മാലിന്യം നിറഞ്ഞ് കാട്ടാക്കട ചന്ത; അ​ന്താ​രാ​ഷ്ട മാ​ര്‍ക്ക​റ്റാ​യി ഉ​യ​ര്‍ത്തു​മെന്ന പ്രഖ്യാപനം 10വർഷമായിട്ടും നടപ്പായില്ല

കാ​ട്ടാ​ക്ക​ട: താ​ലൂ​ക്കി​ലെ പ്ര​ധാ​ന വാ​ണി​ജ്യ​കേ​ന്ദ്ര​മാ​യ കാ​ട്ടാ​ക്ക​ട ച​ന്ത​യു​ടെ സ്ഥി​തി ദ​യ​നീ​യം. മ​ത്സ്യ​ക​ച്ച​വ​ടം ന​ട​ത്തു​ന്നി​ട​ത്ത് മാ​ലി​ന്യം നി​റ​ഞ്ഞ് പു​ഴു​ക്ക​ള്‍ വി​ഹ​രി​ക്കു​ന്നു. മ​ലി​ന​ജ​ല​ത്തി​ൽ ച​വി​ട്ടാ​തെ ന​ട​ക്കാ​നാ​കാ​ത്ത സ്ഥി​തി​യി​ലാ​ണ്. മ​ത്സ്യ​ക​ച്ച​വ​ടം ന​ട​ത്തു​ന്ന​വ​ര്‍ മൂ​ക്ക​ത്ത് വി​ര​ല്‍പി​ടി​ച്ചും കൈ​കാ​ലു​ക​ളി​ല്‍ പ്ലാ​സ്റ്റി​ക് ക​വ​റു​ക​ളി​ട്ടു​മാ​ണ് ഇ​രി​ക്കു​ന്ന​ത്.

ച​ന്ത​യി​ലെ​ത്തി​യാ​ല്‍ സാം​ക്ര​മി​ക​രോ​ഗം പി​ടി​പെ​ടാ​ൻ സാ​ധ്യ​ത കൂ​ടു​ത​ലാ​ണ​അ. പ​ഞ്ചാ​യ​ത്ത് അ​ധി​കൃ​ത​രോ​ട് പ​രാ​തി പ​റ​ഞ്ഞി​ട്ടും യാ​തൊ​രു ന​ട​പ​ടി​യു​മി​ല്ല. അ​മ്പൂ​രി മു​ത​ൽ വി​ള​പ്പി​ൽ വ​രെ​യും അ​ഗ​സ്ത്യ​വ​ന​ത്തി​ലെ ആ​ദി​വാ​സി​ക​ള്‍ മു​ത​ല്‍ ത​ല​സ്ഥാ​ന​അ​തി​ര്‍ത്തി വ​രെ​യു​ള്ള വി​ശാ​ല​മാ​യ പ്ര​ദേ​ശ​ത്തി​ന്‍റെ വാ​ണി​ജ്യ​കേ​ന്ദ്ര​മാ​ണ് കാ​ട്ടാ​ക്ക​ട ച​ന്ത.

താ​ലൂ​ക്കി​ലെ വ​ലു​തും 200 വ​ർ​ഷ​ത്തോ​ളം പ​ഴ​ക്ക​മു​ള്ള​തും പൂ​വ​ച്ച​ൽ ഗ്രാ​മ പ​ഞ്ചാ​യ​ത്തി​ന് ഏ​റെ​വ​രു​മാ​നം ന​ൽ​കി​യി​രു​ന്ന ച​ന്ത​യു​ടെ ഇ​പ്പോ​ഴ​ത്തെ അ​വ​സ്ഥ ഏ​റെ ദ​യ​നീ​യ​മാ​ണ്. എ​ട്ട് വ​ര്‍ഷ​ത്തി​നി​ടെ ച​ന്ത​യു​ടെ ന​വീ​ക​ര​ണ​ത്തി​നാ​യി ല​ക്ഷ​ങ്ങ​ളാ​ണ് ചി​ല​വ​ഴി​ച്ച​ത്. ച​ന്ത​യി​ലെ മാ​ലി​ന്യം നി​ര്‍മ്മാ​ർ​ജ​നം ചെ​യ്യാ​നോ, മ​ഴ​യും വെ​യി​ലും കൊ​ള്ളാ​തെ ക​ച്ച​വ​ടം ന​ട​ത്താ​നോ, ക​ച്ച​വ​ട​ക്കാ​ര്‍ക്ക് പ്രാ​ഥ​മി​കാ​വ​ശ്യം നി​റ​വേ​റ്റാ​നോ സം​വി​ധാ​ന​മി​ല്ല. കു​ടി​വെ​ള്ളം കി​ട്ടാ​നാ​യി ഒ​രു പൊ​തു​ടാ​പ്പ് പോ​ലും സ്ഥാ​പി​ച്ചി​ട്ടി​ല്ല. ച​ന്ത​യി​ലു​ള്ള പൊ​തു​ശൗ​ചാ​ല​യ​ത്തി​ന്‍റെ ന​ട​യി​ല്‍ പോ​യാ​ല്‍ ബോ​ധ ര​ഹി​ത​നാ​കും. ശൗ​ചാ​ല​യ കെ​ട്ടി​ട​ത്തി​നു​ള്ളി​ല്‍ മ​ര​പ്പ​ട്ടി​യും ഇ​ഴ​ജ​ന്തു​ക്ക​ളും വാ​സ​മു​റ​പ്പി​ച്ചി​രി​ക്കു​ക​യാ​ണ്.

ദി​വ​സ​വും വ​ന്‍തോ​തി​ലാ​ണ് ച​ന്ത​യ്ക്കു​ള്ളി​ല്‍ മാ​ലി​ന്യം കു​ന്നു​കൂ​ടു​ന്ന​ത്. മാ​ലി​ന്യം സം​സ്ക​രി​ക്കു​ന്ന​തി​നാ​യി ല​ക്ഷ​ങ്ങ​ള്‍ മു​ട​ക്കി നി​ർ​മി​ച്ച കെ​ട്ടി​ടം ഇ​തു​വ​രെ പ്ര​വ​ര്‍ത്ത​ന​മാ​രം​ഭി​ച്ചി​ട്ടി​ല്ല. നി​ര​വ​ധി പ​ദ്ധ​തി​ക​ള്‍ വ​ഴി പൂ​വ​ച്ച​ല്‍ ഗ്രാ​മ​പ​ഞ്ചാ​യ​ത്തും വെ​ള്ള​നാ​ട് ബ്ലോ​ക്ക് പ​ഞ്ചാ​യ​ത്തും കാ​ട്ടാ​ക്ക​ട പൊ​തു ച​ന്ത​യി​ല്‍ മു​ട​ക്കി​യ​ത് കോ​ടി​ക​ളാ​ണ്. വ​ർ​ഷം 25 ല​ക്ഷ​ത്തോ​ളം രൂ​പ​യു​ടെ നി​കു​തി വ​രു​മാ​നം എ​ത്തി​യി​രു​ന്ന ച​ന്ത​യി​ൽ നി​ന്ന് പൂ​വ​ച്ച​ൽ പ​ഞ്ചാ​യ​ത്തി​ന് ഇ​പ്പോ​ൾ കു​ടും​ബ​ശ്രീ വ​ഴി ല​ഭി​ക്കു​ന്ന​ത് നാ​മ​മാ​ത്ര തു​ക​യാ​ണ്.

ര​ണ്ടേ​ക്ക​റോ​ളം വ​രു​ന്ന ച​ന്ത​യു​ടെ ഒ​രു ഭാ​ഗ​ത്ത് മാ​ത്ര​മാ​ണ് ഇ​പ്പോ​ൾ ക​ച്ച​വ​ട​ക്കാ​രു​ള്ള​ത്. സ്റ്റാ​ളു​ക​ളി​ൽ ക​ച്ച​വ​ട​ത്തി​നും ആ​ളി​ല്ല. ത​മി​ഴ്നാ​ട്ടി​ൽ നി​ന്നും മ​റ്റു സ്ഥ​ല​ങ്ങ​ളി​ൽ നി​ന്നു​മൊ​ക്കെ തി​ങ്ക​ൾ, വ്യാ​ഴം ദി​വ​സ​ങ്ങ​ളി​ൽ ആ​ഴ്ച​ച​ന്ത​യി​ലെ​ത്തി​യി​രു​ന്ന ക​ച്ച​വ​ട​ക്കാ​ർ ഇ​പ്പോ​ൾ എ​ത്തു​ന്നി​ല്ല. മ​ത്സ്യ​ക​ച്ച​വ​ട​ക്കാ​രും ചെ​റു ക​ച്ച​വ​ട​ക്കാ​രു​മൊ​ഴി​ഞ്ഞു. പ​ത്ത് വ​ര്‍ഷം മു​ന്‍പ് കാ​ട്ടാ​ക്ക​ട ച​ന്ത അ​ന്താ​രാ​ഷ്ട മാ​ര്‍ക്ക​റ്റാ​യി ഉ​യ​ര്‍ത്തു​ന്ന​തി​ലേ​ക്കാ​യി സം​സ്ഥാ​ന സ​ര്‍ക്കാ​ര്‍ ബ​ജ​റ്റി​ല്‍ തു​ക വ​ക​യി​രു​ത്തി.

പ്രാ​ഥ​മി​ക ന​ട​പ​ടി​ക​ളും ആ​രം​ഭി​ച്ചു. പി​ന്നീ​ട് ത​ര്‍ക്ക​ങ്ങ​ള്‍ ഉ​ട​ലെ​ടു​ത്ത​തോ​ടെ അ​ന്താ​രാ​ഷ്ട മാ​ര്‍ക്ക​റ്റ് എ​ന്ന​ത് ഫ​യ​ലി​ല്‍ കു​രു​ങ്ങി. ച​ന്ത​യു​ടെ ആ​ധു​നി​ക​വ​ത്ക​ര​ണം ന​ട​പ്പാ​ക്കാ​നാ​യാ​ൽ അ​തി​ലൂ​ടെ വ​ലി​യ വി​ക​സ​ന​വും സാ​ധ്യ​മാ​കും. അ​ധി​കൃ​ത​രു​ടെ ഭാ​ഗ​ത്ത് നി​ന്ന് ന​ട​പ​ടി ഉ​ണ്ടാ​വ​ണ​മെ​ന്നാ​ണ് ആ​വ​ശ്യം.