‘കെ​ട്ട കാ​ല​ത്തേ​ക്ക് മ​ക്ക​ളെ പെ​റ്റി​ടാ​ൻ ഭ​യ​ക്കു​ന്ന അ​മ്മ​മാ​ർ ഇ​റാ​ഖി​ലും ഇ​ന്ത്യ​യി​ലു​മു​ണ്ട്’

തൃ​ശൂ​ർ: അ​മ​ൽ എ​ന്ന യു​വ ഗ​ർ​ഭി​ണി​യു​ടെ സം​ഘ​ർ​ഷ​ഭ​രി​ത​മാ​യ ജീ​വി​ത​ത്തി​ലൂ​ടെ ക​ട​ന്നു​പോ​കു​ന്ന നാ​ട​ക​മാ​ണ് ഇ​റാ​ഖി​ൽ​നി​ന്നും 15ാമ​ത് നാ​ട​കോ​ത്സ​വ​ത്തി​നെ​ത്തി​യ ‘അ​മ​ൽ’. വ്യാ​ഴാ​ഴ്ച ബാ​ഗ്ദാ​ദി​ൽ​നി​ന്നു​ള്ള നാ​ട​ക സം​ഘം തൃ​ശൂ​രി​ലെ​ത്തി. ശ​നി, ഞാ​യ​ർ ദി​വ​സ​ങ്ങ​ളി​ലാ​യാ​ണ് ‘അ​മ​ൽ’ അ​ര​ങ്ങി​ലെ​ത്തു​ക. പ്ര​ശ​സ്ത ഇ​റാ​ഖി നാ​ട​ക സം​വി​ധാ​യ​ക​ൻ ഡോ. ​ജ​വാ​ദ് അ​ൽ അ​സ​ദി​യാ​ണ് ‘അ​മ​ൽ’ സം​വി​ധാ​നം നി​ർ​വ​ഹി​ച്ചി​രി​ക്കു​ന്ന​ത്. അ​റ​ബ് ലോ​ക​ത്തെ​യും ലോ​​ക​ത്തെ മ​റ്റെ​ല്ലാ ജ​ന​വി​ഭാ​ഗ​ങ്ങ​ളെ​യും ബാ​ധി​ക്കു​ന്ന മാ​നു​ഷി​ക പ്ര​തി​സ​ന്ധി​യാ​യ യു​ദ്ധ​ത്തെ​ക്കു​റി​ച്ചാ​ണ് നാ​ട​കം സം​സാ​രി​ക്കു​ന്ന​ത്.

യു​ദ്ധ​മു​ഖ​ത്തേ​ക്ക് താ​ൻ ഗ​ർ​ഭം ധ​രി​ച്ചി​രി​ക്കു​ന്ന കു​ഞ്ഞി​നെ പ്ര​സ​വി​ക്കി​ല്ല എ​ന്ന യു​വ​തി​യു​ടെ നി​ശ്ച​യ​ദാ​ർ​ഢ്യ​ത്തി​ലൂ​ടെ യു​ദ്ധ​വെ​റി​ക്കെ​തി​രാ​യ മു​ദ്രാ​വാ​ക്യം നാ​ട​കം മു​ഴ​ക്കു​ന്നു. യു​ദ്ധ​വും കൊ​ല​പാ​ത​ക​വും മ​യ​ക്കു​മ​രു​ന്നും തീ​വ്ര​വാ​ദ​വും നി​റ​ഞ്ഞ മ​ണ്ണി​ലേ​ക്ക് ത​ന്റെ കു​ഞ്ഞി​ന് ജ​ന്മം ന​ൽ​കു​ന്നി​ല്ലെ​ന്നും ഗ​ർ​ഭഛി​ദ്ര​ത്തി​ലൂ​ടെ അ​വ​നെ താ​ൻ എ​ന്നെ​ന്നും ത​ന്റെ ഉ​ള്ളി​ൽ പേ​റു​മെ​ന്നു​മു​ള്ള അ​മ​ൽ എ​ന്ന ഗ​ർ​ഭി​ണി​യു​ടെ വാ​ശി​യി​ലൂ​ടെ​യും അ​വ​ളു​ടെ ഭ​ർ​ത്താ​വി​ന്റെ നി​സ്സ​ഹാ​യാ​വ​സ്ഥ​യി​ലൂ​ടെ​യു​മാ​ണ് നാ​ട​കം ച​ലി​ക്കു​ന്ന​ത്. നാ​ട​ക​ത്തി​ലെ പ്ര​ധാ​ന ക​ഥാ​പാ​ത്ര​ങ്ങ​ളി​ൽ ഒ​ന്നി​നെ അ​വ​ത​രി​പ്പി​ക്കു​ന്ന ഇ​റാ​ഖി നാ​ട​ക ന​ട​ൻ ഹൈ​ദ​ർ ജു​മാ ‘മാ​ധ്യ​മ’​ത്തോ​ട് സം​സാ​രി​ക്കു​ന്നു.

• എ​ന്താ​ണ് ‘അ​മ​ൽ’ പ്രേ​ക്ഷ​ക​രോ​ട് പ​റ​യാ​ൻ ശ്ര​മി​ക്കു​ന്ന​ത്?

അ​മ​ൽ എ​ന്നാ​ൽ അ​റ​ബി​യി​ൽ ​പ്ര​തീ​ക്ഷ എ​ന്നാ​ണ് അ​ർ​ഥം. അ​മ​ലി​ന്റെ ഭ​ർ​ത്താ​വ് ബാ​സെം എ​ന്ന ക​ഥാ​പാ​ത്ര​ത്തെ​യാ​ണ് ഞാ​ൻ അ​വ​ത​രി​പ്പി​ക്കു​ന്ന​ത്. യു​ദ്ധ​കാ​ല​ത്തെ സ്ത്രീ​ക​ളു​ടെ​യും കു​ട്ടി​ക​ളു​ടെ​യും മാ​ന​സി​ക സം​ഘ​ർ​ഷ​ത്തി​ലൂ​ടെ​യാ​ണ് നാ​ട​കം സ​ഞ്ച​രി​ക്കു​ന്ന​ത്. ഇ​തി​ന​കം 25ല​ധി​കം രാ​ജ്യ​ങ്ങ​ളി​ൽ ‘അ​മ​ൽ’ അ​വ​ത​രി​പ്പി​ച്ചു.

• ഇ​റാ​ഖി​ലെ നി​യ​മ​പ്ര​കാ​രം ഗ​ർ​ഭഛി​ദ്രം അ​നു​വ​ദ​നീ​യ​മാ​ണോ?

ഇ​റാ​ഖി​ൽ നി​ല​വി​ലെ നി​യ​പ്ര​കാ​രം ഗ​ർ​ഭഛി​ദ്രം അ​നു​വ​ദ​നീ​യ​മാ​ണ്. അ​ത് സ്ത്രീ​ക​ളു​ടെ തീ​രു​മാ​ന​മാ​ണ്. എ​ന്നാ​ൽ, ഭ്രൂ​ണം 12 ആ​ഴ്ച പി​ന്നി​ട്ടാ​ൽ നി​യ​മ​പ്ര​ശ്ന​ങ്ങ​ളു​ണ്ട്. 12 ആ​ഴ്ച​ക​ൾ​ക്ക് ശേ​ഷം ഒ​രു മ​നു​ഷ്യ​ജീ​വ​നാ​യി ക​ണ​ക്കാ​ക്കു​ന്നു. അ​തി​നാ​ൽ നി​യ​മ​പ്ര​ശ്ന​ങ്ങ​ളു​ണ്ട്. കു​റ്റ​ക​ര​മാ​യി ക​ണ​ക്കാ​ക്കും. അ​തൊ​ക്കെ നാ​ട​ക​ത്തി​ൽ വി​ഷ​യ​മാ​യി വ​രു​ന്നു​ണ്ട്.

• സ​മാ​ധാ​ന കാ​ല​ത്തെ ആ​ഗ്ര​ഹി​ക്കു​ന്ന ഒ​രു ഗ​ർ​ഭ​വ​തി സ്വ​ന്തം കു​ഞ്ഞി​നെ ഗ​ർ​ഭാ​വ​സ്ഥ​യി​ൽ കൊ​ല​പ്പെ​ടു​ത്താ​ൻ തീ​രു​മാ​നി​ക്കു​ന്ന​ത് വൈ​രു​ധ്യ​മ​ല്ലേ?

അ​വ​ർ കു​ഞ്ഞി​നെ കൊ​ല്ലു​ന്നു എ​ന്ന​ല്ല, കെ​ട്ട കാ​ല​ത്തേ​ക്ക് കു​ഞ്ഞി​നെ പ്ര​സ​വി​ക്കേ​ണ്ട​തി​ല്ല എ​ന്ന് ചി​ന്തി​ക്കു​ന്നു എ​ന്നാ​ണ് നാ​ട​കം പ​റ​യു​ന്ന​ത്. അ​മ​ൽ എ​ന്ന​ത് ഇ​റാ​ഖി​ൽ മാ​ത്ര​മു​ള്ള സ്ത്രീ​യ​ല്ല. ഇ​ന്ത്യ​യി​ലും ആ​യി​ര​ക്ക​ണ​ക്കി​ന് അ​മ​ൽ​മാ​രു​ണ്ട്. എ​ല്ലാ​യി​ട​ത്തു​മു​ണ്ട്.

ഗ​സ്സ​യി​ലും ഫ​ല​സ്തീ​നി​ലും ഇ​റാ​നി​ലും റ​ഷ്യ​യി​ലും ജ​ർ​മ​നി​യി​ലും യു​ക്രെ​യ്നി​ലും ഒ​ക്കെ നൂ​റ് ക​ണ​ക്കി​ന് അ​മ​ൽ​മാ​രു​ണ്ട്. ഞ​ങ്ങ​ൾ യു​ദ്ധ​ത്തി​​ന്റെ കെ​ടു​തി​ക​ൾ അ​നു​ഭ​വി​ച്ച ജ​ന​ത​യാ​ണ്. അ​ത് ഭീ​ക​ര​മാ​യ അ​നു​ഭ​വ​മാ​ണ്. എ​ല്ലാ നാ​ട്ടി​ലും അ​ത് ഉ​ണ്ടാ​ക​രു​തെ​ന്ന് ഞ​ങ്ങ​ൾ ആ​ഗ്ര​ഹി​ക്കു​ന്നു.

• ഇ​റാ​ഖി​ലെ സം​ഘ​ർ​ഷ​കാ​ല​ത്ത് ഇ​ന്ത്യ​യി​ലു​ട​നീ​ളം ഇ​റാ​ഖ് അ​നു​കൂ​ല പ്ര​തി​ഷേ​ധ​ങ്ങ​ൾ അ​ര​ങ്ങേ​റി​യി​ട്ടു​ണ്ട്?

ലോ​ക​ത്ത് സ​മാ​ധാ​നം ആ​ഗ്ര​ഹി​ക്കു​ന്ന​വ​ർ പ്ര​തി​രോ​ധ​വു​മാ​യി തെ​രു​വി​ലി​റ​ങ്ങും. ഇ​റാ​ഖി​ക​ൾ​ക്കു​വേ​ണ്ടി ഇ​ന്ത്യ​ക്കാ​ർ തെ​രു​വി​ലി​റ​ങ്ങി​യ​തി​നെ ഞ​ങ്ങ​ൾ വി​ല​മ​തി​ക്കു​ന്നു. ഇ​ന്ത്യ​യി​ലും പ്ര​ത്യേ​കി​ച്ചും കേ​ര​ള​ത്തി​ലും വ​ള​രെ ന​ല്ല ആ​ൾ​ക്കാ​രാ​ണു​ള്ള​ത്.

• ഇ​വി​ടെ ധാ​രാ​ളം സ​ദ്ദാം ഹു​സൈ​ൻ ആ​രാ​ധ​ക​രു​ണ്ട്. നി​ങ്ങ​ൾ​ക്ക​ത് അ​റി​യു​മോ?

ഇ​ട​തു​പ​ക്ഷ​ത്തോ​ട് ചേ​ർ​ന്നു​നി​ൽ​ക്കു​ന്ന ഒ​രു​പാ​ടു​പേ​ർ സ​ദ്ദാം ഹു​സൈ​നെ പി​ന്തു​ണ​ക്കു​ന്ന​താ​യി അ​റി​യാം. ഇ​ട​തു​പ​ക്ഷ​മാ​ണ് കേ​ര​ളം ഭ​രി​ക്കു​ന്ന​തെ​ന്നും അ​റി​യാം. സ​ദ്ദാം ഹു​സൈ​നെ കു​റി​ച്ചും മ​റ്റും അ​ധി​കം സം​സാ​രി​ക്കാ​ൻ നി​ല​വി​ൽ ആ​ഗ്ര​ഹി​ക്കു​ന്നി​ല്ല.

• ഇ​സ്രാ​യേ​ലി​ന്റെ ഫ​ല​സ്തീ​ൻ അ​ധി​നി​വേ​ശ​ത്തെ​യും ഗ​സ​യി​ലെ ഏ​ക​പ​ക്ഷീ​യ ആ​ക്ര​മ​ണ​ത്തെ​യും ഇ​റാ​ഖി​ക​ൾ എ​ങ്ങ​നെ​യാ​ണ് നോ​ക്കി​ക്കാ​ണു​ന്ന​ത്?

ഇ​റാ​ഖി​ന്റെ തെ​രു​വു​ക​ളി​ൽ ഫ​ല​സ്തീ​ൻ അ​നു​കൂ​ല പ്ര​തി​ഷേ​ധ​ങ്ങ​ൾ ന​ട​ക്കാ​റു​ണ്ട്. ജ​ന​ങ്ങ​ൾ സ​മാ​ധാ​നം ആ​ഗ്ര​ഹി​ക്കു​ന്നു. യു​ക്രെ​യ്ൻ യു​ദ്ധ​ത്തി​നെ​തി​രെ​യും പ്ര​തി​ഷേ​ധ​ങ്ങ​ൾ ഉ​യ​രു​ന്നു​ണ്ട്. ജ​ന​ങ്ങ​ൾ യു​ദ്ധ​ത്തി​നെ​തി​രാ​ണ്.

• ഇ​റാ​ഖ് ഭ​ര​ണ​കൂ​ട​ത്തി​ന്റെ പി​ന്തു​ണ നി​ങ്ങ​ൾ​ക്കു​ണ്ടോ?

നാ​ട​ക​ങ്ങ​ൾ​ക്ക് നി​ല​വി​ലെ ഭ​ര​ണ​കൂ​ടം ന​ല്ല പി​ന്തു​ണ​യാ​ണ് ന​ൽ​കു​ന്ന​ത്. മി​നി​സ്ട്രി ഓ​ഫ് ക​ൾ​ച​റ​ൽ അ​ഫ​യേ​ഴ്സ് ഇ​റാ​ഖ് എ​ല്ലാ പി​ന്തു​ണ​യും സ​ഹ​ക​ര​ണ​വും വാ​ഗ്ദാ​നം ചെ​യ്യാ​റു​ണ്ട്. ഇ​ന്ത്യ​യും ഇ​റാ​ഖും ത​മ്മി​ലു​ള്ള ന​യ​ത​ന്ത്ര ബ​ന്ധ​വും യാ​ത്ര സു​ഖ​ക​ര​മാ​ക്കി.

• ഇ​ന്ത്യ​യി​ലെ ഏ​തെ​ങ്കി​ലും നാ​ട​ക​മോ സി​നി​മ​യോ ക​ണ്ടി​ട്ടു​ണ്ടോ?

നാ​ട​ക​ങ്ങ​ൾ അ​ങ്ങ​നെ ക​ണ്ടി​ട്ടി​ല്ല. പി.​കെ, സ്ലം ​ഡോ​ഗ് മി​ല്യ​ണ​യ​ർ എ​ന്നീ ഹി​ന്ദി സി​നി​മ​ക​ൾ ക​ണ്ടി​ട്ടു​ണ്ട്. വ​ള​രെ മി​ക​ച്ച സി​നി​മ​ക​ൾ. ആ​മി​ർ ഖാ​നെ ഭ​യ​ങ്ക​ര ഇ​ഷ്ട​മാ​ണ്. കേ​ര​ള​വും വ​ള​രെ​യേ​റെ ഇ​ഷ്ട​മാ​യി. ഏ​റെ സ്​​നേ​ഹ​മു​ള്ള ജ​ന​ങ്ങ​ളു​ള്ള നാ​ടാ​ണ് കേ​ര​ളം.