ഫ്ലാഷ്​ മോബ്​: പെൺകുട്ടികളെ അപമാനിച്ചവർക്കെതിരെ വനിതാ കമീഷൻ കേസെടുത്തു

തിരുവനന്തപുരം: എയ്​ഡ്​സ്​ ബോധവത്​കരണ പരിപാടിയുടെ ഭാഗമായി മലപ്പുറത്ത്​ റോഡിൽ ഫ്ലാഷ്​ ​മോബ്​ കളിച്ച മുസ്​ലിം വിദ്യാർഥിനികൾക്കെതിരെ അശ്ലീല പ്രചാരണങ്ങൾ നടത്തിയതിന്​ വനിതാ കമീഷൻ സ്വമേധയാ കേസെടുത്തു. സോഷ്യൽ മീഡയയിൽ പെൺകുട്ടികൾക്കെതിരെ  അപകീർത്തി പരാമർശങ്ങൾ നടത്തിയവർക്കെതിരെയാണ്​ കേസ്​. കുറ്റക്കാർക്കെതിരെ അടിയന്തര നിയമനടപടി സ്വീകരിച്ച്​ റിപ്പോർട്ട്​ സമർപ്പിക്കാൻ പൊലീസ്​ സൈബർ സെല്ലിന്​ ചെയർപേഴ്​സൺ എം.സി ജോസഫൈൻ നിർദേശം നൽകി. 

പെൺകുട്ടികളുടെ അന്തസിന്​ പോറലേൽപ്പിക്കുന്ന പ്രചാരണങ്ങൾ കേരളത്തിന്​ അപമാനകരമാണെന്ന്​ കമീഷൻ അഭിപ്രായപ്പെട്ടു. സോഷ്യൽ മീഡയവഴി ഇത്തരം കുറ്റകൃത്യങ്ങൾ ചെയ്യുന്നവർക്കെതിരെ കർശന നടപടി സ്വീകരിക്കുമെന്നും ജോസഫൈൻ മുന്നറിയിപ്പ്​ നൽകി. 

മലപ്പുറം കുന്നുമ്മലിലാണ്​ എയ്​ഡ്​സ്​ ദിന ബോധവത്​കരണത്തി​​െൻറ ഭാഗമായി  ഫ്ലാഷ്​ മോബ്​ നടത്തിയത്​. ചട്ടിപ്പറമ്പ്​ എജ്യുകെയർ ദന്തൽ കോളജിലെ വിദ്യാർഥിനികളാണ്​ പരിപാടി സംഘടിപ്പിച്ചത്​. സിനിമാഗാനത്തോടൊപ്പം ചുവടുവെക്കാൻ ആദ്യം മൂന്നു മുസ്​ലിം പെൺകുട്ടികളാണ്​ റോഡിലിറങ്ങിയത്​. ശേഷം കുറേപേർ ചേർന്നെങ്കിലും മഫ്​ത ധരിച്ച്​ റോഡിൽ ഡാൻസ്​ കളിച്ച മുസ്​ലിം പെൺകുട്ടികക്കെതിരെ സോഷ്യൽ മീഡയയിൽ ചിലർ അശ്ലീല പരാമർശങ്ങൾ നടത്തുകയായിരുന്നു.