ഈ ​ഓ​ണ​ത്തി​നെ​ങ്കി​ലും പു​തി​യ വീ​ട്ടി​ലു​റ​ങ്ങാ​ൻ ക​ഴി​യു​മോ?

കി​ളി​മാ​നൂ​ർ: ഈ ​ഓ​ണ​ത്തി​നെ​ങ്കി​ലും ഭ​വ​ന സ​മു​ച്ച​യ​ത്തി​ന്‍റെ പ​ണി പൂ​ർ​ത്തി​യാ​കു​മോ​യെ​ന്ന ചോ​ദ്യ​മാ​ണ്​ അ​വ​രു​ടെ​യെ​ല്ലാം മ​ന​സി​ൽ. കി​ളി​മാ​നൂ​ർ ബ്ലോ​ക്ക് പ​ഞ്ചാ​യ​ത്ത് ഭ​വ​ന​ര​ഹി​ത​ർ​ക്കാ​യി നി​ർ​മി​ക്കു​ന്ന ഫ്ലാ​റ്റ് സ​മു​ച്ച​യ​ത്തി​നെ കു​റി​ച്ചു​ള്ള ചോ​ദ്യ​മാ​ണ് ഇ​ത്. ആ​റു​വ​ർ​ഷ​മാ​യി പ​ണി ആ​രം​ഭി​ച്ചി​ട്ട്. ബ്ലോ​ക്ക് പ​ഞ്ചാ​യ​ത്തി​ന്റെ ത​ന​ത് ഫ​ണ്ട് ഉ​പ​യോ​ഗി​ച്ച് 51 കു​ടും​ബ​ങ്ങ​ൾ​ക്ക് ഒ​രു കു​ട​ക്കീ​ഴി​ൽ വീ​ടൊ​രു​ക്കു​ന്ന പ​ദ്ധ​തി​യാ​ണി​ത്.

എ​ട്ട് പ​ഞ്ചാ​യ​ത്തി​ലെ ഭ​വ​ന​ര​ഹി​ത​രും ഭൂ​ര​ഹി​ത​രു​മാ​യ പ​ട്ടി​ക​ജാ​തി​യി​ൽ​പ്പെ​ട്ട കു​ടും​ബ​ങ്ങ​ൾ​ക്കാ​യി​രു​ന്നു ഇ​തി​ലൂ​ടെ പ്ര​യോ​ജ​നം ല​ഭി​ക്കേ​ണ്ടി​യി​രു​ന്ന​ത്. വി​ദ്യാ​ഭ്യാ​സം, കു​ടി​വെ​ള്ളം, വൈ​ദ്യു​തി, വി​നോ​ദ ഉ​പാ​ധി​ക​ൾ തു​ട​ങ്ങി​യ സൗ​ക​ര്യ​ങ്ങ​ളു​ള്ള മൂ​ന്ന് ഫ്ലാ​റ്റ് സ​മു​ച്ച​യ​ങ്ങ​ളി​ൽ ഒ​ന്ന് ക​ഴി​ഞ്ഞ ഓ​ണ​ത്തി​ന് മു​മ്പ്​ ​ന​ൽ​കു​മെ​ന്നാ​യി​രു​ന്നു പ്ര​ഖ്യാ​പ​നം. എ​ന്നാ​ൽ അ​ടു​ത്ത ഓ​ണ​മെ​ത്തി​യി​ട്ടും യാ​ഥാ​ർ​ഥ്യ​മാ​കു​ന്ന ല​ക്ഷ​ണ​മെ​ന്നി​ല്ല.

പ​ഴ​യ​കു​ന്നു​മ്മ​ൽ പ​ഞ്ചാ​യ​ത്തി​ലെ 80 സെ​ന്റ് പു​ര​യി​ടം ബ്ലോ​ക്ക് പ​ഞ്ചാ​യ​ത്ത് 64 ല​ക്ഷം രൂ​പ​ക്ക് വാ​ങ്ങി​യാ​ണ് പ​ദ്ധ​തി ന​ട​പ്പി ലാ​ക്കു​ന്ന​ത്. ഒ​രു കു​ടും​ബ​ത്തി​ന് വേ​ണ്ടി12 ല​ക്ഷം രൂ​പ​വീ​തം 6.12 കോ​ടി രൂ​പ​യാ​ണ്ആ​കെ നി​ർ​മാ​ണ തു​ക. ബ്ലോ​ക്ക് പ​ഞ്ചാ​യ​ത്തി​ന്റെ 2017-18 വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് വ​സ്‌​തു വാ​ങ്ങു​ന്ന​തി​ന് 64 ല​ക്ഷം അ​നു​വ​ദി​ച്ച​ത്. 2018-19 വാ​ർ​ഷി​ക​പ​ദ്ധ​തി​യി​ൽ ഭ​വ​ന സ​മു​ച്ച​യ​ത്തി​ന്റെ ആ​രം​ഭ​ത്തി​നും ചു​റ്റു​മ​തി​ലി​നു​മാ​യി 74 ല​ക്ഷ​വും അ​നു​വ​ദി​ച്ചു. തു​ട​ർ​പ്ര​വ​ർ​ത്ത​ന​ത്തി​ന് ബ്ലോ​ക്കി​ന്റെ ത​ന​ത് ഫ​ണ്ടും ചെ​ല​വ​ഴി​ച്ചു.

ജൈ​വ ചു​റ്റു​മ​തി​ൽ, സോ​ളാ​ർ വൈ​ദ്യു​തി, സ്വി​മ്മി​ങ്​ പൂ​ൾ, അം​ഗ​ൻ​വാ​ടി, വി​നോ​ദ​ത്തി​നും വി​ജ്ഞാ​ന​ത്തി​നു​മാ​യി മി​നി ചി​ൽ​ഡ്ര​സ് പാ​ർ​ക്ക്, കി​ൻ​ഡ​ർ ഗാ​ർ​ഡ​ൻ തു​ട​ങ്ങി​യ​വ​യെ​ല്ലാം ഉ​ൾ​പ്പെ​ട്ട​താ​ണ് ഫ്ലാ​റ്റ് സ​മു​ച്ച​യം. മൂ​ന്ന് ഫ്ലാ​റ്റ് സ​മു​ച്ച​യ​ങ്ങ​ളാ​ണ് പ​ണി ക​ഴി​പ്പി​ക്കു​ന്ന​ത്. 18 കു​ടും​ബ​ഗ​ങ്ങ​ൾ​ക്ക് താ​മ​സി​ക്കാ​വു​ന്ന ആ​ദ്യ ഫ്ലാ​റ്റ് സ​മു​ച്ച​യ​ത്തി​ന്‍റെ പ​ണി മാ​ത്ര​മാ​ണ് പൂ​ർ​ത്തി​യാ​കു​ന്ന​ത്. മ​റ്റ് ര​ണ്ടെ​ണ്ണ​ത്തി​ൽ ഒ​രെ​ണ്ണം നി​ർ​മാ​ണം തു​ട​ങ്ങി​യെ​ങ്കി​ലും പാ​തി​വ​ഴി​യി​ലാ​ണ്. മ​റ്റൊ​ന്ന്​ അ​ടി​സ്ഥാ​നം മാ​ത്ര​മാ​യി നി​ൽ​ക്കു​ക​യാ​ണ്. ഒ​രു ഓ​ണ​ക്കാ​ലം കൂ​ടി പ​ടി​വാ​തി​ക്ക​ൽ വ​ന്നു​നി​ൽ​ക്കെ വാ​ഗ്ദാ​ന ലം​ഘ​ന​ത്തി​ന്‍റെ അ​ഞ്ചാം വ​ർ​ഷം കൂ​ടി​യാ​ണ് ക​ട​ന്നു​പോ​കു​ന്ന​ത്.