തെങ്ങിൽ കയറിയ മധ്യവയസ്‌കൻ കടന്നൽ കുത്തേറ്റ് മരിച്ചു

തരിയോട്: തേങ്ങ പറിക്കാനായി തെങ്ങിൽ കയറിയ മധ്യവയസ്‌കൻ കടന്നൽ കുത്തേറ്റ് മരിച്ചു. തരിയോട് എട്ടാംമൈൽ ചെറുമലയിൽ ജോയ് പോൾ (55) ആണ് മരിച്ചത്.

തിങ്കളാഴ്ച രാവിലെ 10 മണിയോടെയാണ് സംഭവം. മെഷീനുപയോഗിച്ച് തെങ്ങിൽ കയറി തേങ്ങ പറിക്കുന്നതിനിടെ തെങ്ങിലുണ്ടായിരുന്ന കടന്നൽ കൂടിളകി ജോയിയെ കടന്നലുകൾ ആക്രമിക്കുകയായിരുന്നു. തുടർന്ന് ജോയിയെ കൽപറ്റയിലെ സ്വകാര്യ ആശുപത്രിയിലെത്തിച്ച് ചികിത്സ നൽകിയെങ്കിലും ചൊവ്വാഴ്ച പുലർച്ച മരണപ്പെടുകയായിരുന്നു.

ഭാര്യ: ഷൈല. മക്കൾ: ജെസ്ലിൻ (നഴ്‌സ്, ജെർമനി), അനിഷ (നഴ്സിങ് വിദ്യാർഥിനി, ബംഗളൂരു), സെബിൻ. സംസ്കാരം തരിയോട് സെന്റ് മേരീസ് ഫെറോന പള്ളി സെമിത്തേരിയിൽ നടക്കും.

ജോയ് പോൾ