വിശ്വനാഥന് നീതി വൈകുന്നു

ക​ൽ​പ​റ്റ: ഭാ​ര്യ​യു​ടെ പ്ര​സ​വ​ത്തി​ന് കൂ​ട്ടി​രി​ക്കാ​നെ​ത്തി, കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പ​രി​സ​ര​ത്തെ മ​ര​ക്കൊ​മ്പി​ൽ ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ വി​ശ്വ​നാ​ഥ​ൻ എ​ന്ന ആ​ദി​വാ​സി യു​വാ​വി​ന് നീ​തി ഇ​നി​യു​മ​ക​ലെ. ഭാ​ര്യ​ക്കൊ​പ്പം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​യ ക​ൽ​പ​റ്റ അ​ഡ​ലേ​ഡ് സ്വ​ദേ​ശി വി​ശ്വ​നാ​ഥ​ൻ ആ​ൾ​ക്കൂ​ട്ട വി​ചാ​ര‍ണ​യു​ടെ ഇ​ര​യാ​യാ​ണ് ആ​ത്മ​ഹ​ത്യ ചെ​യ്ത​തെ​ന്ന് ബ​ന്ധു​ക്ക​ളും വി​വി​ധ സം​ഘ​ട​ന​ക​ളും തെ​ളി​വു​ക​ൾ സ​ഹി​തം ആ​രോ​പി​ക്കു​മ്പോ​ഴും ഇ​തി​ലൊ​ന്നും വ​ലി​യ ക​ഴ​മ്പി​ല്ല​ന്ന പൊ​ലീ​സി​ന്റ ക​ണ്ടെ​ത്ത​ലു​ക​ൾ ശ​രി​വെ​ക്കാ​നാ​ണ് ഭ​ര​ണ​കൂ​ട​ത്തി​നും താ​ൽ​പ​ര്യം.

സ​ഹോ​ദ​ര​ൻ വി​നോ​ദ് അ​നു​ജ​ന​ന്റെ നീ​തി​ക്കു​വേ​ണ്ടി കോ​ട​തി വ​രാ​ന്ത ക​യ​റി​യി​റ​ങ്ങാ​ൻ തു​ട​ങ്ങി​യി​ട്ട് ര​ണ്ട​ര വ​ർ​ഷ​മാ​യെ​ങ്കി​ലും നീ​തി​ദേ​വ​ത ക​നി​ഞ്ഞി​ല്ല. 2023 ഫെ​ബ്രു​വ​രി 11നാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് വ​ള​പ്പി​ൽ വി​ശ്വ​നാ​ഥ​നെ തൂ​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. തു​ട​ർ​ന്ന് ഡി​വൈ.​എ​സ്.​പി അ​ബ്ദു​ൽ വ​ഹാ​ബി​ന്റെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ൽ വി​ശ്വ​നാ​ഥ​ന്റെ മ​ര​ണം ആ​ൾ​ക്കൂ​ട്ട വി​ചാ​ര​ണ​യെ തു​ട​ർ​ന്ന​ല്ലെ​ന്ന് ക്രൈം​ബ്രാ​ഞ്ച് ക​ണ്ടെ​ത്തി​യ​തോ​ടെ​യാ​ണ് അ​ന്വേ​ഷ​ണം നീ​തി പൂ​ർ​വ​മ​ല്ലെ​ന്നും തു​ട​ര​ന്വേ​ഷ​ണം ന​ട​ത്ത​ണ​മെ​ന്നും ആ​വ​ശ്യ​പ്പെ​ട്ട് ബ​ന്ധു​ക്ക​ൾ കോ​ട​തി ക​യ​റി​യ​ത്.

കോ​ഴി​ക്കോ​ട് ജി​ല്ല പ്രി​ന്‍സി​പ്പ​ല്‍ കോ​ട​തി​യി​ൽ 14 ത​വ​ണ​യാ​ണ് വി​ധി പ​റ​യാ​ൻ മാ​ത്രം കേ​സ് മാ​റ്റി​വെ​ച്ച​ത്. വാ​ദ​വും മ​റു​വാ​ദ​വും തെ​ളി​വു​ക​ളും രേ​ഖ​ക​ള്‍ സ​മ​ർ​പ്പി​ക്ക​ലു​മൊ​ക്കെ​യാ​യി പ​തി​വു​ന​ട​പ​ടി​ക്ര​മ​ങ്ങ​ള്‍ എ​ല്ലാം ക​ഴി​ഞ്ഞ കേ​സി​ല്‍ ഉ​ത്ത​ര​വു പ​റ​യു​ന്ന​തി​നു മാ​ത്ര​മാ​യാ​ണ് ഏ​ഴു​മാ​സ​ത്തി​നു​ള്ളി​ൽ 14 ത​വ​ണ മാ​റ്റി​യ​ത്. വി​ശ്വ​നാ​ഥ​ന് നീ​തി ല​ഭി​ക്കു​മെ​ന്ന പ്ര​തീ​ക്ഷ​യി​ൽ ര​ണ്ടി​ല​ധി​കം പ്രാ​വ​ശ്യം ഭാ​ര്യ ബി​ന്ദു​വും കൈ​ക്കു​ഞ്ഞും അ​വ​രു​ടെ മാ​താ​വും കോ​ട​തി​യി​ലെ​ത്തി​യി​രു​ന്നു. ഹ​ര​ജി​ക്കാ​ര​നാ​യ സ​ഹോ​ദ​ര​ന്‍ വി​നോ​ദ് കോ​ഴി​ക്കോ​ട്ടേ​ക്കു​ള്ള വ​ണ്ടി​ക്കൂ​ലി ആ​രോ​ടെ​ങ്കി​ലും ക​ടം വാ​ങ്ങി ഓ​രോ ത​വ​ണ​യും കോ​ട​തി വ​രാ​ന്ത​യി​ലെ​ത്തു​മ്പോ​ൾ ഇ​ന്നു തീ​രു​മാ​ന​മാ​കു​മെ​ന്ന പ്ര​തീ​ക്ഷ​യി​ലാ​ണു​ണ്ടാ​വു​ക. ക​ഴി​ഞ്ഞ 21ന് ​കേ​സ് പ​രി​ഗ​ണി​ച്ച​പ്പോ​ഴും ഹ​ര​ജി​ക്കാ​രു​ടെ ആ​വ​ശ്യം അം​ഗീ​ക​രി​ക്കു​ന്നു​വെ​ന്നോ നി​ര​സി​ക്കു​ന്നു​വെ​ന്നോ പ​റ​യു​മെ​ന്ന് പ്ര​തീ​ക്ഷി​ച്ചെ​ങ്കി​ലും അ​ടു​ത്ത മാ​സം നാ​ലി​ലേ​ക്ക് മാ​റ്റു​ക​യാ​യി​രു​ന്നു.

വി​ശ്വ​നാ​ഥ​നെ മ​രി​ച്ച​നി​ല​യി​ൽ ക​ണ്ടെ​ത്തി​യ​തി​ന്റെ ത​ലേ ദി​വ​സം രാ​ത്രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ​െവ​ച്ച് മോ​ഷ​ണ​ക്കു​റ്റം ആ​രോ​പി​ച്ച് സെ​ക്യൂ​രി​റ്റി ഡ്യൂ​ട്ടി​യി​ലു​ണ്ടാ​യി​രു​ന്ന​വ​രും മ​റ്റും ചേ​ർ​ന്ന് മ​ർ​ദി​ച്ച​താ​യി അ​ന്നു ത​ന്നെ ബ​ന്ധു​ക്ക​ൾ ആ​രോ​പി​ച്ചി​രു​ന്നു. ചി​ല​ർ വി​ശ്വ​നാ​ഥ​നെ ചോ​ദ്യം ചെ​യ്ത​തി​ലു​ള്ള മ​നോ​വി​ഷ​മ​മാ​ണ് ആ​ത്മ​ഹ​ത്യ​ക്ക് കാ​ര​ണ​മെ​ന്ന് വി​വി​ധ സം​ഘ​ട​ന​ക​ളും ആ​രോ​പി​ച്ചു. അ​ന്വേ​ഷ​ണ സം​ഘം ബ​ന്ധു​ക്ക​ളു​ടെ മൊ​ഴി പൂ​ർ​ണ​മാ​യി രേ​ഖ​പ്പെ​ടു​ത്തു​ക​യോ ആ​ശു​പ​ത്രി​യി​ലെ സി.​സി ടി.​വി ദൃ​ശ്യ​ങ്ങ​ൾ കൃ​ത്യ​മാ​യി പ​രി​ശോ​ധി​ക്കു​ക​യോ ചെ​യ്തി​ല്ലെ​ന്നാ​യി​രു​ന്നു പ്ര​ധാ​ന ആ​രോ​പ​ണം. സം​ഭ​വ സ​മ​യ​ത്ത് ഉ​ണ്ടാ​യി​രു​ന്ന സെ​ക്യൂ​രി​റ്റി ജീ​വ​ന​ക്കാ​ര​നെ ഉ​ൾ​പ്പെ​ടെ കൃ​ത്യ​മാ​യി ചോ​ദ്യം ചെ​യ്തി​ല്ലെ​ന്ന പ​രാ​തി​ക​ളും ബ​ന്ധു​ക്ക​ൾ കോ​ട​തി​യി​ൽ ഉ​ന്ന​യി​ച്ചി​രു​ന്നു.

വി​ശ്വ​നാ​ഥ​ൻ ജീ​വ​നൊ​ടു​ക്കി​യ​ത് വ്യ​ക്തി​പ​ര​മാ​യ കാ​ര​ണ​ങ്ങ​ൾ കൊ​ണ്ടാ​ണെ​ന്നാ​ണ് ക്രൈം​ബ്രാ​ഞ്ച് ക​ഴി​ഞ്ഞ വ​ർ​ഷം ജ​നു​വ​രി​യി​ൽ കോ​ട​തി​യി​ൽ സ​മ​ർ​പ്പി​ച്ച അ​ന്തി​മ റി​പ്പോ​ർ​ട്ടി​ൽ പ​റ​ഞ്ഞി​രു​ന്ന​ത്. ആ​ദ്യം ലോ​ക്ക​ൽ പൊ​ലീ​സ് അ​ന്വേ​ഷി​ച്ച ദു​രൂ​ഹ മ​ര​ണം വ​ൻ വി​വാ​ദ​മാ​കു​ക​യും പ​ട്ടി​ക​ജാ​തി ഗോ​ത്ര ക​മീ​ഷ​ൻ ഉ​ൾ​പ്പെ​ടെ വി​ഷ​യ​ത്തി​ൽ പൊ​ലി​സി​നെ രൂ​ക്ഷ​മാ​യി വി​മ​ർ​ശി​ക്കു​ക​യും ചെ​യ്ത​തോ​ടെ​യാ​ണ് ക്രൈം​ബ്രാ​ഞ്ച് ആ​ന്വേ​ഷ​ണ​ത്തി​ന് സ​ർ​ക്കാ​ർ ഉ​ത്ത​ര​വി​ട്ട​ത്. വെ​റു​തെ ഒ​രാ​ള്‍ തൂ​ങ്ങി മ​രി​ച്ചു എ​ന്നാ​ണോ നി​ങ്ങ​ള്‍ പ​റ​യു​ന്ന​തെ​ന്നാ​യി​രു​ന്നു ക​മീ​ഷ​ന്റെ ചോ​ദ്യം.

നി​റം ക​റു​പ്പാ​യ​തി​നാ​ലും വ​സ്ത്ര​ധാ​ര​ണം മോ​ശ​മാ​യ​തി​നാ​ലും യു​വാ​വി​നെ പ​രി​ഹ​സി​ച്ചി​ട്ടു​ണ്ടാ​കാ​മെ​ന്നും ക​മീ​ഷ​ന്‍ അ​ഭി​പ്രാ​യ​പ്പെ​ട്ടി​രു​ന്നു. വി​ശ്വ​നാ​ഥ​ന്റെ ഭാ​ര്യ ബി​ന്ദു​വി​ന് താ​ൽ​ക്കാ​ലി​ക ജോ​ലി ഉ​ൾ​പ്പെ​ടെ വാ​ഗ്ദാ​നം ചെ​യ്തി​രു​ന്നെ​ങ്കി​ലും അ​തൊ​ക്കെ​യും ജ​ല​രേ​ഖ​യാ​യി. അ​തേ​സ​മ​യം, ഇ​നി​യും വി​ധി പ​റ​യാ​ൻ വൈ​കു​ന്ന പ​ക്ഷം ഹൈ​കോ​ട​തി​യെ സ​മീ​പി​ക്കാ​നൊ​രു​ങ്ങു​ക​യാ​ണ് സം​ഘ​ട​ന​ക​ൾ.