ജല അതോറിറ്റി വിജിലൻസിൽ തസ്തിക വെട്ടിച്ചുരുക്കുന്നു

തി​രു​വ​ന​ന്ത​പു​രം: ജ​ൽ​ജീ​വ​ൻ മി​ഷ​ന​ട​ക്കം ​കോ​ടി​ക​ളു​ടെ പ​ദ്ധ​തി​ക​ൾ ന​ട​പ്പാ​ക്കു​ന്ന​തി​നി​ടെ ജ​ല ​അ​തോ​റി​റ്റി​യി​ലെ വി​ജി​ല​ൻ​സ്​ വി​ഭാ​ഗ​ത്തെ ദു​ർ​ബ​ല​മാ​ക്കി പ്ര​ധാ​ന ത​സ്തി​ക​ക​ൾ വെ​ട്ടി​ച്ചു​രു​ക്കാ​ൻ നീ​ക്കം. അ​സി. എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ​മാ​രു​ടെ എ​ണ്ണം കു​റ​ക്കാ​നു​ള്ള ച​ര​ടു​വ​ലി​ക​ളാ​ണ് ന​ട​ക്കു​ന്ന​ത്. വി​ജി​ല​ൻ​സി​ൽ ഒ​രു ഡെ​പ്യൂ​ട്ടി ചീ​ഫ് എ​ൻ​ജി​നീ​യ​റും ഒ​രു എ​ക്സി​ക്യൂ​ട്ടീ​വ് എ​ൻ​ജി​നീ​യ​റും മൂ​ന്ന് അ​സി. എ​ക്സി​ക്യൂ​ട്ടീ​വ് എ​ൻ​ജി​നീ​യ​റും മി​നി​സ്റ്റീ​രി​യ​ൽ വി​ഭാ​ഗ​ത്തി​ലു​ള്ള ഏ​താ​നും ഉ​ദ്യോ​ഗ​സ്ഥ​രു​മാ​ണു​ള്ള​ത്.

പു​തി​യ പ​ദ്ധ​തി​ക​ൾ ജ​ല അ​തോ​റി​റ്റി ഏ​റ്റെ​ടു​ക്കു​ന്നെ​ന്ന പേ​രി​ലാ​ണ്​ ഒ​രു അ​സി​സ്റ്റ​ന്റ് എ​ക്സി​ക്യൂ​ട്ടീ​വ് എ​ൻ​ജി​നീ​യ​റു​ടെ ത​സ്തി​ക മാ​റ്റാ​നു​ള്ള അ​ടി​യ​ന്ത​ര ശ്ര​മം. വി​ജി​ല​ൻ​സ്​ വി​ഭാ​ഗ​ത്തി​ന്‍റെ ഡെ​പ്യൂ​ട്ടി ചീ​ഫ് എ​ൻ​ജി​നീ​യ​റെ പു​തി​യ സ​ർ​ക്കി​ൾ രൂ​പ​വ​ത്ക​രി​ച്ച് മാ​റ്റാ​നും ആ​ലോ​ച​ന​യു​ണ്ട​ത്രെ. നേ​ര​ത്തേ സീ​നി​യ​ർ സൂ​പ്ര​ണ്ടി​ന്റെ ത​സ്തി​ക വി​ജി​ല​ൻ​സ് വി​ഭാ​ഗ​ത്തി​ൽ​നി​ന്ന് ഒ​ഴി​വാ​ക്കി കാ​യം​കു​ള​ത്തേ​ക്ക് മാ​റ്റി​യി​രു​ന്നു.

വി​ജി​ല​ൻ​സി​ന്‍റെ ചി​റ​ക​രി​യു​ന്ന വി​ഷ​യ​ത്തി​ൽ അ​സോ​സി​യേ​ഷ​ൻ ഓ​ഫ്​ കേ​ര​ള വാ​ട്ട​ർ അ​തോ​റി​റ്റി ഓ​ഫി​സേ​ഴ്​​സ്​ ക​ഴി​ഞ്ഞ ദി​വ​സം മാ​നേ​ജി​ങ്​ ഡ​യ​റ​ക്ട​ർ​ക്ക്​ ക​ത്ത്​ ന​ൽ​കി​യെ​ങ്കി​ലും തു​ട​ർ​ന​ട​പ​ടി​ക​ളു​മാ​യി മാ​നേ​ജ്​​മെ​ന്‍റ്​ മു​ന്നോ​ട്ടു​പോ​കു​ന്ന​താ​യാ​ണ്​ സൂ​ച​ന.

വി​ജി​ല​ൻ​സ് ക​മ്മി​റ്റി​യു​ടെ അ​ന്തി​മ തീ​രു​മാ​നം കാ​ത്ത് 600ൽ​പ​രം ഫ​യ​ലു​ക​ൾ ശേ​ഷി​ക്കു​ന്നെ​ന്നാ​ണ്​ ക​ണ​ക്ക്. സം​സ്ഥാ​ന വി​ജി​ല​ൻ​സ് ആ​ൻ​ഡ് ആ​ന്റി ക​റ​പ്ഷ​ൻ ബ്യൂ​റോ​യു​ടേ​ത​ട​ക്കം അ​ഴി​മ​തി അ​ന്വേ​ഷ​ണ​ങ്ങ​ളി​ൽ സം​യു​ക്ത​മാ​യി സ്ഥ​ല​പ​രി​ശോ​ധ​ന​യും റി​പ്പോ​ർ​ട്ട് ത​യാ​റാ​ക്ക​ലും ഉ​ൾ​പ്പെ​ടെ ജോ​ലി​ക​ൾ ചെ​യ്തു​വ​രു​ന്ന​ത് ജ​ല അ​തോ​റി​റ്റി​യി​ലെ വി​ജി​ല​ൻ​സ്​ വി​ഭാ​ഗ​മാ​ണ്. കെ.​എ​സ്.​ഇ.​ബി ഉ​ൾ​​പ്പെ​ടെ പൊ​തു​മേ​ഖ​ല സ്ഥാ​പ​ന​ങ്ങ​ളും വി​ജി​ല​ൻ​സ്​ വി​ഭാ​ഗം എ​ൻ​ജി​നീ​യ​ർ​മാ​ര​ട​ക്ക​മു​ള്ള​വ​രെ ഉ​ൾ​പ്പെ​ടു​ത്തി ശ​ക്​​തി​പ്പെ​ടു​ത്തു​​​​​​​​മ്പോ​ഴാ​ണ്​ ഇ​വി​ടെ ത​ള​ർ​ത്താ​നു​ള്ള ശ്ര​മം.

ജ​ൽ​ജീ​വ​ൻ മി​ഷ​ൻ പ​ദ്ധ​തി​യു​ടെ ഭാ​ഗ​മാ​യി നാ​ൽ​പ​തി​നാ​യി​രം കോ​ടി​യു​ടെ പ​ദ്ധ​തി​ക​ൾ ന​ട​ന്നു​വ​രി​ക​യാ​ണ്. ഇ​വ​യു​ടേ​ത​ട​ക്കം സു​താ​ര്യ​ത​യും ഗു​ണ​നി​ല​വാ​ര​വും ഉ​റ​പ്പു​വ​രു​ത്താ​ൻ വി​ജി​ല​ൻ​സ് പ​രി​ശോ​ധ​ന സം​വി​ധാ​നം ശ​ക്തി​പ്പെ​ടു​ത്തേ​ണ്ട​തു​ണ്ട്. ഈ ​ഘ​ട്ട​ത്തി​ൽ വി​ജി​ല​ൻ​സി​നെ ത​ള​ർ​ത്തു​ന്ന​തി​ന്​ പി​ന്നി​ൽ നി​ക്ഷി​പ്ത താ​ൽ​പ​ര്യ​ങ്ങ​ളു​ണ്ടെ​ന്ന ആ​രോ​പ​ണം ശ​ക്ത​മാ​ണ്.