ഉൽപ്പാദനം വർധിച്ചു, വിപണിയിൽ വില ഉയരാതെ കഷ്ടത്തിലായി ഇഞ്ചി കർഷകർ

ക​ല്‍പ​റ്റ: ഇ​ഞ്ചി​യു​ടെ വി​ല വ​ർ​ധി​ക്കാ​ത്ത​ത് ആ​യി​ര​ക്ക​ണ​ക്കി​ന് ക​ർ​ഷ​ക​ർ​ക്ക് തി​രി​ച്ച​ടി​യാ​കു​ന്നു. മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് നി​ല​വി​ൽ മു​ട​ക്കു​മു​ത​ൽ പോ​ലും ല​ഭി​ക്കാ​ത്ത അ​വ​സ്ഥ​യാ​ണ് ഇ​ത്ത​വ​ണ. ഉ​ൽ​പാ​ദ​നം വ​ർ​ധി​ച്ച​ത് കാ​ര​ണം വി​പ​ണ​യി​ൽ ഇ​ഞ്ചി യ​ഥേ​ഷ്ടം ല​ഭി​ക്കു​ന്ന​തും ആ​വ​ശ്യ​ക്കാ​രു​ടെ എ​ണ്ണം കു​റ​ഞ്ഞ​തു​മാ​ണ് ഇ​ഞ്ചി വി​ല ഇ​ടി​യാ​ൻ കാ​ര​ണം. ഇ​ത​ര സം​സ്ഥാ​ന​ങ്ങ​ളി​ല്‍ ഭൂ​മി പാ​ട്ട​ത്തി​നെ​ടു​ത്ത് ആ​യി​ര​ക്ക​ണ​ക്കി​നാ​ളു​ക​ളാ​ണ് ഇ​ഞ്ചി​ക്കൃ​ഷി ന​ട​ത്തു​ന്ന​ത്. നി​ല​വി​ല്‍ മു​ട​ക്കു​മു​ത​ല്‍ പോ​ലും കി​ട്ടാ​ത്ത സ്ഥി​തി​യി​ലാ​ണ് ഇ​ഞ്ചി​ക്ക​ര്‍ഷ​ക​ര്‍ക്ക്.

ഇ​ത​ര സം​സ്ഥാ​ന​ങ്ങ​ളി​ല്‍ ത​ദ്ദേ​ശീ​യ ഇ​ഞ്ചി​ക്കൃ​ഷി​ക്കാ​രു​ടെ എ​ണ്ണം ഇ​ത്ത​വ​ണ കു​തി​ച്ചു​യ​ർ​ന്ന​ത് വി​പ​ണ​യി​ൽ ഇ​ഞ്ചി സു​ല​ഭ​മാ​യി ല​ഭി​ക്കു​ന്ന​തി​ന് കാ​ര​ണ​മാ​യി. ക​ര്‍ണാ​ട​ക മാ​ര്‍ക്ക​റ്റു​ക​ളി​ല്‍ ഇ​ഞ്ചി ചാ​ക്കി​ന് (60 കി​ലോ​ഗ്രാം)1,500-1,550 രൂ​പ​യാ​ണ് നി​ല​വി​ലു​ള്ള വി​ല. എ​ന്നാ​ൽ ക​ർ​ഷ​ക​ന് ഇ​തി​ന്റെ ഇ​ര​ട്ടി​യോ​ളം ആ​ണ് ഉ​ത്പാ​ദ​ന​ച്ചെ​ല​വ്. ക​ഴി​ഞ്ഞ വ​ര്‍ഷം ഈ ​സീ​സ​ണി​ൽ ചാ​ക്കി​ന് ശ​രാ​ശ​രി 6,000 രൂ​പ വി​ല ഇ​ഞ്ചി​ക്ക് ല​ഭി​ച്ചി​രു​ന്നു.

വി​പ​ണി​ക​ളി​ല്‍ ഇ​ഞ്ചി ല​ഭ്യ​ത വ​ർ​ധി​ച്ച​താ​ണ് വി​ല ഉ​യ​രാ​ത്ത​തി​നു കാ​ര​ണ​മെ​ന്ന് മു​ട്ടി​ലി​ലി​ലെ വ്യാ​പാ​രി​യാ​യ ഹ​നീ​ഫ പ​റ​ഞ്ഞു. ക​ര്‍ണാ​ട​ക, ത​മി​ഴ്‌​നാ​ട്, മ​ഹാ​രാ​ഷ്ട്ര, മ​ധ്യ​പ്ര​ദേ​ശ്, ആ​ന്ധ്ര, ഗോ​വ, ഛത്തീ​സ്ഗ​ഡ് സം​സ്ഥാ​ന​ങ്ങ​ളു​ടെ ഭാ​ഗ​ങ്ങ​ളി​ല്‍ ത​ദ്ദേ​ശീ​യ​ര്‍ വ്യാ​പ​ക​മാ​യി ഇ​ത്ത​വ​ണ കൃ​ഷി ഇ​റ​ക്കി​യി​ട്ടു​ണ്ട്. മാ​ര​ന്‍ ഇ​നം ഇ​ഞ്ചി വ​ലി​യ വി​ല​ക്കു​റ​വി​ലാ​ണ് വി​പ​ണി​ക​ളി​ല്‍ വി​ല്‍പ​ന​ക്ക് എ​ത്തു​ന്ന​ത്. ക​ര്‍ണാ​ട​ക​യി​ല്‍ കൂ​ര്‍ഗ്, മൈ​സൂ​രു, ഷി​മോ​ഗ, ഹാ​സ​ന്‍, ചാ​മ​രാ​ജ്‌​ന​ഗ​ര്‍, ഹു​ബ്ലി, മാ​ണ്ഡ്യ തു​ട​ങ്ങി​യ ജി​ല്ല​ക​ളി​ലാ​ണ് മ​ല​യാ​ളി​ക​ള്‍ പ്ര​ധാ​ന​മാ​യും ഭൂ​മി പാ​ട്ട​ത്തി​നെ​ടു​ത്ത് ഇ​ഞ്ചി​ക്കൃ​ഷി ന​ട​ത്തു​ന്ന​ത്. ധ​ന​കാ​ര്യ സ്ഥാ​പ​ന​ങ്ങ​ളി​ൽ നി​ന്നും ല​ക്ഷ​ങ്ങ​ൾ വാ​യ്പ​യെ​ടു​ത്താ​ണ് പ​ല​രും കൃ​ഷി​യി​റ​ക്കി​യ​ത്. ഒ​രേ​ക്ക​ര്‍ ക​ര​ഭൂ​മി​ക്കു 60,000 മു​ത​ല്‍ ഒ​രു ല​ക്ഷം രൂ​പ വ​രെ പാ​ട്ട​ത്തി​നെ​ടു​ത്താ​ണ് ക​ര്‍ണാ​ട​ക​യി​ല്‍ മ​ല​യാ​ളി​ക​ൾ കൃ​ഷി ന​ട​ത്തു​ന്ന​ത്. മി​ക​ച്ച ഉ​ത്പാ​ദ​ന​വും ചാ​ക്കി​നു 4,000 രൂ​പ​യി​ല്‍ കു​റ​യാ​തെ വി​ല​യും ല​ഭി​ച്ചാ​ലേ കൃ​ഷി ലാ​ഭ​ക​ര​മാ​കൂ. ഈ ​സ്ഥാ​ന​ത്താ​ണ് 1600 രൂ​പ ല​ഭി​ക്കു​ന്ന​ത്.