അറമലയിൽ കാട്ടാനകളുടെ വിളയാട്ടം; ജനം ഭീതിയിൽ

വൈ​ത്തി​രി: ല​ക്കി​ടി അ​റ​മ​ല പ്ര​ദേ​ശ​ത്ത് കാ​ട്ടാ​ന​ശ​ല്യം രൂ​ക്ഷ​ം. ദി​വ​സ​ങ്ങ​ളാ​യി വീ​ടു​ക​ളു​ടെ മു​റ്റ​ത്തെ​ത്തു​ന്ന ആ​ന​ക​ൾ ഭീ​ക​രാ​ന്ത​രീ​ക്ഷ​മാ​ണ് സൃ​ഷ്ടി​ക്കു​ന്ന​ത്. രാ​ത്രി​ ജ​ന​ങ്ങ​ൾ പു​റ​ത്തി​റ​ങ്ങാ​റി​ല്ല. ഇ​തി​നി​ടെ, ക​ഴി​ഞ്ഞ ദി​വ​സം മ​ദ്റ​സ​യി​ലേ​ക്ക് പോ​കു​ന്ന കു​ട്ടി​ക​ളെ ആ​ന ഓ​ടി​ച്ചി​രു​ന്നു.

മേ​പ്പാ​ടി റേ​ഞ്ചി​ന് കീ​ഴി​ലാ​ണ് അ​റ​മ​ല പ്ര​ദേ​ശം. ആ​ന​ക​ൾ സ്ഥി​ര​മാ​യി ത​മ്പ​ടി​ക്കു​ന്ന സ്ഥ​ലം കൂ​ടി​യാ​ണി​ത്. ക​ഴി​ഞ്ഞ​ദി​വ​സം അ​റ​മ​ല അ​ബ്ദു​റ​ഹ്മാ​ന്റെ വീ​ട്ടു​മു​റ്റ​ത്ത് ഉ​ൾ​പ്പെ​ടെ ആ​ന​യെ​ത്തി. ഈ ​ഭാ​ഗ​ങ്ങ​ളി​ൽ നേ​ര​ത്തേ വൈദ്യുതി വേലി ഉ​ണ്ടാ​യി​രു​ന്നു​വെ​ങ്കി​ലും ഇ​പ്പോ​ൾ എ​ല്ലാം ന​ശി​ച്ച അ​വ​സ്ഥ​യി​ലാ​ണ്.

ജി​ല്ല​യി​ൽ മേ​പ്പാ​ടി റേ​ഞ്ചി​ൽ മാ​ത്ര​മാ​ണ് വൈദ്യുതി വേലി പ്ര​വൃ​ത്തി ന​ട​ക്കാ​ത്ത​ത്. ആ​ദ്യം ടെ​ൻ​ഡ​ർ വി​ളി​ച്ചെ​ങ്കി​ലും ന​ട​ന്നി​ല്ല. വീ​ണ്ടും ക്ഷ​ണി​ക്കു​ക​യാ​ണെ​ന്നും തു​ട​ർ​ന്ന് ല​ക്കി​ടി മു​ത​ൽ വ​ടു​വ​ഞ്ചാ​ൽ വ​രെ​യു​ള്ള ഭാ​ഗ​ങ്ങ​ളി​ൽ പ്ര​വൃ​ത്തി തു​ട​ങ്ങു​മെ​ന്നും ഡി.​എ​ഫ്.​ഒ അ​റി​യി​ച്ചു.

മേ​പ്പാ​ടി റേ​ഞ്ചി​ന് കീ​ഴി​ലാ​ണ് ഇ​ത്ത​വ​ണ ആ​ന​ശ​ല്യം രൂ​ക്ഷ​മാ​യി​രി​ക്കു​ന്ന​ത്. ഇതിന് പ​രി​ഹാ​രം കാ​ണാ​ത്ത​പ​ക്ഷം ഡി.​എ​ഫ്.​ഒ ഓ​ഫി​സി​ന് മു​ന്നി​ൽ സ​മ​രം ന​ട​ത്താ​നാ​ണ് നാ​ട്ടു​കാ​രു​ടെ തീ​രു​മാ​നം.