മധു വധക്കേസ്: പ്രഥമ വിവര മൊഴിയിലെ പേരുകൾ ശരിയല്ലെന്ന് അന്വേഷണ ഉദ്യോഗസ്ഥൻ

മ​ണ്ണാ​ർ​ക്കാ​ട്: മ​ധു വ​ധ​ക്കേ​സി​ലെ പ്ര​ഥ​മ വി​വ​ര മൊ​ഴി​യി​ൽ (എ​ഫ്.​ഐ.​എ​സ്) പൊ​ലീ​സ് ചേ​ർ​ത്ത പേ​രു​ക​ൾ ശ​രി​യ​ല്ലെ​ന്ന് മ​ന​സ്സി​ലാ​യ​താ​യി അ​ന്വേ​ഷ​ണ ഉ​ദ്യോ​ഗ​സ്ഥ​ൻ പ്ര​തി​ഭാ​ഗം അ​ഭി​ഭാ​ഷ​ക​രു​ടെ വി​ചാ​ര​ണ​യി​ൽ പ​റ​ഞ്ഞു.

എ​ഫ്.​ഐ.​എ​സി​ൽ പ​റ​യു​ന്ന ഏ​ഴു​പേ​ർ ചേ​ർ​ന്ന് കാ​ട്ടി​ൽ​പോ​യി മ​ധു​വി​നെ പി​ടി​ച്ചു​കൊ​ണ്ടു​വ​ന്നു​വെ​ന്ന കാ​ര്യം വ്യ​ക്ത​മാ​യി​ട്ടി​ല്ലെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​നാ​യി​രു​ന്ന ടി.​കെ. സു​ബ്ര​ഹ്മ​ണ്യ​നാ​ണ് പ​റ​ഞ്ഞ​ത്. എ​ഴു​പേ​രു​ടെ​യും പേ​രും വി​ലാ​സ​വും ഫോ​ൺ ന​മ്പ​റും എ​ഫ്.​ഐ.​എ​സി​ൽ എ​ഴു​തി​യ​ത് ക​ള​വാ​ണെ​ന്ന് ബോ​ധ്യ​പ്പെ​ട്ടി​ട്ടു​ണ്ട്. അ​വി​ടെ ഇ​ല്ലാ​ത്ത ആ​ളു​ക​ളു​ടെ പേ​രു​വി​വ​ര​ങ്ങ​ൾ ഉ​ൾ​പ്പെ​ട്ട​താ​യും എ​ന്നാ​ലി​ത് പൊ​ലീ​സി​ന്റെ ഗു​രു​ത​ര വീ​ഴ്ച​യാ​യി കാ​ണാ​നാ​വി​ല്ലെ​ന്നും ടി.​കെ. സു​ബ്ര​ഹ്മ​ണ്യ​ൻ പറഞ്ഞു.

മ​ധു​വി​ന്റേ​ത് ക​സ്റ്റ​ഡി മ​ര​ണ​മ​ല്ല എ​ന്ന് വ​രു​ത്താനല്ലേ നി​ങ്ങ​ൾ ക​ള​വാ​യി ഉ​ത്ത​രം പ​റ​യു​ന്ന​ത് എ​ന്ന ചോ​ദ്യ​ത്തി​ന് അ​ല്ലെ​ന്നും ഇ​ൻ​ക്വ​സ്റ്റ് സ​മ​യ​ത്ത് മ​ധു​വി​ന്റെ ശ​രീ​ര​ത്തി​ലെ പ​രി​ക്കു​ക​ൾ പ​രി​ശോ​ധി​ക്കാ​ൻ വേ​റെ ഡോ​ക്ട​ർ​മാ​ർ ഉ​ണ്ടാ​യി​രു​ന്നോ എ​ന്ന ചോ​ദ്യ​ത്തി​ന് അ​റി​യി​ല്ലെ​ന്നും അ​ദ്ദേ​ഹം പ​റ​ഞ്ഞു. മ​ധു​വി​നെ സ്റ്റേ​ഷ​നി​ലേ​ക്കുള്ള വ​ഴി​മ​ധ്യേ ആ​ശു​പ​ത്രി​യി​ൽ കൊ​ണ്ടു​പോയെന്ന​ത് ശ​രി​യ​ല്ല എ​ന്ന് അ​ന്വേ​ഷ​ണ​ത്തി​ൽ മ​ന​സ്സി​ലാ​യ​താ​യും സു​ബ്ര​ഹ്മ​ണ്യ​ൻ പ​റ​ഞ്ഞു. പ്ര​തി​ഭാ​ഗം വി​ചാ​ര​ണ വെ​ള്ളി​യാ​ഴ്ച​യും തു​ട​രും.