ജില്ല ഫുട്ബാൾ ലീഗ്; പൂവാർ എന്നാൽ ഫ്ലവറല്ല, ഫയർ

തി​രു​വ​ന​ന്ത​പു​രം: എ​ന്നും കാ​ൽ​പ​ന്തി​നെ സ്നേ​ഹി​ച്ച​വ​രു​ടെ നാ​ട്, കാ​റ്റ് നി​റ​ച്ച പ​ന്തി​ന് പി​ന്നാ​ലെ പൂ​ഴി​മ​ണ്ണി​ൽ നി​ലം​തൊ​ടാ​തെ ഓ​ടി ക​ളി​പ​ഠി​ച്ച​വ​ർ, ഒ​ടു​വി​ൽ ജി​ല്ല ഫു​ട്ബാ​ൾ ലീ​ഗി​ൽ എ​തി​രാ​ളി​ക​ളു​ടെ വ​ല​ക്കു​ള്ളി​ൽ ഗോ​ളു​കൊ​ണ്ട് സു​നാ​മി തീ​ർ​ത്ത​പ്പോ​ൾ പൂ​വാ​ർ എ​സ്.​ബി.​എ​ഫ്.​എ​യി​ലെ ഫു​ട്ബാ​ൾ ഭ്രാ​ന്ത​ന്മാ​രെ കാ​ത്തി​രു​ന്ന​ത് ഇ ​ഡി​വി​ഷ​നി​ലെ സു​വ​ർ​ണ കി​രീ​ടം.

ഓ​രോ ക​ളി​യും എ​തി​രാ​ളി​ക​ളെ മാ​ന​സി​ക​മാ​യി ത​ക​ർ​ത്താ​ണ് പൂ​വാ​ർ ഇ ​ഡി​വി​ഷ​നി​ലെ രാ​ജാ​ക്ക​ന്മാ​രാ​യ​ത്. നാ​ലു​ക​ളി​യി​ൽ നി​ന്ന് 73 ഗോ​ളു​ക​ളാ​ണ് പൂ​വാ​റി​ന്‍റെ ചു​ണ​ക്കു​ട്ടി​ക​ൾ അ​ടി​ച്ചു​കൂ​ട്ടി​യ​ത്. തി​രി​കെ വാ​ങ്ങി​യ​താ​കാ​ട്ടെ കേ​വ​ലം മൂ​ന്ന് ഗോ​ളു​ക​ൾ മാ​ത്രം. മു​കു​ന്ദ​ൻ​സ് എ​ഫ്.​സി​യെ 25-0നും ​അ​ന​ന്ത​പു​രി എ​ഫ്.​സി​യെ 27-2 നും ​ത​ക​ർ​ത്ത വി​ജ​യ​ങ്ങ​ൾ ജി​ല്ല ലീ​ഗി​ലെ ത​ന്നെ എ​ക്കാ​ല​ത്തെ​യും ച​രി​ത്ര​മാ​ണ്.

നാ​ട്ടി​ലെ ഏ​താ​നും ചെ​റു​പ്പ​ക്കാ​ർ ചേ​ർ​ന്ന് 14 വ​ർ​ഷം മു​ൻ​പ് പൂ​വാ​റി​ൽ ആ​രം​ഭി​ച്ച അ​ക്കാ​ദ​മി ഇ​തി​ന​കം സൃ​ഷ്ടി​ച്ച​ത് എ​ണ്ണ​മ​റ്റ ദേ​ശീ​യ താ​ര​ങ്ങ​ളെ​യും ആ​റ് സ​ന്തോ​ഷ് ട്രോ​ഫി താ​ര​ങ്ങ​ളെ​യു​മാ​ണ്. വി​വി​ധ സ​ർ​വ​ക​ലാ​ശാ​ല ടീ​മു​ക​ളി​ലാ​യി ഇ​വി​ടു​ത്തെ 30ഓ​ളം താ​ര​ങ്ങ​ളു​ണ്ട്. ജി​ല്ല ലീ​ഗി​ൽ എ​ലൈ​റ്റ് ഡി​വി​ഷ​നി​ൽ ക​ളി​ക്കു​ന്ന എ​സ്.​ബി.​ഐ, കെ.​എ​സ്.​ഇ.​ബി തു​ട​ങ്ങി​യ വ​കു​പ്പു​ത​ല ടീ​മു​ക​ളി​ലു​മു​ണ്ട് ഒ​രു ഡ​സ​നോ​ളം പേ​ർ.

മു​ൻ സ​ന്തോ​ഷ് ട്രോ​ഫി ക്യാ​പ്ട​ൻ നി​ജോ ഗി​ൽ​ബ​ർ​ട്, ജോ​ൺ​പോ​ൾ ജോ​സ്, ബ​ൽ​ജി​ൻ ബോ​ൾ​സ്റ്റ​റൊ​ക്കെ പൂ​വാ​ർ എ​സ്.​ബി.​എ​ഫ്.​എ അ​ക്കാ​ദ​മി​യു​ടെ സം​ഭാ​വ​ന​ക​ളാ​ണ്. മ​ൻ​ഡ്രി അ​ണ്ട​ർ -20 ച​ല​ഞ്ച് സീ​രി​സി​നു വേ​ണ്ടി​യു​ള്ള ഇ​ന്ത്യ​ൻ ടീ​മി​ൽ ഇ​ടം നേ​ടി​യ സു​ജി​നും ഐ ​ലീ​ഗി​ൽ ഗോ​കു​ലം എ​ഫ്.​സി​യു​ടെ താ​ര​മാ​യ രാ​ഹു​ൽ രാ​ജു​വു​മ​ട​ക്കം പ​ന്തു​ത​ട്ടി​വ​ള​ർ​ന്ന​ത് ഈ ​അ​ക്കാ​ദ​മി​യി​ൽ നി​ന്നു​ത​ന്നെ. ക​ഴി​ഞ്ഞ വ​ർ​ഷം തി​രു​വ​ന​ന്ത​പു​ര​ത്തി​നാ​യി അ​ണ്ട​ർ 20 ടീ​മി​ൽ ക​ളി​ച്ച 11 പേ​രി​ൽ ക്യാ​പ്ട​ൻ ടി​നു ബാ​ബു അ​ട​ക്കം ഏ​ഴു​പേ​ർ പൂ​വാ​ർ അ​ക്കാ​ദ​മി​യു​ടെ കു​ട്ടി​ക​ളാ​യി​രു​ന്നു .

പൂ​വാ​ർ ഇ​ട​വ​ക വി​ട്ടു​ന​ൽ​കി​യ അ​ഞ്ചു പേ​ർ​ക്കു മാ​ത്രം ക​ളി​ക്കാ​വു​ന്ന ചെ​റി​യ ഗ്രൗ​ണ്ടി​ൽ 70 പേ​രു​മാ​യി​ട്ടാ​യി​രു​ന്നു ആ​ദ്യ​കാ​ല​ത്തെ പ​രി​ശീ​ല​നം. പി​ന്നീ​ട് നാ​ട്ടു​കാ​ർ സ്വ​രൂ​പി​ച്ച് ന​ൽ​കി​യ ഏ​ഴ് ല​ക്ഷം രൂ​പ കൊ​ണ്ട് സ​ജ്ജ​മാ​ക്കി​യ ഗ്രൗ​ണ്ടി​ലേ​ക്കു പ​രി​ശീ​ല​നം വി​പു​ല​മാ​ക്കി​യെ​ങ്കി​ലും 2021 മേ​യി​ൽ ടൗ​ട്ടേ ചു​ഴ​ലി​ക്കാ​റ്റി​ൽ ഈ ​ഗ്രൗ​ണ്ടി​ന്‍റെ കാ​ൽ​ഭാ​ഗ​വും ഒ​ലി​ച്ചു​പോ​യി. ഒ​ടു​വി​ൽ ഏ​ഴു​പേ​ർ​ക്ക് ക​ളി​ക്കാ​വു​ന്ന ഗ്രൗ​ണ്ടി​ൽ നി​ന്നു​കൊ​ണ്ടാ​ണ് ജി​ല്ല ഇ ​ഡി​വി​ഷ​ൻ വി​ജ​യി​ക​ളാ​യ​ത്.

ആ​റു വ​യ​സ്സു മു​ത​ൽ സീ​നി​യ​ർ ത​ലം വ​രെ 250 ആ​ഴ്ച​യി​ൽ ആ​റു ദി​വ​സ​വും രാ​വി​ലെ​യും വൈ​കീ​ട്ടു​മാ​ണ് പ​രി​ശീ​ല​നം. രാ​ജ്യ​ത്തി​നും കേ​ര​ള​ത്തി​നും ഫു​ട്ബാ​ൾ പ്ര​തി​ഭ​ക​ളെ സ​മ്മാ​നി​ക്കു​മ്പോ​ഴും സാ​മ്പ​ത്തി​ക പ്ര​യാ​സ​ത്തി​ൽ വീ​ർ​പ്പു​മു​ട്ടു​ക​യാ​ണ് അ​ക്കാ​ദ​മി. കു​ട്ടി​ക​ളി​ൽ ന​ല്ലൊ​രു ശ​ത​മാ​ന​വും മ​ത്സ്യ​ത്തൊ​ഴി​ലാ​ളി കു​ടും​ബ​ത്തി​ൽ നി​ന്ന് വ​രു​ന്ന​തി​നാ​ൽ സൗ​ജ​ന്യ​മാ​യാ​ണ് പ​ല​രെ​യും പ​രി​ശീ​ലി​പ്പി​ക്കു​ന്ന​ത്.

കെ.​എ​സ്.​എ​ഫ്.​ഇ യി​ൽ നി​ന്ന് ചി​ട്ടി പി​ടി​ച്ചും നാ​ടി​ന്‍റെ ആ​ഘോ​ഷ​മാ​യി സം​ഘ​ടി​പ്പി​ക്കു​ന്ന വാ​ർ​ഷി​ക സെ​വ​ൻ​സ് ഫു​ട്ബോ​ൾ ടൂ​ർ​ണ​മെ​ന്റി​ലൂ​ടെ​യാ​ണ് അ​ക്കാ​ദ​മി​യു​ടെ പ്ര​വ​ർ​ത്ത​ന​ങ്ങ​ൾ​ക്കു​ള്ള ഫ​ണ്ട് മു​ഖ്യ​മാ​യും ക​ണ്ടെ​ത്തു​ന്ന​ത്. ടൂ​ർ​ണ​മെ​ന്‍റു​ക​ൾ ജ​യി​ച്ചു​കി​ട്ടു​ന്ന തു​ക​കൊ​ണ്ടാ​ണ് ക​ട​ങ്ങ​ൾ വീ​ട്ടു​ന്ന​തെ​ന്ന് ടീം ​മാ​നേ​ജ​ർ റീ​ഗ​ൻ 'മാ​ധ്യ​മ'​ത്തോ​ട് പ​റ​ഞ്ഞു.

കൂ​ടാ​തെ മാ​സം തോ​റും നാ​ട്ടി​ലെ പ്ര​വാ​സി​ക​ളി​ൽ ചി​ല​രും സ​ർ​ക്കാ​ർ ജീ​വ​ന​ക്കാ​രും ടീ​മി​നാ​യി ന​ൽ​കു​ന്ന സം​ഭാ​വ​ന​യാ​ണ് ഇ​പ്പോ​ഴും സീ​നി​യ​ർ, ജൂ​നി​യ​ർ ടീ​മി​നെ മു​ന്നോ​ട്ടു​ന​യി​ക്കു​ന്ന​ത്. സാ​മ്പ​ത്തി​ക സ​ഹാ​യ​ത്തി​നാ​യി പ​ല​ത​വ​ണ സ​ർ​ക്കാ​ർ ഓ​ഫീ​സു​ക​ൾ ക​യ​റി​യി​റ​ങ്ങി​യെ​ങ്കി​ലും ഒ​ന്നും ശ​രി​യാ​യി​ല്ല. ജി​ല്ല ലീ​ഗി​ലെ സൂ​പ്പ​ർ വി​ജ​യ​ങ്ങ​ൾ അ​ധി​കാ​രി​ക​ളു​ടെ ക​ണ്ണ് തു​റ​പ്പി​ക്കു​മെ​ന്ന പ്ര​തീ​ക്ഷ​യി​ലാ​ണ് പൂ​വാ​ർ എ​സ്.​ബി.​എ​ഫ്.​എ​യി​ലെ കു​ട്ടി​ക​ൾ.