തെരഞ്ഞെടുപ്പ് വാഗ്ദാനങ്ങളുടെ ചെളിക്കളമായി പോങ്ങനാട് ഗ്രൗണ്ട്​

കി​ളി​മാ​നൂ​ർ: തെ​ര​ഞ്ഞെ​ടു​പ്പ് വാ​ഗ്ദാ​ന ലം​ഘ​ന​ങ്ങ​ൾ തു​ട​ർ​ക്ക​ഥ​യാ​കു​മ്പോ​ൾ യു​വാ​ക്ക​ളു​ടെ കാ​യി​ക​സ്വ​പ്ന​ങ്ങ​ൾ ത​ക​ർ​ന്ന​ടി​യു​ന്നു. ക​ഴി​ഞ്ഞ പ​ഞ്ചാ​യ​ത്ത് തെ​ര​ഞ്ഞെ​ടു​പ്പു കാ​ല​ത്ത് യു​വാ​ക്ക​ൾ​ക്ക് ന​ൽ​കി​യ വാ​ഗ്ദാ​നം നാ​ല് വ​ർ​ഷ​ത്തി​നി​പ്പു​റ​വും വാ​ഗ്ദാ​ന​മാ​യി​ത​ന്നെ തു​ട​രു​ന്നു. വ​രു​ന്ന തെ​ര​ഞ്ഞെ​ടു​പ്പി​ലെ ‘തു​റു​പ്പു​ചീ​ട്ടും’ ഇ​താ​കാം. പോ​ങ്ങ​നാ​ട് ക​ള്ളി​ക്കാ​ട് ഏ​ലാ​യു​ടെ ത​ല​ക്കു​ള​മാ​യി​രു​ന്ന വാ​ഴോ​റ​ചി​റ മൂ​ന്ന​ര പ​തി​റ്റാ​ണ്ട് മു​മ്പ് നി​ക​ത്തി​യാ​ണ് കി​ളി​മാ​നൂ​ർ പ​ഞ്ചാ​യ​ത്തി​ലെ പോ​ങ്ങ​നാ​ട് ക​വ​ല​യി​ൽ പ​ഞ്ചാ​യ​ത്ത് ഗ്രൗ​ണ്ട്​ നി​ർ​മി​ച്ച​ത്. ക​വ​ല​യോ​ട് ചേ​ർ​ന്നാ​ണ് ഗ്രൗ​ണ്ട്.

കാ​ലാ​കാ​ല​ങ്ങ​ളാ​യി ന​വീ​ക​ര​ണ​ത്തി​ന് ഫ​ണ്ട​നു​വ​ദി​ച്ച​താ​യി പ്ര​ഖ്യാ​പ​നം വ​ന്നെ​ങ്കി​ലും ഒ​ന്നും യാ​ഥാ​ർ​ഥ്യ​മാ​യി​ല്ല. ജി​ല്ല പ​ഞ്ചാ​യ​ത്ത് മു​ൻ ഭ​ര​ണ​സ​മി​തി​യു​ടെ കാ​ല​ത്ത് വെ​ള്ള​ക്കെ​ട്ട് ഒ​ഴി​വാ​ക്കാ​ൻ വ​ശ​ങ്ങ​ളി​ൽ സം​ര​ക്ഷ​ണ​ഭി​ത്തി കെ​ട്ടി​യ​താ​ണ് ഒ​ടു​വി​ൽ ന​ട​ന്ന ന​വീ​ക​ര​ണം. ഇ​തി​നൊ​പ്പം നി​ർ​മി​ക്കു​മെ​ന്ന് പ്ര​ഖ്യാ​പി​ച്ചി​രു​ന്ന ഗ്യാ​ല​റി, ന​ട​പ്പാ​ത എ​ന്നി​വ​യെ​ല്ലാം പ്ര​ഖ്യാ​പ​ന​ങ്ങ​ൾ മാ​ത്ര​മാ​യി.

ഒ​രു വേ​ന​ൽ​മ​ഴ പെ​യ്യു​ന്ന​തോ​ടെ സ്റ്റേ​ഡി​യം നി​റ​യെ വെ​ള്ള​ക്കെ​ട്ടാ​വും. പ്ര​ദേ​ശ​ത്തെ ക്രി​ക്ക​റ്റ്, ഫു​ട്​​ബോ​ൾ, വോ​ളി​ബോ​ൾ പ്രേ​മി​ക​ളാ​യ യു​വാ​ക്ക​ൾ അ​ന്ന് ക​ളി​ച്ചു​വ​ള​ർ​ന്ന​ത് ഇ​വി​ടെ​യാ​ണ്. വേ​ന​ലി​ലെ ഏ​താ​നും മാ​സ​ങ്ങ​ൾ മാ​ത്ര​മാ​ണ് ക​ളി​ക്ക​ളം ഉ​പ​യോ​ഗി​ക്കാ​ൻ ക​ഴി​യു​ക. മ​ഴ പെ​യ്യു​ന്ന സ​മ​യ​ങ്ങ​ളി​ലെ​ല്ലാം വെ​ള്ള​ക്കെ​ട്ടും ന​ല്ല മ​ഴ​ക്കാ​ല​മാ​വു​മ്പോ​ൾ ചെ​ളി​യും. പ​ഞ്ചാ​യ​ത്തി​ലെ വി​വി​ധ​യി​ട​ങ്ങ​ളി​ലെ നി​ർ​മാ​ണ​ങ്ങ​ൾ​ക്ക് നീ​ക്കം ചെ​യ്യു​ന്ന മ​ണ്ണ് കൊ​ണ്ടി​ട്ടാ​ണ് പ്ര​ത​ലം ഉ​യ​ർ​ത്തി​യ​ത്. ഇ​ത് ശ​രി​യാ​യി നി​ര​പ്പാ​ക്കാ​ത്ത​തി​നാ​ൽ കു​ണ്ടും കു​ഴി​ക​ളു​മാ​ണ്.

പോ​ങ്ങ​നാ​ട് ഗ​വ. യു.​പി സ്കൂ​ളി​നെ ഹൈ​സ്ക്കൂ​ളാ​ക്കി ഉ​യ​ർ​ത്തി​യ​പ്പോ​ൾ കു​ട്ടി​ക​ൾ​ക്ക് മ​തി​യാ​യ സൗ​ക​ര്യ​ങ്ങ​ളു​ള്ള ക​ളി​സ്ഥ​ല​മാ​യി ഈ ​സ്റ്റേ​ഡി​യ​മാ​ണ് നി​ർ​ദ്ദേ ശി​ക്ക​പ്പെ​ട്ടി​രു​ന്ന​ത്.

സ്ക്കൂ​ൾ പ്ര​വ​ർ​ത്ത​ന​മാ​രം​ഭി​ച്ച് പ​തി​റ്റാ​ണ്ട് പി​ന്നി​ട്ടി​ട്ടും ക​ളി​സ്ഥ​ലം മാ​ത്രം ന​വീ​ക​രി ക്ക​പ്പെ​ട്ടി​ല്ല. സ്ക്കൂ​ളി​ൽ ക​വാ​ടം, ക​ളി​സ്ഥ​ലം ഉ​ൾ​പ്പ​ടെ നി​ർ​മി​ക്കാ​ൻ ജി​ല്ല പ​ഞ്ചാ​യ​ത്ത് ഫ​ണ്ട് അ​നു​വ​ദി​ച്ച​തി​ൽ കു​റ​ച്ച്​ തു​ക ചെ​ല​വി​ട്ട് വ​ശ​ങ്ങ​ളി​ൽ സം​ര​ക്ഷ​ണ ഭി​ത്തി നി​ർ​മി​ച്ചു. നി​ർ​മാ​ണം പൂ​ർ​ത്തീ​ക​രി​ക്കാ​ൻ തു​ക പ​ര്യാ​പ്ത​മ​ല്ലാ​ത്ത​തി​നാ​ൽ ബാ​ക്കി തു​ക സ്കൂ​ളി​നാ​ണ് ചെ​ല​വി​ട്ട​ത്.

ശാ​സ്ത്രീ​യ മാ​ർ​ഗ്ഗ​ങ്ങ​ൾ ഉ​പ​യോ​ഗി​ച്ച് വെ​ള്ള​ക്കെ​ട്ട് ഒ​ഴി​വാ​ക്കാ​നോ, സ്റ്റേ​ഡി​യ​മെ​ന്ന നി​ല​യി​ൽ മ​തി​യാ​യ സൗ​ക​ര്യ​ങ്ങ​ളൊ​രു​ക്കി ന​വീ​ക​രി​ക്കാ​നോ ന​ട​പ​ടി​യു​ണ്ടാ​യി​ല്ല. ബ്ലോ​ക്ക് പ​ഞ്ചാ​യ​ത്ത് ന​വീ​ക​ര​ണ​ത്തി​ന് ഫ​ണ്ട​നു​വ​ദി​ച്ച് ടെ​ൻ​ഡ​ർ ക്ഷ​ണി​ച്ചെ​ങ്കി​ലും ക​രാ​റെ​ടു​ക്കാ​ൻ ആ​രു​മു​ണ്ടാ​യി​ല്ല. സ്റ്റേ​ഡി​യം ന​വീ​ക​രി​ക്കാ​ൻ പ​ര്യാ​പ്ത​മാ​യ തു​ക ഇ​നി ആ​ര് അ​നു​വ​ദി​ച്ച് ന​ൽ​കു​മെ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്.