ദുബൈ സാമ്പത്തിക തട്ടിപ്പ്: മാധ്യമ വിലക്കിന് ഹൈകോടതി സ്റ്റേ

കൊച്ചി: ദു​ൈബ​ സാമ്പത്തിക ഇടപാട്​ കേസുമായി ബന്ധപ്പെട്ട വാർത്തകൾ വിലക്കിയ കരുനാഗപ്പള്ളി സബ്​ കോടതി ഉത്തരവിന്​ ഹൈകോടതിയുടെ സ്​റ്റേ. ചവറ എം.എല്‍.എ എന്‍. വിജയന്‍പിള്ളയുടെ മകന്‍ ശ്രീജിത്തി​​​െൻറ ഹരജിയിൽ സബ്​ കോടതി പുറപ്പെടുവിച്ച ഉത്തരവ്​ നിയമവിരുദ്ധമായതിനാൽ നിലനിൽക്കില്ലെന്ന്​ വിലയിരുത്തിയാണ്​ സിംഗിൾ ബെഞ്ചി​​​െൻറ ഇടക്കാല ഉത്തരവ്​. കീഴ്​കോടതി ഉത്തരവ്​ ഭരണഘടനാനുസൃതമല്ലെന്ന്​ വ്യക്​തമാക്കിയ കോടതി മറ്റൊരു ഉത്തരവുണ്ടാകുന്നതുവരെ​ സ്​റ്റേ ചെയ്യുകയായിരുന്നു​. ഹരജി ഫയലിൽ സ്വീകരിച്ച കോടതി എതിർകക്ഷികൾക്ക്​ നോട്ടീസ്​ അയക്കാൻ ഉത്തരവിട്ടു. സബ്​ കോടതി ഉത്തരവ്​ ചോദ്യം ചെയ്​ത്​ മലയാള മനോരമ ചീഫ് എഡിറ്റര്‍ മാമ്മന്‍ മാത്യുവാണ്​ ഹരജി നൽകിയത്​.

പത്ത് കോടി രൂപയുടെ ചെക്ക് മടങ്ങിയതിൽ മാവേലിക്കര സ്വദേശി രാഖുൽ കൃഷ്ണന്‍ ശ്രീജിത്തിനെതിരെ ചവറ പൊലീസില്‍ നല്‍കിയ പരാതിയും മാവേലിക്കര, ചെങ്ങന്നൂർ ജുഡീഷ്യൽ മജിസ്​ട്രേറ്റ്​ കോടതികളിൽ നൽകിയ സ്വകാര്യ അന്യായങ്ങളും സംബന്ധിച്ച്​ വാർത്തകളോ പ്രസ്​താവനകളോ പ്രസിദ്ധീകരിക്കാനോ ചർച്ച നടത്താനോ പാടില്ലെന്നായിരുന്നു സബ്​ കോടതി ഉത്തരവ്​. ഇതിനെതിരെയാണ് ശ്രീജിത്തി​​​െൻറ ഹരജിയിലെ രണ്ടാം എതിര്‍കക്ഷിയായ മാമ്മന്‍ മാത്യു ഹൈകോടതിയെ സമീപിച്ചത്. സബ്​ കോടതി നടപടി നിയമവിരുദ്ധമാണെന്ന്​ ചൂണ്ടിക്കാട്ടിയാണ്​ ഹരജി നൽകിയത്​.

ക്രിമിനല്‍ കോടതിയിലെ കേസിലെ കക്ഷികളെ അവരുടെ താല്‍പര്യം പരിഗണിച്ച് സിവില്‍ കോടതിയിലേക്ക് വലിച്ചിറക്കാൻ കീഴ്​കോടതിക്ക്​ അധികാരമുണ്ടോയെന്ന്​ ​പരിശോധിക്കണമെന്ന്​ ഇതിൽ ആവശ്യപ്പെട്ടിരുന്നു. തങ്ങളെ ​കേൾക്കാതെയാണ്​ സബ്​ കോടതി ഉത്തരവ്​ പുറപ്പെടുവിച്ചത്​. ​െഫബ്രുവരി മൂന്നിന്​ പുറപ്പെടുവിച്ച ഉത്തരവി​​​െൻറ പകർപ്പാണ്​ ലഭിച്ചത്​. കേസ്​ നടപടികൾ റിപ്പോർട്ട്​ ചെയ്യുന്നതിൽനിന്ന്​ മാധ്യമങ്ങളെ വിലക്കാൻ കീഴ്​കോടതികൾക്ക്​ അധികാരമില്ല. ഹൈകോടതി, സുപ്രീംകോടതി എന്നിവക്ക്​ മാത്രമേ ഇങ്ങനെ ഉത്തരവിടാനാവൂ. അഭിപ്രായ സ്വാതന്ത്ര്യത്തി​​​െൻറ ഭാഗമാണ്​ മാധ്യമ സ്വാതന്ത്ര്യം. തുറന്ന കോടതിയിലെ വിചാരണയെന്നതാണ്​ പൊതുതത്ത്വം. മാധ്യമങ്ങൾക്കും അതിൽ പ​െങ്കടുക്കാൻ അവകാശമുണ്ട്​. സർക്കാർ സേവനങ്ങൾ ദുരുപയോഗം ചെയ്യുന്നതിലൂടെ സമൂഹത്തിന്​ നേ​െരയുണ്ടാകുന്ന കുറ്റകൃത്യങ്ങൾ സംബന്ധിച്ച വിവരങ്ങൾ ജനങ്ങൾക്ക്​ എത്തിക്കുകയാണ്​ മാധ്യമങ്ങൾ ചെയ്യുന്നത്​. ഇൗ അവകാശത്തിലേക്ക്​ കടന്നുകയറുന്നതാണ്​ സബ്​ കോടതി ഉത്തര​െവന്നും ഹരജിയിൽ പറഞ്ഞിരുന്നു. 

കേസ്​ വീണ്ടും പരിഗണിക്കണമെന്ന ആവശ്യമുന്നയിച്ച്​ ശ്രീജിത്തി​​​െൻറ അഭിഭാഷകൻ ഉച്ചക്ക്​ ശേഷവും ​കോടതിയെ സമീപിച്ചു. എന്നാൽ, ഹരജി ബുധനാഴ്​ച പരിഗണിക്കണമെന്ന അദ്ദേഹത്തി​​​െൻറ ആവശ്യം കോടതി അംഗീകരിച്ചില്ല. കീഴ്​കോടതി ഉത്തരവ്​ ജുഡീഷ്യറിക്ക്​ നേരെയുള്ള അനാവശ്യ വിമർശനങ്ങൾക്ക്​ കാരണമായതായി കോടതി വാക്കാൽ വിമർശിച്ചു. ഇത്തരം പ്രവണതകൾ മുളയിലെ നുള്ളേണ്ടതാണ്​. ഏതെങ്കിലും ആരോപണങ്ങൾ ചർച്ച ചെയ്യുന്നത്​ ഇത്തരം ഉത്തരവിലൂടെ എങ്ങനെ വിലക്കാനാവുമെന്ന്​ കോടതി ആരാഞ്ഞു. മാധ്യമങ്ങൾ തെറ്റായ വാർത്ത പ്രചരിപ്പിച്ചാൽ അതി​െനതിരെ നടപടിയെടുക്കാം. അല്ലാതെ വാർത്തകളും ചർച്ചകളും തടയു​കയോ അസഹിഷ്​ണുത കാട്ടുകയോ അല്ല​ ചെയ്യേണ്ടത്​. ചർച്ചകളിൽ ആരും അസഹിഷ്​ണുത കാണിക്കേണ്ടതില്ലെന്നും കോടതി വ്യക്​തമാക്കി