കോ​ള​ജു​ക​ളി​ലെ വ​ർ​ഷ​ങ്ങ​ളു​ടെ പ്ര​വ​ർ​ത്ത​ന പ​രി​ച​യ​വു​മു​ണ്ട്.