ചൂ​ര​ൽ​മ​ല​യി​ൽ ചൂ​ട​റി​ഞ്ഞ പ്ര​തി​ഷേ​ധം

ചൂ​ര​ൽ​മ​ല: ഉ​രു​ൾ ദു​ര​ന്ത​ത്തി​നി​ര​യാ​യ ഒ​രു വി​ഭാ​ഗ​ത്തെ സ​ർ​ക്കാ​ർ അ​വ​ഗ​ണി​ക്കു​ക​യാ​ണെ​ന്ന് ആ​രോ​പി​ച്ച് തൊ​ഴി​ലാ​ളി​ക​ൾ ചൂ​ര​ൽ​മ​ല​യി​ൽ ന​ട​ത്തി​യ പ്ര​തി​ഷേ​ധം മ​ണി​ക്കൂ​റു​ക​ൾ നീ​ണ്ടു. രാ​വി​ലെ വ​ന​റാ​ണി എ​സ്റ്റേ​റ്റി​ൽ ജോ​ലി​ക്ക് പോ​യ 150ഓ​ളം തൊ​ഴി​ലാ​ളി​ക​ൾ റോ​ഡി​ൽ വെ​ള്ളം ക​യ​റി​യ​തോ​ടെ ബെ​യ്‍ലി പാ​ല​ത്തി​ന​പ്പു​റ​ത്ത് കു​ടു​ങ്ങി​യി​രു​ന്നു. നാ​ട്ടു​കാ​രും സ​ന്ന​ദ്ധ പ്ര​വ​ർ​ത്ത​ക​രും ചേ​ർ​ന്നാ​ണ് ഇ​വ​രെ വാ​ഹ​ന​ങ്ങ​ളി​ൽ ബെ​യ്‍ലി പാ​ല​ത്തി​നി​പ്പു​റ​മെ​ത്തി​ച്ച​ത്. തു​ട​ർ​ന്നാ​ണ് ഉ​രു​ൾ ദു​ര​ന്ത​ത്തി​നി​ര​യാ​യ ത​ങ്ങ​ളെ സ​ർ​ക്കാ​ർ അ​വ​ഗ​ണി​ക്കു​ക​യാ​ണെ​ന്നും ആ​നു​കൂ​ല്യ​ങ്ങ​ൾ നി​ഷേ​ധി​ക്കു​ന്നു​വെ​ന്നും ആ​രോ​പി​ച്ച് ബെ​യ്‍ലി പാ​ല​ത്തി​ൽ ഉ​ദ്യോ​ഗ​സ്ഥ​രെ​യു​ൾ​പ്പെ​ടെ ത​ട​ഞ്ഞ് പ്ര​തി​ഷേ​ധ​മാ​രം​ഭി​ച്ച​ത്.

വെ​ള്ള​രി​മ​ല വി​ല്ലേ​ജ് ഓ​ഫി​സ​റെ​യും വൈ​ത്തി​രി ത​ഹ​സി​ൽ​ദാ​ർ കു​മാ​രി വി. ​ബി​ന്ദു, സ്പെ​ഷ​ൽ ഓ​ഫി​സ​ർ അ​ശ്വി​ൻ കു​മാ​ർ ഉ​ൾ​പ്പെ​ടെ​യു​ള്ള ഉ​ദ്യോ​ഗ​സ്ഥ​രെ​യും തൊ​ഴി​ലാ​ളി​ക​ൾ ത​ട​ഞ്ഞ​തോ​ടെ പി​ന്തു​ണ​യു​മാ​യും പ്ര​ദേ​ശ​വാ​സി​ക​ളും ചേ​ർ​ന്ന​തോ​ടെ ചൂ​ര​ൽ​മ​ല​യി​ൽ പ്ര​തി​ഷേ​ധം ആ​ളി​ക്ക​ത്തി. ജോ​ലി​ക്ക് പോ​കാ​ൻ പോ​ലും ക​ഴി​യാ​ത്ത ത​ങ്ങ​ളെ ഗോ ​സോ​ൺ മേ​ഖ​ല​യി​ലു​ൾ​പ്പെ​ടു​ത്തി ആ​നു​കൂ​ല്യ​ങ്ങ​ൾ നി​ഷേ​ധി​ക്കു​ക​യാ​ണെ​ന്നാ​ണ് പ്ര​തി​ഷേ​ധ​ക്കാ​രു​ടെ ആ​രോ​പ​ണം. ഉ​രു​ൾ​പൊ​ട്ട​ൽ ഭീ​ഷ​ണിമൂ​ലം എ​സ്റ്റേ​റ്റി​ൽ ജോ​ലി​ക്ക് ക​ഴി​യാ​ത്ത ത​ങ്ങ​ൾ​ക്ക് നേ​ര​ത്തേ ന​ൽ​കി​യി​രു​ന്ന 300 രൂ​പ ദി​വ​സ വേ​ത​നം പു​ന​രാ​രം​ഭി​ക്ക​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു പ്ര​തി​ഷേ​ധം. കൂ​ടാ​തെ സു​ര​ക്ഷി​ത​മ​ല്ലാ​ത്ത സ്ഥ​ല​ങ്ങ​ൾപോ​ലും സു​ര​ക്ഷി​ത​മെ​ന്നു പ​റ​ഞ്ഞ് ജ​ന​ങ്ങ​ളെ താ​മ​സി​പ്പി​ച്ചെ​ന്നും നാ​ട്ടു​കാ​ർ പ​റ​യു​ന്നു.

പ്ര​തി​ഷേ​ധം ശ​ക്ത​മാ​യ​തോ​ടെ കൂ​ടു​ത​ൽ സേ​ന സ്ഥ​ല​ത്തെ​ത്തി. ഇ​വ​രെയും നാ​ട്ടു​കാ​ർ ത​ട​ഞ്ഞു. മ​ണി​ക്കൂ​റു​ക​ളോ​ളം ത​ഹ​സി​ൽ​ദാ​ർ ഉ​ൾ​പ്പെ​ടെ​യു​ള്ള​വ​രെ തൊ​ഴി​ലാ​ളി​ക​ൾ ത​ട​ഞ്ഞു. ബെ​യ്‍ലി പാ​ല​ത്തി​ൽ​നി​ന്ന് പു​റ​ത്തേ​ക്കെ​ത്തി​യ ത​ഹ​സി​ൽ​ദാ​റെ റോ​ഡി​ലും ത​ട​ഞ്ഞ് പോ​കാ​ൻ പ്ര​തി​ഷേ​ധ​ക്കാ​ർ അ​നു​വ​ദി​ച്ചി​ല്ല. ജി​ല്ല ക​ല​ക്ട​ർ സ്ഥ​ല​ത്തെ​ത്തി വി​ഷ​യം പ​രി​ഹ​രി​ക്കാ​തെ പ്ര​തി​ഷേ​ധം അ​വ​സാ​നി​പ്പി​ക്കി​ല്ലെ​ന്നാ​യി​രു​ന്നു സ​മ​ര​ക്കാ​രു​ടെ നിലപാട്. തു​ട​ർ​ന്ന് നാ​ല​ര​യോ​ടെ സ്ഥ​ല​ത്തെ​ത്തി​യ എ.​ഡി.​എം കെ. ​ദേ​വ​കി നാ​ട്ടു​കാ​രു​മാ​യി സം​സാ​രി​ച്ചാ​ണ് ഏ​ഴ് മ​ണി​ക്കൂ​ർ നീ​ണ്ട സ​മ​ര​മ​വ​സാ​നി​പ്പി​ച്ച​ത്. മേ​പ്പാ​ടി പ​ഞ്ചാ​യ​ത്തി​ലെ 10, 11, 12 വാ​ർ​ഡു​ക​ളി​ലെ ദു​രി​ത​ബാ​ധി​ത​ർ​ക്ക് ദി​വ​സ​വേ​ത​നം ന​ൽ​കാ​മെ​ന്നു​ള്ള ഉ​റ​പ്പി​ന്മേ​ലാ​ണ് സ​മ​രം അ​വ​സാ​നി​ച്ച​ത്.

മാ​ധ്യ​മ​ങ്ങ​ൾ തെ​റ്റാ​യ വാ​ർ​ത്ത​ക​ൾ ന​ൽ​ക​രു​ത് -ക​ല​ക്ട​ർ

ക​ൽ​പ​റ്റ: മാ​ധ്യ​മ​ങ്ങ​ൾ ജ​ന​ങ്ങ​ളി​ൽ പ​രി​ഭ്രാ​ന്തി​യും ഭീ​തി​യു​മു​ണ്ടാ​ക്കു​ന്ന ത​ര​ത്തി​ലു​ള്ള വാ​ർ​ത്ത​ക​ൾ ന​ൽ​ക​രു​തെ​ന്ന് ജി​ല്ല ക​ല​ക്ട​ർ ഡി.​ആ​ർ. മേ​ഘ​ശ്രീ. ജി​ല്ല​യി​ലെ കാ​ലാ​വ​സ്ഥ സം​ബ​ന്ധി​ച്ച കാ​ര്യ​ങ്ങ​ൾ സൂ​ക്ഷ്മ​മാ​യി വി​ല​യി​രു​ത്തു​ക​യും ഏ​തു സാ​ഹ​ച​ര്യ​വും നേ​രി​ടാ​നു​ള്ള ത​യാ​റെ​ടു​പ്പു​ക​ളും സ​ർ​ക്കാ​റും ജി​ല്ല ഭ​ര​ണ​കൂ​ട​വും ന​ട​ത്തു​ന്നു​ണ്ട്. തെ​റ്റാ​യ വാ​ർ​ത്ത​ക​ൾ ന​ൽ​കു​ന്ന​ത് ജി​ല്ല​യു​ടെ ടൂ​റി​സം മേ​ഖ​ല​യെ​യും വ്യാ​പാ​ര വാ​ണി​ജ്യ പ്ര​വ​ർ​ത്ത​ന​ങ്ങ​ളേ​യും സാ​ര​മാ​യി ബാ​ധി​ക്കും.

മ​ഴ​യു​ടെ അ​ള​വ് ജി​ല്ല​യു​ടെ എ​ല്ലാ ഭാ​ഗ​ങ്ങ​ളി​ലും രേ​ഖ​പ്പെ​ടു​ത്തു​ന്നു​ണ്ട്. ഉ​ദ്യോ​ഗ​സ്ഥ​ർ​ക്കാ​വ​ശ്യ​മാ​യ നി​ർ​ദേ​ശ​ങ്ങ​ളും ന​ൽ​കു​ന്നു​ണ്ട്. എ​ല്ലാ മു​ന്ന​റി​യി​പ്പു​ക​ളും ഇ​ൻ​ഫ​ർ​മേ​ഷ​ൻ വ​കു​പ്പ് മു​ഖേ​ന ന​ൽ​കും. ഔ​ദ്യോ​ഗി​ക കൃ​ത്യ​നി​ർ​വ​ഹ​ണം ന​ട​ത്തു​ന്ന ഉ​ദ്യോ​ഗ​സ്ഥ​രെ അ​ക്ര​മി​ക്കു​ക​യോ കൈ​യേ​റ്റം ചെ​യ്യു​ക​യോ കൃ​ത്യനി​ർ​വ​ഹ​ണം ത​ട​സ​പ്പെ​ടു​ത്തു​ക​യോ ചെ​യ്യു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കും. തെ​റ്റാ​യ വാ​ർ​ത്ത​ക​ൾ ന​ൽ​കു​ന്ന​വ​ർ​ക്കെ​തി​രെ​യും നി​യ​മ ന​ട​പ​ടി സ്വീ​ക​രി​ക്കു​മെ​ന്നും ജി​ല്ല ക​ല​ക്ട​ർ അ​റി​യി​ച്ചു.

നി​ര​വ​ധി ജീ​വ​നു​ക​ൾ പൊ​ലി​ഞ്ഞി​ട്ടും ഒ​ന്നും പ​ഠി​ക്കാ​തെ

ഉ​രു​ൾ ദു​ര​ന്ത​ത്തി​ൽ അ​നേ​കം ജീ​വ​നു​ക​ളും ജീ​വി​ത സ​മ്പാ​ദ്യ​ങ്ങ​ളും ന​ഷ്ട​മാ​യി​ട്ടും മു​ണ്ട​ക്കൈ ചൂ​ര​ൽ​മ​ല പ്ര​ദേ​ശ​വാ​സി​ക​ളു​ടെ കാ​ര്യ​ത്തി​ൽ അ​ധി​കൃ​ത​ർ നി​സ്സം​ഗ​ത തു​ട​രു​ന്നു. ദു​ര​ന്ത സാ​ധ്യ​താ മേ​ഖ​ല​ക​ളി​ലെ മ​ഴ​യ​ള​വ് കൃ​ത്യ​മാ​യി ശേ​ഖ​രി​ക്കു​ന്ന​തി​നു​ള്ള ന​ട​പ​ടി​ക​ള്‍ ഇ​പ്പോ​ഴും മെ​ല്ലെ​പ്പോ​ക്കി​ലാ​ണ്.

മ​ഴ​മാ​പി​നി​ക​ള്‍ വി​ത​ര​ണം ചെ​യ്ത​ല്ലാ​തെ ഔ​ദ്യോ​ഗി​ക​മാ​യി മ​ഴ​യ​ള​വ് ശേ​ഖ​രി​ച്ച് സു​ര​ക്ഷാ മു​ന്‍ക​രു​ത​ല്‍ ന​ട​പ​ടി​ക​ള്‍ സ്വീ​ക​രി​ക്കു​ന്ന​തി​ന് ഇ​തു​വ​രെ​യും ന​ട​പ​ടി​യാ​യി​ട്ടി​ല്ല. മു​ണ്ട​ക്കൈ, അ​ട്ട​മ​ല പ്ര​ദേ​ശ​ങ്ങ​ളി​ൽ ജോ​ലി​ക്ക് പോ​യ​വ​ര്‍ ദു​ര​ന്ത​മേ​ഖ​ല​യി​ല്‍ കു​ടു​ങ്ങി​യ​തി​ന് കാ​ര​ണം മു​ന്ന​റി​യി​പ്പ് ന​ൽ​കാ​ത്ത​തി​നാ​ലാ​ണ്. ജ​ന​വാ​സ മേ​ഖ​ല​ക​ളി​ലെ മ​ഴ​യ​ള​വ് ശേ​ഖ​രി​ക്കു​ന്ന​ത് ഉ​രു​ൾ​പൊ​ട്ട​ലി​ന്‍റെ പ്ര​ഭ​വ കേ​ന്ദ്ര​മാ​കു​ന്ന വ​ന​മേ​ഖ​ല​യി​ലെ മ​ഴ​യെ അ​ള​ക്കാ​ൻ ക​ഴി​യി​ല്ലെ​ന്നാ​ണ് പ​റ​യു​ന്ന​ത്. ര​ണ്ടു സ്ഥ​ല​ങ്ങ​ളി​ലും മ​ഴ​യ​ള​വ് വ്യ​ത്യ​സ്ത​മാ​കു​മ്പോ​ൾ ദു​ര​ന്ത​സാ​ധ്യ​താ മേ​ഖ​ല​ക​ളി​ലെ വ​ന​മേ​ഖ​ല​ക​ളി​ല്‍ നി​ന്നു​ള്ള മ​ഴ​യ​ള​വ് കൃ​ത്യ​മാ​യി ശേ​ഖ​രി​ച്ച് ആ​വ​ശ്യ​മാ​യ മു​ന്‍ക​രു​ത​ല്‍ സ്വീ​ക​രി​ക്കു​ക​യാ​ണ് വേ​ണ്ട​ത്.

ഹ്യൂം ​സെ​ന്റ​ര്‍ ഫോ​ര്‍ ഇ​ക്കോ​ള​ജി ആ​ന്‍ഡ് വൈ​ല്‍ഡ് ലൈ​ഫ് ബ​യോ​ള​ജി​യു​ടെ ക​ണ​ക്ക് പ്ര​കാ​രം 100 മി​ല്ലി​മീ​റ്റ​ര്‍ മ​ഴ​യാ​ണ് മു​ണ്ട​ക്കൈ ഭാ​ഗ​ത്ത് ബു​ധ​നാ​ഴ്ച രാ​വി​ലെ അ​വ​സാ​ന​ത്തെ 24 മ​ണി​ക്കൂ​റി​ല്‍ ല​ഭി​ച്ച​ത്. എ​ന്നാ​ല്‍ ജി​ല്ല ഭ​ര​ണ​കൂ​ട​ത്തി​ന്റെ ഔ​ദ്യോ​ഗി​ക പ​ട്ടി​ക​യി​ല്‍ ഈ ​അ​ള​വ് രേ​ഖ​പ്പെ​ടു​ത്തി​യി​ട്ടി​ല്ല. പ​ക​രം ചൂ​ര​ല്‍മ​ല​യോ​ട് ചേ​ര്‍ന്നു​ള്ള നീ​ലി​ക്കാ​പ്പ് പ്ര​ദേ​ശ​ത്തെ മ​ഴ​യ​ള​വാ​ണ് രേ​ഖ​പ്പെ​ടു​ത്തി​യി​ട്ടു​ള്ള​ത്. ഇ​വി​ടെ 68 മി.​മീ​റ്റ​ര്‍ മ​ഴ മാ​ത്ര​മാ​ണ് രേ​ഖ​പ്പെ​ടു​ത്തി​യ​ത്. മ​ഴ​യ​ള​വ് ശേ​ഖ​ര​ണ​വും വി​ല​യി​രു​ത്ത​ലു​ക​ളും കൃ​ത്യ​മ​ല്ലാ​ത്ത​ത് കാ​ര​ണ​മാ​ണ് 100 മി​ല്ലി​മീ​റ്റ​ര്‍ മ​ഴ പെ​യ്തി​ട്ടും മു​ണ്ട​ക്കൈ, ചൂ​ര​ല്‍മ​ല മേ​ഖ​ല​യി​ല്‍ പ്ര​ത്യേ​ക മു​ന്ന​റി​യി​പ്പ് ന​ല്‍കാ​ന്‍ അ​ധി​കൃ​ത​ര്‍ക്ക് ക​ഴി​യാ​തെ പോ​യ​തെ​ന്നാ​ണ് ആ​രോ​പ​ണം.

മു​ന്ന​റി​യി​പ്പ് ന​ൽ​കാ​തെ അ​ധി​കൃ​ത​ർ, തൊ​ഴി​ലാ​ളി​ക​ൾ ഭീ​തി​യി​ൽ

മേ​പ്പാ​ടി: ചൊ​വ്വാ​ഴ്ച രാ​ത്രി മു​ഴു​വ​ൻ നീ​ണ്ടു​നി​ന്ന ക​ന​ത്ത മ​ഴ​യെ​ത്തു​ട​ർ​ന്ന് മു​ണ്ട​ക്കൈ-​പു​ഞ്ചി​രി മ​ട്ടം മ​ല​യി​ൽ വീ​ണ്ടും മ​ണ്ണി​ടി​ച്ചി​ലും വെ​ള്ള​പ്പൊ​ക്ക​വും ഉ​ണ്ടാ​യ​തോ​ടെ തൊ​ഴി​ലാ​ളി​ക​ളാ​ണ് ഏ​റെ ഭീ​തി​യി​ലാ​യ​ത്. ബു​ധ​നാ​ഴ്ച ചൂ​ര​ൽ​മ​ല പു​ഴ​യി​ൽ (പു​ന്ന​പ്പു​ഴ) ക​ല​ങ്ങി​യ വെ​ള്ള​ത്തി​ന്‍റ കു​ത്തൊ​ഴു​ക്കു​ണ്ടാ​യി. അ​ട്ട​മ​ല തേ​യി​ല​ത്തോ​ട്ട​ത്തി​ലും മു​ണ്ട​ക്കൈ​ക്ക​പ്പു​റ​ത്തു​ള്ള റാ​ണി​മ​ല, വ​ന​റാ​ണി തോ​ട്ട​ങ്ങ​ളി​ലും നി​ര​വ​ധി തൊ​ഴി​ലാ​ളി​ക​ളാ​ണ് ദി​നേ​ന പ​ണി​ക്കു​പോ​കു​ന്ന​ത്.

തൊ​ഴി​ലാ​ളി​ക​ൾ പ്ര​ദേ​ശ​ത്ത് കു​ടു​ങ്ങിയെന്ന വി​വ​ര​ം പു​റ​ത്തു വ​ന്ന​തോ​ടെ നി​ര​വ​ധി പേ​ർ ചൂ​ര​ൽ മ​ല​യി​ലെ​ത്തി. റോ​ഡി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് തൊ​ഴി​ലാ​ളി​ക​ളെ വാ​ഹ​ന​ത്തി​ലാ​ണ് ചൂ​ര​മ​ല​യി​ലെ​ത്തി​ച്ച​ത്. യെ​ല്ലോ അ​ല​ർ​ട്ട് പ്ര​ഖ്യാ​പി​ച്ചു എ​ന്ന​ല്ലാ​തെ മ​റ്റൊ​രു മു​ന്ന​റി​യി​പ്പ് സം​വി​ധാ​ന​വും ദു​ര​ന്ത​മേ​ഖ​ല​യി​ലു​ണ്ടാ​യി​രു​ന്നി​ല്ല. ക​ന​ത്ത മ​ഴ മേ​ഖ​ല​യി​ൽ പെ​യ്തി​ട്ടും തൊ​ഴി​ലാ​ളി​ക​ൾ​ക്ക് മ​തി​യാ​യ മു​ന്ന​റി​യി​പ്പ് ന​ൽ​കാ​ത്ത​തി​നാ​ലാ​ണ് ജോ​ലി​ക്ക് പോ​യ​തെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. വ​രു​മാ​ന​ത്തി​ന് മ​റ്റ് വ​ഴി​ക​ളി​ല്ലാ​ത്ത​തി​നാ​ലാ​ണ് പ്ര​തി​കൂ​ല കാ​ലാ​വ​സ്ഥ​യി​ലും തൊ​ഴി​ലാ​ളി​ക​ൾ ജോ​ലി​ക്ക് പോ​കാ​ൻ നി​ർ​ബ​ന്ധി​ത​രാ​കു​ന്ന​ത്.