Begin typing your search above and press return to search.
proflie-avatar
Login
exit_to_app
exit_to_app

സമ്പൂര്‍ണ ഇ-മാലിന്യമുക്ത ജില്ല; ശേഖരിച്ചത് 97.2 മെട്രിക് ടണ്‍ ഇ-മാലിന്യം

text_fields
bookmark_border
സമ്പൂര്‍ണ ഇ-മാലിന്യമുക്ത ജില്ല; ശേഖരിച്ചത് 97.2 മെട്രിക് ടണ്‍ ഇ-മാലിന്യം
cancel

കൽപറ്റ: ജില്ലയെ സമ്പൂര്‍ണ ഇ-മാലിന്യമുക്ത ജില്ലയാക്കുന്നതിനായി ജില്ല ശുചിത്വ മിഷന്റെയും ക്ലീന്‍ കേരള കമ്പനിയുടെയും ഏകോപനത്തിലൂടെ 97.2 മെട്രിക് ടണ്‍ ഇ-മാലിന്യം ശേഖരിച്ചു. സര്‍ക്കാര്‍ സ്ഥാപനങ്ങളില്‍നിന്ന് ക്ലീന്‍ കേരള കമ്പനി നേരിട്ടും വീടുകളില്‍നിന്ന് ഹരിതകര്‍മസേന മുഖേനയുമാണ് ഇ-മാലിന്യം ശേഖരിച്ചത്.

ജില്ലയിലെ 26 തദ്ദേശ സ്വയംഭരണ സ്ഥാപനങ്ങളില്‍നിന്ന് 38.46 മെട്രിക് ടണ്‍ ഇ-മാലിന്യവും വിവിധ സര്‍ക്കാര്‍ ഓഫിസുകള്‍, സ്‌കൂളുകളില്‍നിന്ന് 58.8 മെട്രിക് ടണ്‍ ഇ-മാലിന്യവുമാണ് ശേഖരിച്ചത്. മാലിന്യ ശേഖരണത്തില്‍ പങ്കെടുക്കാന്‍ കഴിയാത്ത സര്‍ക്കാര്‍ സ്ഥാപനങ്ങള്‍ക്കായി നവംബര്‍ ഒന്നു മുതല്‍ 10 വരെ കലക്ടറേറ്റില്‍ പ്രത്യേക സൗകര്യം ഒരുക്കിയിരുന്നു. വ്യക്തികള്‍ക്കും സ്വകാര്യ സ്ഥാപനങ്ങള്‍ക്കുമായി ജില്ലയിലെ തദ്ദേശ സ്വയംഭരണ സ്ഥാപനങ്ങളിലും ശേഖരണ സംവിധാനം ഏര്‍പ്പെടുത്തി. സര്‍ക്കാര്‍ സ്‌കൂളുകളെ കാമ്പയിനില്‍ പങ്കെടുപ്പിക്കുന്നതില്‍ കൈറ്റ് നിര്‍ണായക പങ്കുവഹിച്ചു. കൃഷിമന്ത്രി ടി. സിദ്ദീഖിന്റെ നിർദേശ പ്രകാരം 2026 സെപ്റ്റംബര്‍ 28ന് ആരംഭിച്ച ശേഖരണ പ്രവര്‍ത്തനങ്ങള്‍ വിവിധ ഘട്ടങ്ങളിലായാണ് നടന്നത്.

ശേഖരിച്ച ഇ-മാലിന്യത്തിന്റെ നീക്കം, ഗതാഗതം, തുടര്‍ കൈകാര്യം ചെയ്യല്‍ എന്നിവ ക്ലീന്‍ കേരള കമ്പനി ഏകോപിപ്പിച്ചു. ഇ-മാലിന്യം അലക്ഷ്യമായി ഉപേക്ഷിക്കുന്നത് തടയാന്‍ ശാസ്ത്രീയമായ ശേഖരണത്തിന്റെയും സംസ്‌കരണത്തിന്റെയും പ്രാധാന്യം പൊതുജനങ്ങളിലെത്തിക്കാന്‍ കാമ്പയിനിലൂടെ സാധിച്ചു.

ജില്ല ഭരണകൂടം, ശുചിത്വ മിഷന്‍, ക്ലീന്‍ കേരള കമ്പനി, കൈറ്റ്, തദ്ദേശ സ്വയംഭരണ സ്ഥാപനങ്ങള്‍, ഹരിതകര്‍മസേന, വിവിധ സര്‍ക്കാര്‍ വകുപ്പുകള്‍, വിദ്യാഭ്യാസ സ്ഥാപനങ്ങള്‍, പൊതുജനങ്ങള്‍ എന്നിവയുടെ കൂട്ടായ പ്രവര്‍ത്തനമാണ് കാമ്പയിന്‍ വിജയത്തിലെത്തിച്ചത്.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
News Summary - Wayanad E-Waste Collected
Next Story