ചാ​ലി​ഗ​ദ്ധ​യി​ൽ കാ​ട്ടാ​ന​ വി​ള​യാ​ട്ടം; വ്യാ​പ​ക കൃ​ഷി​നാ​ശം

മാ​ന​ന്ത​വാ​ടി: ചാ​ലി​ഗ​ദ്ധ​യി​ൽ കാ​ട്ടാ​ന വ്യാ​പ​ക​മാ​യി കൃ​ഷി ന​ശി​പ്പി​ച്ചു. ഏ​റെ കൊ​ട്ടി​ഘോ​ഷി​ച്ച് ന​ട​പ്പാ​ക്കി​യ കയർവേലിയും ത​ക​ർ​ത്താ​ണ് കാ​ട്ടാ​ന​ക്കൂ​ട്ടം മാ​ന​ന്ത​വാ​ടി ന​ഗ​ര​സ​ഭ​യി​ലെ പ​തി​മൂ​ന്നാം ഡി​വി​ഷ​നി​ൽ​പ്പെ​ട്ട ചാ​ലി​ഗ​ദ്ധ​യി​ൽ വ്യ​പ​ക​മാ​യി കൃ​ഷി ന​ശി​പ്പി​ച്ച​ത്. 2017 മു​ത​ലു​ള്ള ജ​ന​ങ്ങ​ളു​ടെ മു​റ​വി​ളി​ക​ൾ​ക്കൊ​ടു​വി​ലാ​ണ് മൂ​ന്ന​ര​ക്കോ​ടി രൂ​പ മു​ട​ക്കി പാ​ൽ വെ​ളി​ച്ചം മു​ത​ൽ കൂ​ട​ൽ​ക്ക​ട​വ് വ​രെ കയർവേലിസ്ഥാ​പി​ച്ച​ത്.

അ​ടു​ത്ത കാ​ല​ത്താ​ണ് നി​ർ​മാ​ണം പൂ​ർ​ത്തി​യാ​യ​ത്. പി​ന്നാ​ലെ കാ​ട്ടാ​ന​ക്കൂ​ട്ട​മെ​ത്തി വേ​ലി ച​വി​ട്ടി ന​ശി​പ്പി​ച്ചു. പ​ന്ത്ര​ണ്ട് മീ​റ്റ​റോ​ളം ദൂ​രം വേ​ലി ന​ശി​പ്പി​ച്ച കാ​ട്ടാ​ന​ക​ൾ കൃ​ഷി​യി​ട​ത്തി​ലേ​ക്കി​റ​ങ്ങു​ക​യാ​യി​രു​ന്നു. പാ​പ്പി​നി​ശ്ശേ​രി ടി​ജി ജോ​ൺ​സ​ൺ, തോ​മ​സ്, ഒ​ഴു​ക​യി​ൽ നി​ർ​മ്മ​ല, തൊ​ട്ടി​യി​ൽ ര​വി എ​ന്നി​വ​രു​ടെ തോ​ട്ട​ങ്ങ​ളി​ലെ വാ​ഴ, കാ​പ്പി, ക​വു​ങ്ങ്, തെ​ങ്ങ് എ​ന്നി​വ ന​ശി​പ്പി​ച്ചു. പ​ട​ക്കം പൊ​ട്ടി​ച്ചെ​റി​ഞ്ഞാ​ണ് നാ​ട്ടു​കാ​ർ ആ​ന​ക​ളെ തു​ര​ത്തി​യ​ത്.

കു​റു​വ ദ്വീ​പി​ൽ​നി​ന്നാ​ണ് ആ​ന​ക​ൾ ഇ​വി​ടേ​ക്ക് എ​ത്തു​ന്ന​ത്. വ​നം വ​കു​പ്പി​നെ വി​വ​ര​മ​റി​യി​ച്ചി​ട്ടും ന​ട​പ​ടി ഉ​ണ്ടാ​യി​ല്ലെ​ന്ന് നാ​ട്ടു​കാ​ർ ആ​രോ​പി​ച്ചു. നി​ർ​മാ​ണ​ത്തി​ലെ അ​ഴി​മ​തി​മൂ​ലം കാ​ര്യ​ക്ഷ​മ​മ​ല്ലാ​തെ​യാ​ണ് കയർവേലി സ്ഥാ​പി​ച്ച​തെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. ഇ​താ​ണ് കാ​ട്ടാ​ന​ക​ൾ വേ​ലി ത​ക​ർ​ക്കാ​ൻ കാ​ര​ണം. ബ​ല​മി​ല്ലാ​ത്ത തൂ​ണു​ക​ള​ട​ക്ക​മാ​ണ് ഉ​പ​യോ​ഗി​ച്ച​ത്. അ​തു​കൊ​ണ്ടാ​ണ് കാ​ട്ടാ​ന​ക​ൾ​ക്ക് എ​ളു​പ്പ​ത്തി​ൽ വേ​ലി ത​ക​ർ​ക്കാ​നാ​യ​ത്. നി​ർ​മാ​ണ​ത്തി​ലെ അ​ഴി​മ​തി അ​ന്വേ​ഷി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.